Hechos 3:11 - Li Santil hu

¹¹ Ut li cui̱nk li quiqꞌuirtesi̱c incꞌaꞌ quiraj xcanabanquil rib riqꞌuineb laj Pedro ut laj Juan. Yo̱ chi be̱c rochbeneb. Ut chixjunileb sachso̱queb xchꞌo̱l chirilbal li quicꞌulman. Queꞌco̱eb saꞌ a̱nil saꞌ li templo ut queꞌxchꞌutub ribeb saꞌ li oqueba̱l Salomón xcꞌabaꞌ, cuanqueb cuiꞌ laj Pedro ut laj Juan.

Q'eqchi Bible

¹¹ Li winq a'an ink'a' naxkanab'eb' laj Pedro ut laj Jwan; jo'kan naq chixjunil li tenamit ke'chalk rik'ineb' chi sachsookeb' xch'ool ut sa' aanil, sa' li xnumleb'aal laj Salomón, jo' neke'xye re.

Hechos 3:11 ပူးပေါင်းရင်းမြစ်များ

Hechos 5:12

Rajlal nequeꞌxchꞌutub ribeb saꞌ xmu li templo chixjunileb laj pa̱banel cuan cuiꞌ li oqueba̱l Salomón xcꞌabaꞌ. Nabal li milagro queꞌxba̱nu eb li apóstol ut nabal li sachba chꞌo̱lej.

San Juan 10:23

Ut li Jesús yo̱ chi be̱c saꞌ li templo bar cuan cuiꞌ li oqueba̱l Salomón xcꞌabaꞌ.

San Lucas 8:38

Ut li cui̱nk li qui-isi̱c ma̱us aj musikꞌej riqꞌuin quixye re li Jesús: —Xicakin cha̱cuix, chan re. Abanan li Jesús quixye re: —Incꞌaꞌ. Cana̱kat.

Hechos 2:6

Nak queꞌrabi li cꞌaꞌru yo̱queb chixcꞌulbal eb aꞌan, queꞌxchꞌutub ribeb li qꞌuila tenamit. Sachso̱queb xchꞌo̱l xban nak queꞌrabi nak yo̱queb chi a̱tinac saꞌ li ra̱tinoba̱leb li junju̱nk chi tenamit.

San Lucas 22:8

Li Jesús quixye reheb laj Pedro ut laj Juan: —Ayukex ut cauresihomak chak li tzacae̱mk re li pascua re totzaca̱nk, chan.

Jeremías 26:9

¿Cꞌaꞌut nak nacaye saꞌ xcꞌabaꞌ li Ka̱cuaꞌ nak li cab aꞌin ta̱cana̱k joꞌ Silo? Ut, ¿cꞌaꞌut nak nacaye nak li tenamit aꞌin ta̱cana̱k chi ma̱cꞌaꞌ chic cuan chi saꞌ? chanqueb. Ut chixjunileb li tenamit queꞌjoskꞌoꞌ saꞌ xbe̱n laj Jeremías saꞌ lix templo li Ka̱cuaꞌ.

Hechos 3:3

Li cui̱nk aꞌin quiril nak yo̱queb chi oc saꞌ li templo laj Pedro ut laj Juan. Qui-oc chixtzꞌa̱manquil cꞌaꞌru re reheb.

Hechos 3:4

Laj Pedro ut laj Juan queꞌcana chirilbal li yaj ut laj Pedro quixye re: —Ilon chak kiqꞌuin.—

Hechos 3:12

Nak laj Pedro quirileb, quixye reheb: —La̱ex aj Israel, ¿cꞌaꞌut nak sachso e̱chꞌo̱l nequexcana xban li cꞌaꞌru xcꞌulman? ¿Cꞌaꞌut nak yo̱quex chikilbal? ¿Ma nequecꞌoxla la̱ex nak la̱o xkaqꞌuirtesi li cui̱nk aꞌin kajunes? ¿Ma xban ta biꞌ kacuanquil ut li kacha̱bilal nak xkaqꞌue chi be̱c li cui̱nk aꞌin?