Hechos 27:3 - Li Santil hu

³ Ut saꞌ li cutan jun chic cocuulac Sidón. Laj Julio quixba̱nu usilal re laj Pablo. Quixcanab chi xic riqꞌuineb laj pa̱banel li cuanqueb aran re nak ta̱tenkꞌa̱k xbaneb.

Q'eqchi Bible

³ Sa' li kutan jun chik koowulak Sidón. Laj Julio xchaab'ilal xch'ool naq kixkanab' laj Pablo chi rula'aninkileb' li ramiiw, re naq taatenq'aaq xb'aaneb'.

Hechos 27:3 ပူးပေါင်းရင်းမြစ်များ

Hechos 24:23

Ut quixtakla cuiꞌchic laj Pablo saꞌ li naꞌajej li tzꞌaptzꞌo cuiꞌ xbaneb. Ut quixtakla ajcuiꞌ xyebal re li capitán nak tixqꞌue xlese̱ns chira̱tinanquileb lix comon li joꞌ qꞌuial teꞌraj cha̱lc chirulaꞌaninquil ut chixqꞌuebal cꞌaꞌru re.

Hechos 28:16

Nak cocuulac Roma, li capitán quixkꞌaxtesiheb li pre̱x re li coronel. Ut laj Pablo quicanaba̱c chi cua̱nc xjunes rochben jun li soldado li na-iloc re.

Hechos 27:43

Abanan li capitán quiraj xcolbal laj Pablo. Joꞌcan nak quixpoꞌ ru lix cꞌaꞌuxeb li soldado ut quixye reheb nak li ani naxnau numxic xcutakeb rib xbe̱n cua saꞌ haꞌ ut teꞌnumxik re nak teꞌe̱lk chi chꞌochꞌel.

Hechos 27:1

Nak quichꞌola li kaxiquic chiru haꞌ toj Italia, laj Pablo rochbeneb li jun chꞌol chic li cuanqueb chi pre̱xil, queꞌkꞌaxtesi̱c saꞌ rukꞌ jun li capitán aj Julio xcꞌabaꞌ. Aꞌan xcomoneb li jun chꞌu̱tal chi soldado re li acuabej César.

Hechos 12:20

Laj Herodes yo̱ xjoskꞌil saꞌ xbe̱neb laj Tiro ut laj Sidón. Eb aꞌan queꞌchal saꞌ comonil. Ut queꞌxkꞌunbesi laj Blasto li natenkꞌan re li rey. Queꞌxtzꞌa̱ma chiru nak aꞌan ta̱a̱tinak chirixeb chiru li rey re nak ta̱ru̱k teꞌxcꞌam rib saꞌ usilal riqꞌuin xban nak saꞌ xtenamit li rey na-el xtzacae̱mkeb.

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Zacarías 9:2

Ut teꞌtzꞌako̱nk ajcuiꞌ riqꞌuin li raylal li cuanqueb saꞌ li tenamit Hamat li cuan saꞌ li este li na-el cuiꞌ chak li sakꞌe. Joꞌcan ajcuiꞌ li tenamit Tiro ut li tenamit Sidón usta kꞌaxal cuanqueb xnaꞌleb.

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

Génesis 49:13

Ut la̱at, at Zabulón, la̱at joꞌ eb ajcuiꞌ la̱ cualal a̱cꞌajol texcua̱nk nachꞌ chire li palau. Telajeꞌhila̱nk eb li ni̱nki jucub chire li palau li cua̱nkex cuiꞌ la̱ex. Li naꞌajej li texcua̱nk cuiꞌ, aꞌan cuan saꞌ xjayal li tenamit Sidón.

Génesis 10:15

Laj Canaán, aꞌan xyucuaꞌ laj Sidón ut laj Het. Laj Sidón, aꞌan li asbej.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.