Hechos 3:8 - Li Santil hu

⁸ Saꞌ junpa̱t quixakli ut quibe̱c. Ut qui-oc saꞌ li templo rochbeneb. Yo̱ chi piscꞌoc xban xsahil xchꞌo̱l ut yo̱ chixlokꞌoninquil li Dios.

Q'eqchi Bible

⁸ kixaqliik, kipisk'o'k ut kixtikib' b'eek. Ki'ok sa' rochoch li Yos rochb'eeneb', yo chi b'eek, chi pisk'ok ut chi xnimankil ru li Yos.

Hechos 3:8 ပူးပေါင်းရင်းမြစ်များ

Hechos 14:10

Joꞌcan nak laj Pablo quixye re chi cau xya̱b xcux: —Cuaclin. Xaklin chi us, chan. Ac ta̱cuacli̱k ut qui-oc chi be̱c li cui̱nk.

Isaías 35:6

Ut eb li ye̱k rok chanchanakeb chic li quej nak teꞌpiscꞌok xban xsahileb xchꞌo̱l. Li mem teꞌa̱tinak chic ut teꞌxjap re xban xsahileb xchꞌo̱l. Ut saꞌ li chaki chꞌochꞌ ta̱cua̱nk li yuꞌam haꞌ chi numtajenak.

San Lucas 6:23

Chisahokꞌ saꞌ e̱chꞌo̱l nak teꞌxba̱nu e̱re chi joꞌcan. Chicꞌojla̱k e̱chꞌo̱l xban nak cuan jun le̱ kꞌajca̱munquil riqꞌuin li Dios saꞌ choxa. Joꞌcan ajcuiꞌ nak queꞌxtzꞌekta̱na eb li profeta junxil eb lix xeꞌto̱nil xyucuaꞌeb li tenamit aꞌin.

San Juan 5:14

Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

San Lucas 18:43

Ut saꞌ junpa̱t qui-iloc li mutzꞌ ut co̱ chirixeb. Yo̱ chixlokꞌoninquil li Dios. Ut nak queꞌril li cꞌaꞌru quicꞌulman, chixjunileb li tenamit queꞌxqꞌue xlokꞌal li Dios.

Hechos 3:7

Ut nak quixye aꞌin, quixchap ut quixcuaclesi riqꞌuin lix nim ukꞌ. Saꞌ junpa̱t quicacuu li xbe̱n rak ut li rok li cui̱nk.

Hechos 19:16

Li cui̱nk li cuan ma̱us aj musikꞌej riqꞌuin, quixcut rib saꞌ xbe̱neb. Aꞌan kꞌaxal cuiꞌchic cau rib chiruheb. Tacuasinbileb ut pejeleb chic li rakꞌeb nak queꞌe̱lelic saꞌ li cab aꞌan.