Hechos 22:6 - Li Santil hu

⁶ Ut quixye ajcuiꞌ laj Pablo: —Abanan nak ac cuulac cue Damasco, caꞌchꞌin na chic ma̱ cuaꞌleb, ma̱cꞌaꞌ saꞌ inchꞌo̱l nak quinixsut jun li chanchan xam kꞌaxal saken quichal chak saꞌ choxa.

Q'eqchi Bible

⁶ “Naq yookin chi xik, ak nach' chik rik'in Damaask, wa'leb' tana, k'utaamil jun nimla saqenk chalenaq chaq sa' choxa. Kinxsut,

Hechos 22:6 ပူးပေါင်းရင်းမြစ်များ

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

Génesis 14:15

Chiru kꞌojyi̱n laj Abram queꞌco̱eb chi ma̱cꞌaꞌ resileb chixcolbal laj Lot. Ma̱cꞌaꞌ saꞌ xchꞌo̱leb li queꞌelkꞌan re laj Lot nak queꞌcuulac laj Abram. Nak queꞌril, xaka̱mileb laj Abram chiruheb. Queꞌxtiquib pletic ut li queꞌcꞌamoc re laj Lot ticto queꞌe̱lelic. Laj Abram quira̱linaheb toj saꞌ li tenamit Hoba. Li tenamit aꞌan cuan jun pacꞌal li tenamit Damasco.

Hechos 22:7

Quintꞌaneꞌ chi chꞌochꞌ ut quicuabi jun xya̱b cux quixye cue, “At Saulo, at Saulo, ¿cꞌaꞌut nak yo̱cat chinrahobtesinquil?” chan cue.

Hechos 23:9

Ut nequeꞌxejejnac chixcuechꞌinquil ribeb. Ut eb laj tzꞌi̱b xcomoneb laj fariseo yo̱queb chixcolbal rix laj Pablo. —Ma̱ jun ma̱c nakatau chirix li cui̱nk aꞌin. Ma̱re anchal junak musikꞌej, ma̱re anchal junak ángel x-a̱tinan re. Incꞌaꞌ naru topletik riqꞌuin li Ka̱cuaꞌ, chanqueb.

1 Corintios 15:8

Ut chirix chixjunil aꞌan, quixcꞌut ajcuiꞌ rib chicuu la̱in, usta la̱in chanchanin jun cꞌulaꞌal toj ma̱jiꞌ naxtau xkꞌehil xyoꞌlajic xban nak la̱in toj ma̱jiꞌ ninyoꞌla saꞌ lin pa̱ba̱l nak quixcꞌut rib chicuu.