Hechos 26:3 - Li Santil hu

³ Kꞌaxal cuiꞌchic us xban nak la̱at nacanau chixjunil li cꞌaꞌru cꞌaynakeb xba̱nunquil eb laj judío ut nacanau chanru lix naꞌlebeb. Joꞌcan ut nak nintzꞌa̱ma cha̱cuu nak ta̱cuy rabinquil li cꞌaꞌru oc cue xyebal.

Q'eqchi Bible

³ Laa'at nakanaw chi tz'aqal re ru li xna'leb'eb' laj Judiiy ut chixjunil li k'aynaqeb' wi'. Jo'kan naq nintz'aama chawu, chakuyaq wab'inkil.

Hechos 26:3 ပူးပေါင်းရင်းမြစ်များ

Hechos 6:14

La̱o quikabi nak yo̱ chixyebal nak li Jesús laj Nazaret tixjucꞌ li naꞌajej aꞌin, ut tixjal ru li chakꞌrab li coxtzol cuiꞌ laj Moisés, chanqueb.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

Hechos 28:17

Nak ac xnumeꞌ chic oxib cutan, laj Pablo quixbokeb li nequeꞌcꞌamoc be saꞌ xya̱nkeb laj judío li cuanqueb Roma. Nak acak xeꞌchꞌutla quia̱tinac riqꞌuineb re xcolbal rib, ut quixye reheb: —Ex cuas cui̱tzꞌin, la̱in incꞌaꞌ xinma̱cob chiruheb li cuech tenamitil chi moco xinkꞌet lix chakꞌrabeb li kaxeꞌto̱nil yucuaꞌ. Abanan xinchapeꞌ Jerusalén xbaneb laj judío, ut xineꞌxkꞌaxtesi saꞌ rukꞌeb laj Roma.

Hechos 26:7

Li cablaju xte̱paleb laj Israel yo̱queb chiroybeninquil nak teꞌxcꞌul li yechiꞌinbil chak reheb xban li Dios. Chi kꞌek chi cutan nequeꞌxlokꞌoni li Dios. At rey Agripa, xban xyoꞌoninquil aꞌan nak yo̱queb chinjitbal eb laj judío.

Hechos 25:26

¿Cꞌaꞌ ta cuiꞌ ru tintakla xyebal re li acuabej chirix li cui̱nk aꞌin? Joꞌcan nak xincꞌam chak che̱ru la̱ex ut cha̱cuu la̱at, at rey Agripa, re nak te̱tzꞌil a̱tin chirix. Ma̱re chi joꞌcan cuan cꞌaꞌru tintakla xyebal chirix.

Hechos 24:10

Ut li acuabej quixbok laj Pablo ut quixye re nak ta̱a̱tinak. Ut laj Pablo quixye: —La̱in ninnau nak nabal chihab a̱cuoquic chokꞌ aj rakol a̱tin saꞌ li tenamit aꞌin. Joꞌcan nak chi ma̱cꞌaꞌ incꞌaꞌux tinye li cꞌaꞌru tincol cuiꞌ cuib.

Hechos 24:4

Nintzꞌa̱ma cha̱cuu nak ta̱ba̱nu usilal ke. Ta̱cuabi taxak li oc ke chixtzꞌa̱manquil cha̱cuu. Junpa̱t ajcuiꞌ tatkachꞌiꞌchꞌiꞌi.

Hechos 21:21

Ac xeꞌrabi resil nak la̱at yo̱cat chixcꞌutbal chiruheb laj judío, li cuanqueb saꞌ xya̱nkeb li ma̱cuaꞌeb aj judío, nak incꞌaꞌ teꞌxba̱nu li circuncisión reheb li ralal xcꞌajol, chi moco teꞌxba̱nu li cꞌaꞌru cꞌaynakeb xba̱nunquil laj judío.

Deuteronomio 17:18

Nak ta̱oc saꞌ xcuanquil li rey tixtakla xtzꞌi̱banquil saꞌ junak hu retalil li chakꞌrab li cuan riqꞌuineb laj levita aj tij re nak junelic cua̱nk riqꞌuin.

Hechos 26:2

Quixye: —At rey Agripa, nasahoꞌ saꞌ inchꞌo̱l nak ta̱ru̱k tina̱tinak a̱cuiqꞌuin re tincol cuib chiruheb laj cꞌamol be saꞌ xya̱nkeb laj judío li yo̱queb chi jitoc cue.

Jeremías 32:11

Chirix aꞌan xincꞌam li cuib chi hu, li cuan sello chiru, joꞌ ajcuiꞌ li ma̱cꞌaꞌ sello chiru.