Hechos 4:10 - Li Santil hu

¹⁰ Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

Q'eqchi Bible

¹⁰ Chenawaq chejunilex jo'wi' chixjunil li tenamit Israel naq sa' xk'ab'a' li Jesukriist, laj Nazaret, li xek'e laa'ex chiru krus ut xwaklesiik chi yo'yo xb'aan li Yos sa' xyanqeb' li kamenaq, sa' xk'ab'a' a'an naq xaqxo li winq a'in cheru laa'ex chi kaw chik.

Hechos 4:10 ပူးပေါင်းရင်းမြစ်များ

Hechos 3:6

Laj Pedro quixye re: —Ma̱cꞌaꞌ intumin la̱in re tinqꞌue a̱cue. Abanan li cꞌaꞌru cuan cuiqꞌuin tinqꞌue a̱cue. Saꞌ xcꞌabaꞌ li Ka̱cuaꞌ Jesucristo laj Nazaret, ninye a̱cue cuaclin ut be̱n, chan re.

Hechos 2:36

Chenauhak che̱junilex la̱ex aj Israel nak li Jesús li queqꞌue la̱ex chiru cruz, aꞌan li quiqꞌueheꞌ chokꞌ Ka̱cuaꞌ ut chokꞌ Cristo xban li Dios, chan laj Pedro.

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

Daniel 3:18

Ut cui incꞌaꞌ toxcol, at rey, chanauhak nak incꞌaꞌ ajcuiꞌ takalokꞌoniheb la̱ dios chi moco takalokꞌoni li jalam u̱ch oro li xayi̱b, chanqueb.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

Hechos 2:32

Aꞌan aꞌin li Jesús li quicuaclesi̱c cuiꞌchic chi yoꞌyo xban li Dios. La̱o xkil tzꞌakal riqꞌuin xnakꞌ ku. Joꞌcan nak nakanau nak ya̱l.

San Lucas 18:37

Queꞌxye re nak li Jesús aj Nazaret yo̱ chi numecꞌ.