Hechos 26:14 - Li Santil hu

¹⁴ Nak cotꞌaneꞌ chikajunil chiru chꞌochꞌ, quicuabi jun xya̱b cux yo̱ chi a̱tinac cuiqꞌuin. Quixye cue saꞌ ra̱tinoba̱leb laj judío, “At Saulo, at Saulo, ¿cꞌaꞌut nak yo̱cat chinrahobtesinquil? Yo̱cat chixtacuasinquil a̱cuib a̱junes joꞌ naxba̱nu li bo̱yx li incꞌaꞌ na-abin chiru laj e̱chal re nak yo̱ chixberesinquil,” chan cue.

Q'eqchi Bible

¹⁴ Chiqajunilo koot'ane'k chiru ch'och' ut kiwab'i jun xyaab' kuxej yo chi xyeeb'al we sa' aatinob'aal hebreo: «At Saúl, at Saúl, k'a'ut naq xik' nikinaawil? Q'axal ch'a'aj cho'q aawe xlapb'al chawoq li topleb'».

Hechos 26:14 ပူးပေါင်းရင်းမြစ်များ

Hechos 21:40

Ut nak quiqꞌueheꞌ xlese̱ns chi a̱tinac xban li coronel, laj Pablo quixakli saꞌ li gradas. Quixtaksi li rukꞌ re nak teꞌxcanab choki̱nc. Ut nak queꞌxcanab choki̱nc, laj Pablo qui-oc chi a̱tinac saꞌ ra̱tinoba̱leb laj judío ut quixye reheb:

Hechos 22:2

Queꞌrabi nak yo̱ chira̱tinanquileb saꞌ ra̱tinoba̱leb. Queꞌxcanab choki̱nc ut queꞌrabi li cꞌaꞌru quixye. Ut laj Pablo qui-oc chi a̱tinac.

Hechos 9:7

Ut eb li cui̱nk li yo̱queb chi xic rochben sachso̱queb xchꞌo̱l queꞌcana. Yo̱queb chirabinquil li yo̱ chi a̱tinac, abanan incꞌaꞌ queꞌril ru li ani yo̱ chi a̱tinac.

1 Corintios 10:22

Incꞌaꞌ us cui takaqꞌue xjoskꞌil li Ka̱cuaꞌ riqꞌuin xlokꞌoninquil li yi̱banbil dios. ¿Ma la̱o ta biꞌ nim kacuanquil chiru li Ka̱cuaꞌ? Ma̱ jokꞌe xban nak la̱o ma̱cꞌaꞌ kacuanquil.

Zacarías 12:2

—La̱in tinqꞌue xcuanquileb laj Jerusalén. Ut eb li xicꞌ nequeꞌiloc reheb teꞌxucuak nak teꞌcha̱lk chi pletic riqꞌuineb ut riqꞌuineb li jun chꞌol chic li tenamit li cuanqueb xcue̱nt Judá. Nak teꞌril li tenamit Jerusalén sicsotkeb xbaneb xxiu.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Proverbios 13:15

Li ani naxnau cꞌoxlac ta̱qꞌuehekꞌ xlokꞌal. Ut eb li nequeꞌxba̱nu li ma̱usilal incꞌaꞌ us nequeꞌel.

Hechos 26:13

Chacuabi at rey, li yo̱quin xyebal. Cuaꞌleb re cutan nak quinixsut jun li chanchan xam saꞌ be. Li xam aꞌan quichal chak saꞌ choxa. Nalemtzꞌun. Naxkꞌax ru nak nalemtzꞌun ru li sakꞌe. Quinixsut la̱in ut queꞌsuteꞌ ajcuiꞌ li yo̱queb chi xic chicuix.

Hechos 26:15

Ut la̱in quinye re, “¿Anihat la̱at, Ka̱cuaꞌ?” Ut li Ka̱cuaꞌ quixye cue, “La̱in li Jesús li yo̱cat chinrahobtesinquil.