Hechos 3:13 - Li Santil hu

¹³ Li Dios li queꞌxlokꞌoni chak laj Abraham, laj Isaac ut laj Jacob joꞌqueb ajcuiꞌ li kaxeꞌto̱nil yucuaꞌ, aꞌan quiqꞌuehoc xcuanquil li Jesucristo laj cꞌanjel chiru. Ut la̱ex quekꞌaxtesi aꞌan re laj Pilato. Ut nak laj Pilato quiraj raj rachꞌabanquil, la̱ex incꞌaꞌ queraj.

Q'eqchi Bible

¹³ Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Hechos 3:13 ပူးပေါင်းရင်းမြစ်များ

Hechos 7:32

“La̱in li Ka̱cuaꞌ Dios li queꞌxlokꞌoni chak la̱ xeꞌto̱nil yucuaꞌ. La̱in li Dios li queꞌxlokꞌoni chak laj Abraham, laj Isaac, ut laj Jacob,” chan. Ut laj Moisés nasicsot xban xxiu ut incꞌaꞌ chic quixcuy rilbal.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

Hebreos 2:9

Abanan nakaqꞌue retal chanru nak li Jesucristo quinima̱c ru ut quiqꞌueheꞌ xlokꞌal. Usta quicubsi̱c xcuanquil jarubak cutan chiruheb li ángel, nak quitzꞌejcualoꞌ, quiqꞌueheꞌ xlokꞌal xban li raylal quixcꞌul nak quicam saꞌ kacꞌabaꞌ la̱o. Xban lix nimal rusilal li Dios, li Jesucristo quicam re xcolbal chixjunileb li cuanqueb saꞌ ruchichꞌochꞌ.

San Juan 19:15

Queꞌxjap cuiꞌchic reheb chixyebal: —¡Qꞌuehomak chiru cruz! ¡Qꞌuehomak chiru cruz! Ut laj Pilato quixye reheb: —¿Ma te̱raj nak tinqꞌue chiru cruz le̱ rey? chan. Eb li xbe̱nil aj tij queꞌxye: —Jun ajcuiꞌ li karey cuan. Aꞌan li Acuabej César, chanqueb.

San Juan 19:12

Ut chalen aꞌan laj Pilato yo̱ chixsicꞌbal chanru nak ta̱rachꞌab li Jesús. Abanan eb laj judío queꞌxjap reheb ut queꞌxye: —Cui nacacuachꞌab li cui̱nk aꞌan, la̱at ma̱cuaꞌakat chic rami̱g li Acuabej César. Li ani naraj xqꞌuebal rib chokꞌ rey, li jun aꞌan xicꞌ chic naril li Acuabej, chanqueb.

San Juan 18:40

Eb aꞌan queꞌxjap re ut queꞌxye: —Incꞌaꞌ. Ma̱cuachꞌab li cui̱nk aꞌan. Achꞌab laj Barrabás, chanqueb. Laj Barrabás, aꞌan jun aj e̱lkꞌ.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Hechos 22:14

Ut quixye cuiꞌchic cue, “Li Dios li queꞌxlokꞌoni chak li kaxeꞌto̱nil yucuaꞌ, aꞌan quisicꞌoc chak a̱cuu re nak ta̱nau ut ta̱ba̱nu li cꞌaꞌru naraj aꞌan. Aꞌan naraj nak ta̱cuil ru li jun li Ti̱c Xchꞌo̱l ut ta̱cuabi li cꞌaꞌru tixye a̱cue.

San Juan 12:16

Saꞌ li ho̱nal aꞌan nak yo̱ chi cꞌulma̱nc li cꞌaꞌak re ru aꞌin, eb lix tzolom incꞌaꞌ queꞌxtau ru lix ya̱lal. Abanan mokon nak ac quicuaclesi̱c cuiꞌchic chi yoꞌyo saꞌ xya̱nkeb li camenak ut quiqꞌueheꞌ xlokꞌal, tojoꞌnak queꞌxqꞌue retal nak quixcꞌul joꞌ tzꞌi̱banbil chak retalil saꞌ li Santil Hu chirix.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

San Lucas 23:4

Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan.

San Marcos 15:11

Aban eb lix be̱nil aj tij queꞌxtacchiꞌi li qꞌuila tenamit re nak aꞌ laj Barrabás li teꞌxtzꞌa̱ma re nak ta̱achꞌaba̱k.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

San Mateo 27:2

Queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato li acuabej.

San Mateo 20:19

Ut tineꞌxkꞌaxtesi saꞌ rukꞌeb li ma̱cuaꞌeb aj judío. Ut eb aꞌan tineꞌxhob, tineꞌxsacꞌ, ut tineꞌxcamsi chiru cruz. Abanan saꞌ rox li cutan tincuacli̱k cuiꞌchic chi yoꞌyo saꞌ xya̱nkeb li camenak, chan li Jesús.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Éxodo 3:13

Laj Moisés quixye re li Dios: —Nak tincuulak riqꞌuineb laj Israel, tinye reheb nak lix Dios lix xeꞌto̱nil yucuaꞌeb xtaklan cue. Ut eb aꞌan teꞌxpatzꞌ cue, “¿Ani xcꞌabaꞌ li Dios aꞌan?” Ut, ¿cꞌaꞌru tinye reheb? chan laj Moisés.

Éxodo 3:15

Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

San Lucas 6:37

Mextzꞌiloc a̱tin chirixeb le̱ ras e̱ri̱tzꞌin re nak li Dios incꞌaꞌ ta̱tzꞌilok a̱tin che̱rix la̱ex. Me̱tzꞌekta̱na le̱ ras e̱ri̱tzꞌin re nak li Dios incꞌaꞌ textzꞌekta̱na la̱ex. Checuyak xma̱queb le̱ ras e̱ri̱tzꞌin re nak li Dios tixcuy e̱ma̱c la̱ex.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Hechos 3:12

Nak laj Pedro quirileb, quixye reheb: —La̱ex aj Israel, ¿cꞌaꞌut nak sachso e̱chꞌo̱l nequexcana xban li cꞌaꞌru xcꞌulman? ¿Cꞌaꞌut nak yo̱quex chikilbal? ¿Ma nequecꞌoxla la̱ex nak la̱o xkaqꞌuirtesi li cui̱nk aꞌin kajunes? ¿Ma xban ta biꞌ kacuanquil ut li kacha̱bilal nak xkaqꞌue chi be̱c li cui̱nk aꞌin?

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

Hechos 4:30

Ut riqꞌuin taxak xnimal la̱ cuanquil, ta̱qꞌuirtesiheb li yaj ut chaba̱nu li sachba chꞌo̱lej ut milagro saꞌ xcꞌabaꞌ li Jesús la̱ Santil Alal, chanqueb saꞌ lix tijeb.

Hechos 24:14

La̱in tinye xya̱lal a̱cue. Ninlokꞌoni li Dios li queꞌxlokꞌoni chak li kaxeꞌto̱nil yucuaꞌ. Ninpa̱b li evangelio li nequeꞌxye nak moco ya̱l ta. Ninpa̱b chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés, joꞌ ajcuiꞌ li queꞌxtzꞌi̱ba li profetas.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

San Lucas 22:57

Abanan laj Pedro quiticꞌtiꞌic ut quixye: —At ixk, la̱in incꞌaꞌ ninnau ru ani li nacaye, chan.