Hechos 4:17 - Li Santil hu

¹⁷ Takaseꞌbesiheb re nak incꞌaꞌ chic teꞌxye resil li naꞌleb aꞌin saꞌ eb li tenamit. Takaye reheb nak chalen anakcuan incꞌaꞌ chic teꞌa̱tinak saꞌ xcꞌabaꞌ li Jesús, chanqueb.

Q'eqchi Bible

¹⁷ Ab'anan, re naq ink'a' chik taapuktesimanq resil a'in sa'eb' li tenamit, qaxib'esihaqeb' re naq chalen anaqwan maa'ani chik aj ik'in te'aatinaq sa' xk'ab'a' li Jesus.

Hechos 4:17 ပူးပေါင်းရင်းမြစ်များ

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

1 Ts 1:8

Anakcuan e̱ban la̱ex nak yalak bar qui-abi̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi̱c ban ajcuiꞌ saꞌ chixjunil li naꞌajej. Yalak bar qui-abi̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l.

Hechos 5:24

Nak queꞌrabi aꞌan, eb li xbe̱nil aj tij ut eb li nequeꞌtaklan saꞌ xbe̱neb li soldado li nequeꞌcꞌacꞌalen saꞌ li templo, queꞌsach xchꞌo̱leb ut queꞌoc chixcꞌoxlanquil cꞌaꞌru ta̱cana̱k cuiꞌ li yo̱ chi cꞌulma̱nc.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

San Mateo 27:64

Takla xqꞌuebal retal chi us li mukleba̱l toj ta̱numekꞌ li oxib cutan. Ma̱re teꞌcha̱lk lix tzolom chi kꞌek chirelkꞌanquil li camenak ut teꞌxye reheb li tenamit, “Xcuacli cuiꞌchic chi yoꞌyo saꞌ xya̱nkeb li camenak.” Ut kꞌaxal cuiꞌchic chꞌaꞌaj toe̱lk la̱o chiru li xkacꞌul xbe̱n cua.

Amós 2:12

Ut quixye ajcuiꞌ: —Abanan la̱ex quemin ruheb laj nazareo chi ucꞌac vino, ut quetacchiꞌiheb li profeta nak incꞌaꞌ teꞌxye li cua̱tin reheb li tenamit.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

San Mateo 9:30

Ut queꞌiloc li xnakꞌ ruheb. Ut li Jesús quixye reheb: —Cherabi chi us li cꞌaꞌru tinye e̱re. Ma̱ ani aj iqꞌuin te̱serakꞌi li cꞌaꞌru xecꞌul, chan reheb.

San Juan 15:21

Texrahobtesi̱k xban nak la̱ex cualal incꞌajol. Teꞌxba̱nu chi joꞌcan xban nak incꞌaꞌ nequeꞌxnau ru li ani quitaklan chak cue.

Efesios 6:9

Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.