Hechos 4:13 - Li Santil hu

¹³ Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Q'eqchi Bible

¹³ Naq ke'xk'e reetal li xkawub' xch'ooleb' laj Pedro ut laj Jwan, ke'sachk xch'ool, xb'aan naq ch'olch'o chiruheb' naq eb' li winq a'in moko tzolb'ileb' ta ut aj k'aleb'aaleb'. Neke'xnaw chi us naq xe'rochb'eeni li Jesus.

Hechos 4:13 ပူးပေါင်းရင်းမြစ်များ

1 Corintios 1:27

Li ma̱cꞌaꞌeb xnaꞌleb chiruheb li cui̱nk, li Dios quixsiqꞌueb ru re nak teꞌcꞌutekꞌ xxuta̱neb li cuanqueb xnaꞌleb saꞌ ruchichꞌochꞌ. Ut li ma̱cꞌaꞌeb xcuanquil saꞌ ruchichꞌochꞌ li Dios quixsiqꞌueb ru re nak teꞌcꞌutekꞌ xxuta̱neb li cuanqueb xcuanquil saꞌ ruchichꞌochꞌ.

San Juan 7:15

Queꞌsach xchꞌo̱leb li nequeꞌtaklan saꞌ xya̱nkeb laj judío chirabinquil li cꞌaꞌru quixye li Jesús. Queꞌxye: —¿Chanru nak naxnau li cui̱nk aꞌin chixjunil li cꞌaꞌak re ru aꞌin? Aꞌan moco tzolbil ta, chanqueb.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

San Mateo 26:73

Ut junpa̱tak chican, li cuanqueb aran queꞌjiloc riqꞌuin laj Pedro ut queꞌxye re: —Relic chi ya̱l nak la̱at xcomoneb xban nak la̱ cua̱tinoba̱l nacꞌutuc re nak la̱at aj Galilea.—

San Juan 7:49

Eb li qꞌuila tenamit aꞌin incꞌaꞌ nequeꞌxnau cꞌaꞌru naxye saꞌ li chakꞌrab li quiqꞌueheꞌ re laj Moisés. ¿Cꞌaꞌru teꞌoc cuiꞌ eb aꞌan? chanqueb laj fariseo.

San Lucas 22:8

Li Jesús quixye reheb laj Pedro ut laj Juan: —Ayukex ut cauresihomak chak li tzacae̱mk re li pascua re totzaca̱nk, chan.

San Mateo 26:71

Ut jun chic li ixk qui-iloc re nak yo̱ chi e̱lc chire li cab. Ut quixye reheb li cuanqueb aran: —Li cui̱nk aꞌin, aꞌan jun qui-ochbenin re li Jesús aj Nazaret.

San Juan 19:26

Li Jesús quiril lix naꞌ ut quiril ajcuiꞌ lix tzolom li raro xban. Li Jesús quixye re lix naꞌ: —At innaꞌ, li cui̱nk aꞌin, aꞌan chic la̱ yum.—

Hechos 4:14

Ut ma̱cꞌaꞌ chic naru nequeꞌxye xban nak yo̱queb chirilbal li cui̱nk li quiqꞌuirtesi̱c xakxo chixcꞌatkeb laj Pedro ut laj Juan.

Hechos 4:19

Ut queꞌchakꞌoc laj Pedro ut laj Juan ut queꞌxye reheb: —Cꞌoxlahomak chi us bar cuan li us chiru li Dios. ¿Ma us nak texkapa̱b la̱ex malaj ut us nak takapa̱b li Dios?

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

Hechos 9:27

Ut laj Bernabé quixcꞌam laj Saulo riqꞌuineb li apóstol ut quixserakꞌi reheb chanru nak quiril ru li Ka̱cuaꞌ saꞌ li be ut quixye ajcuiꞌ reheb chanru nak quixchꞌolob xya̱lal li Jesucristo chi cau xchꞌo̱l aran Damasco.

Hechos 9:28

Ut laj Saulo quicana riqꞌuineb laj pa̱banel aran Jerusalén ut co̱ yalak bar chixyebal resil li Jesucristo chi cau xchꞌo̱l.

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.