Hechos 4:29 - Li Santil hu

²⁹ Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

Q'eqchi Bible

²⁹ Ut anaqwan, at Qaawa', k'e reetal chanru nokoohe'xxib'esi, ut chak'e taxaq reheb' laj k'anjel chawu xpuktesinkil laawaatin chi kaweb' xch'ool.

Hechos 4:29 ပူးပေါင်းရင်းမြစ်များ

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Hechos 14:3

Abanan laj Pablo ut laj Bernabé najt queꞌcana aran. Ut xban nak cauheb xchꞌo̱l riqꞌuin li Ka̱cuaꞌ queꞌxchꞌolob xya̱lal li rusilal li Dios. Ut li Ka̱cuaꞌ yo̱ chixqꞌuebal xcuanquil li ra̱tineb xban nak yo̱ chixtenkꞌanquileb chixba̱nunquil li milagros ut li sachba chꞌo̱lej.

Filipenses 1:14

Ut nabaleb laj pa̱banel xeꞌxcacuubresi xchꞌo̱leb saꞌ xpa̱ba̱leb saꞌ xcꞌabaꞌ li Ka̱cuaꞌ xban nak xeꞌxqꞌue retal nak cau inchꞌo̱l usta cuanquin chi pre̱xil saꞌ xcꞌabaꞌ li Jesucristo. Ut nequeꞌxchꞌolob xya̱lal li ra̱tin li Dios chi ma̱cꞌaꞌ xxiuheb.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.

Hechos 19:8

Chiru oxib po laj Pablo quixchꞌolob lix ya̱lal chiruheb laj Éfeso chi ma̱cꞌaꞌ xxiu saꞌ li cab li nequeꞌxchꞌutub cuiꞌ ribeb laj judío. Quixyal xkꞌe xcꞌutbal chi tzꞌakal lix ya̱lal lix nimajcual cuanquilal li Dios.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Hechos 9:27

Ut laj Bernabé quixcꞌam laj Saulo riqꞌuineb li apóstol ut quixserakꞌi reheb chanru nak quiril ru li Ka̱cuaꞌ saꞌ li be ut quixye ajcuiꞌ reheb chanru nak quixchꞌolob xya̱lal li Jesucristo chi cau xchꞌo̱l aran Damasco.

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

Daniel 9:18

Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

Miqueas 3:8

Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Lamentaciones 5:1

At Ka̱cuaꞌ, chijulticokꞌ taxak a̱cue li cꞌaꞌru xkacꞌul. Chacuil taxak xtokꞌoba̱l ku xban nak xuta̱nal xo-el.

Lamentaciones 3:50

toj retal nak li Ka̱cuaꞌ ta̱ril chak xtokꞌoba̱l ku saꞌ choxa.

Isaías 63:15

At Ka̱cuaꞌ, li cuancat saꞌ li santil choxa, qꞌue chak retal li cꞌaꞌru yo̱co chixcꞌulbal toj saꞌ li lokꞌlaj naꞌajej li cuancat cuiꞌ. ¿Ma incꞌaꞌ narahoꞌ a̱chꞌo̱l chikilbal? ¿Cꞌaꞌut nak incꞌaꞌ nacaqꞌue a̱chꞌo̱l chikatenkꞌanquil riqꞌuin la̱ cuanquil? ¿Ma incꞌaꞌ ta̱ru̱k ta̱cuuxta̱na ku?

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Hechos 9:28

Ut laj Saulo quicana riqꞌuineb laj pa̱banel aran Jerusalén ut co̱ yalak bar chixyebal resil li Jesucristo chi cau xchꞌo̱l.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

1 Corintios 14:13

Ut li ani cuan xma̱tan chi a̱tinac saꞌ jalanil a̱tin, li incꞌaꞌ natauman ru, chixtzꞌa̱mahak chiru li Dios re nak ta̱ru̱k tixye xya̱lal li cꞌaꞌru quixye saꞌ li jalanil a̱tin re nak ta̱ru̱k tixchꞌolob xya̱lal chiruheb li rech aj pa̱banelil.