Hechos 3:21 - Li Santil hu

²¹ Abanan tento nak cua̱nk chak aran saꞌ choxa toj ta̱cuulak xkꞌehil nak ta̱tzꞌaklok ru chixjunil joꞌ queꞌxchꞌolob xya̱lal li santil profeta junxilaj joꞌ quiyeheꞌ reheb xban li Dios.

Q'eqchi Bible

²¹ A'an tento tkanaaq wan sa' choxa toj sa' li honal taa'ak'ob'resiiq wi' chixjunil li k'a'aq re ru, jo' kixye chaq li Yos chi xtz'uumal reheb' li xsantil propeet.

Hechos 3:21 ပူးပေါင်းရင်းမြစ်များ

Romanos 8:21

Joꞌcan nak li ruchichꞌochꞌ ta̱colekꞌ chiru li tzꞌekta̱na̱c. Ut xban xnimal rusilal li Dios, ta̱colekꞌ li ruchichꞌochꞌ, joꞌ nak teꞌcolekꞌ li ralal xcꞌajol li Dios.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

Isaías 1:26

Tinxakabeb cuiꞌchic laj rakol a̱tin joꞌ li queꞌcuan junxil ut tinxakabeb ajcuiꞌ laj qꞌuehol naꞌleb joꞌ li queꞌcuan saꞌ xticlajic. Chi joꞌcan teꞌxye cuiꞌchic e̱re, “Aꞌan li tenamit li ti̱c xchꞌo̱l. Aꞌan li tenamit li cha̱bil,” chaꞌakeb.

Apocalipsis 22:6

Ut li ángel quixye cue: —Eb li a̱tin aꞌin tzꞌakal ya̱l ut us xpa̱banquil. Li Ka̱cuaꞌ Dios li nacꞌutbesin chiruheb lix profeta cꞌaꞌru teꞌxye, aꞌan xtakla chak lix ángel chixcꞌutbal chiruheb laj cꞌanjel li cꞌaꞌru ta̱cꞌulma̱nk chi se̱b.—

San Lucas 1:70

Aꞌin quixyechiꞌi chak junxilaj joꞌ queꞌxye ke li santil profetas.

2 Pedro 3:2

Chijulticokꞌ e̱re li ra̱tineb li santil profeta tzꞌi̱banbil chak najter kꞌe cutan. Ut chijulticokꞌ e̱re lix chakꞌrab li Ka̱cuaꞌ Jesucristo laj Colol ke, kꞌaxtesinbil e̱re kaban la̱o lix apóstol li Jesucristo.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

Hechos 10:43

Aꞌan aꞌin li Jesús li queꞌxye chak resil chixjunileb li profeta junxil. Queꞌxye nak saꞌ xcꞌabaꞌ aꞌan ta̱cuyekꞌ xma̱queb chixjunileb li nequeꞌpa̱ban re.—

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Hechos 3:20

Li Dios tixtakla cuiꞌchic chak li Jesucristo saꞌ ruchichꞌochꞌ xban nak aꞌan li Mesías li ac xakabanbil chak najter re xcolbaleb chiru li raylal li cuanqueb saꞌ ruchichꞌochꞌ.

Hebreos 1:1

Najter kꞌe cutan li Ka̱cuaꞌ Dios qꞌuila sut quixtaklaheb chak li profeta chixyebal li ra̱tin riqꞌuineb li kaxeꞌto̱nil yucuaꞌ. Quixsiqꞌui xya̱lal chanru nak tixchꞌolob xya̱lal chiruheb.