Hechos 3:1 - Li Santil hu

¹ Saꞌ jun li cutan queꞌco̱eb saꞌ li templo laj Pedro rochben laj Juan oxib o̱r re ecuu saꞌ x-o̱ril li tijoc.

Q'eqchi Bible

¹ Sa' jun li kutan laj Pedro ut laj Jwan ke'taqe'k sa' rochoch li Yos sa' oxib' honal re li ewu: a'an xhonalil li tijok.

Hechos 3:1 ပူးပေါင်းရင်းမြစ်များ

Salmos 55:17

Ekꞌela, cuaꞌleb ut ecuu ninya̱ba xcꞌabaꞌ li Dios nak nintijoc ut ninye cuib re ut aꞌan narabi li cꞌaꞌru nintzꞌa̱ma re.

Hechos 10:3

Saꞌ jun li cutan saꞌ oxib o̱r tana re ecuu laj Cornelio quiril saꞌ visión nak qui-oc jun li ángel riqꞌuin ut quixye re: —At Cornelio, chan.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

San Lucas 1:10

Nak yo̱ chi cꞌatc li incienso chixjunileb li tenamit chꞌutchꞌu̱queb chirix cab ut yo̱queb chi tijoc.

Hechos 5:25

Quichal jun ut quixye reheb: —Eb li cui̱nk li queꞌqꞌueheꞌ saꞌ tzꞌalam ecue̱r cuanqueb saꞌ li templo ut yo̱queb chixchꞌolobanquil lix ya̱lal chiruheb li tenamit, chan.

San Lucas 24:53

Ut junelic cuanqueb saꞌ li templo. Yo̱queb chi bantioxi̱nc ut yo̱queb chixlokꞌoninquil li Dios. Joꞌcan taxak.

Hechos 8:14

Eb li apóstol li toj cuanqueb Jerusalén queꞌrabi resil nak eb laj Samaria yo̱queb chixpa̱banquil li Dios. Joꞌcan nak queꞌxtakla laj Pedro ut laj Juan aran.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

San Juan 21:7

Ut lix tzolom li Jesús, li raro xban, quixye re laj Pedro: —¡Aꞌan li Ka̱cuaꞌ!— Ut laj Pedro, nak quirabi nak aꞌan li Ka̱cuaꞌ, quixqꞌue cuiꞌchic li rakꞌ chirix xban nak quirisi nak qui-oc chi caribc, ut quixcut rib saꞌ li haꞌ re ta̱xic riqꞌuin li Jesús.

San Lucas 22:8

Li Jesús quixye reheb laj Pedro ut laj Juan: —Ayukex ut cauresihomak chak li tzacae̱mk re li pascua re totzaca̱nk, chan.

San Mateo 26:37

Ut quixcꞌam chirix laj Pedro joꞌqueb ajcuiꞌ li cuib chi ralal laj Zebedeo. Ut li Jesús qui-oc chi rahocꞌ saꞌ xchꞌo̱l ut cꞌajoꞌ nak ta̱yotꞌekꞌ xchꞌo̱l.

San Mateo 17:1

Cuakib cutan chic chirix aꞌan, li Jesús quixcꞌameb laj Pedro, laj Jacobo ut laj Juan li ri̱tzꞌin saꞌ xbe̱n jun li nimla tzu̱l xjuneseb.

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

Hechos 10:30

Quichakꞌoc laj Cornelio ut quixye: —Ca̱hib cutan anakcuan joꞌcaꞌin ajcuiꞌ ho̱nal nak yo̱quin chi ayunic ut chi tijoc saꞌ li cuochoch. Oxib o̱r re ecuu quixcꞌutbesi rib chicuu jun li cui̱nk nalemtzꞌun li rakꞌ.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

Éxodo 29:39

Jun te̱mayeja ekꞌela ut li jun chic te̱mayeja ecuu.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

Números 28:4

Jun li carner teꞌxmayeja ekꞌela ut li jun chic teꞌxmayeja ecuu.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

San Lucas 18:10

—Cuib li cui̱nk co̱eb saꞌ li templo chi tijoc. Li jun, aꞌan aj fariseo. Ut li jun chic aj titzꞌol toj.

Hechos 3:3

Li cui̱nk aꞌin quiril nak yo̱queb chi oc saꞌ li templo laj Pedro ut laj Juan. Qui-oc chixtzꞌa̱manquil cꞌaꞌru re reheb.

Hechos 3:4

Laj Pedro ut laj Juan queꞌcana chirilbal li yaj ut laj Pedro quixye re: —Ilon chak kiqꞌuin.—