Hechos 20:7 - Li Santil hu

⁷ Ut saꞌ xbe̱n li cutan re li xama̱n, chꞌutchꞌu̱queb laj pa̱banel chi cuaꞌac saꞌ comonil. Laj Pablo yo̱ chixtzolbaleb. Ac cuulajak naxic. Tuktu kꞌojyi̱n toj yo̱ chi a̱tinac.

Q'eqchi Bible

⁷ Sa' li xb'een kutan re li xamaan ch'utch'uuko laa'o chi xjachb'al li Wa, wulajaq xxikik laj Pablo. A'in kixtikib' seeraq'ik rik'ineb' laj paab'anel, ab'anan kib'ayk chi aatinak toj tuqtu q'oqyink.

Hechos 20:7 ပူးပေါင်းရင်းမြစ်များ

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Hechos 2:42

Cauheb xchꞌo̱l chixpa̱banquil li tijleb li quichꞌoloba̱c chiruheb xbaneb li apóstol. Junaj xchꞌo̱leb nak cuanqueb ut saꞌ comonil queꞌtijoc ut queꞌcuaꞌac re xjulticanquil lix camic li Jesucristo.

San Juan 20:19

Saꞌ li xbe̱n cutan re li xama̱n, nak ac oc re li kꞌojyi̱n, queꞌxchꞌutub ribeb lix tzolom li Jesús. Tzꞌaptzꞌo chi us lix puertil li cab li chꞌutchꞌu̱queb cuiꞌ xban nak queꞌxucuac xbaneb li nequeꞌtaklan saꞌ xbe̱neb laj judío. Xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan reheb.

San Juan 20:1

Saꞌ li xbe̱n li cutan re li xama̱n nak toj ma̱jiꞌ nasake̱u co̱ lix María Magdala xtenamit saꞌ li mukleba̱l. Nak quicuulac cuan cuiꞌ li mukleba̱l, quixqꞌue retal nak ac isinbil chic li nimla pec li queꞌxqꞌue chire li mukleba̱l.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

Hechos 20:11

Quitakeꞌ cuiꞌchic, quixjachi li caxlan cua, ut queꞌcuaꞌac. Ut qui-oc cuiꞌchic chi a̱tinac. Ac xsake̱u chic nak quixcanab a̱tinac. Chirix aꞌan qui-el saꞌ xya̱nkeb ut co̱.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Hechos 20:9

Jun li sa̱j al, aj Eutico xcꞌabaꞌ, cꞌojcꞌo saꞌ li ventana. Xban nak quinajtoꞌ kꞌojyi̱n laj Pablo chi a̱tinac, quicube xcuara laj Eutico, ut quitꞌaneꞌ chak saꞌ rox tasal li cab. Toj takꞌa quinak. Ut camenak chic nak queꞌxcuaclesi.

San Lucas 24:35

Tojoꞌnak li cuib chi cui̱nk queꞌxserakꞌi reheb li cꞌaꞌru quicꞌulman saꞌ be nak yo̱queb chi xic Emaús. Queꞌxye reheb chanru nak queꞌxnau ru li Jesús nak quixjachi li caxlan cua.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

1 Corintios 10:16

Nak nakaba̱nu li lokꞌoni̱nc re xjulticanquil lix camic li Cristo, nocotioxin chiru li Dios. Nak nakucꞌ li xyaꞌal li uva, ¿ma incꞌaꞌ ta biꞌ junajo riqꞌuin li Cristo xban nak quihoyeꞌ xquiqꞌuel chiru li cruz saꞌ kacꞌabaꞌ? Ut nak nakatzaca li caxlan cua li najachiman, ¿ma incꞌaꞌ ta biꞌ junajo riqꞌuin li Cristo xban nak quicam chiru li cruz saꞌ kacꞌabaꞌ?

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

San Lucas 22:19

Ut quixchap li caxlan cua, quixbantioxi chiru li Dios, tojoꞌnak quixjachi ut quixqꞌue reheb lix tzolom ut quixye: —Aꞌan aꞌin lin tzꞌejcual, kꞌaxtesinbil re camsi̱c saꞌ e̱cꞌabaꞌ la̱ex. Cheba̱nuhak re xjulticanquil lin camic, chan.

Nehemías 9:3

Ut nak ac xakxo̱queb saꞌ lix naꞌajeb chiru oxib o̱r qui-ileꞌ xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut chiru li oxib o̱r chic yo̱queb chixpatzꞌbal xcuybal xma̱queb ut queꞌxlokꞌoni li Ka̱cuaꞌ lix Dioseb.

Nehemías 8:3

Ut laj Esdras quiril xsaꞌ li hu chiruheb chixjunileb li cuanqueb saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Quixtiquib rilbal saꞌ li hu tzꞌi̱banbil cuiꞌ li chakꞌrab chalen ekꞌela toj quicuulac cuaꞌleb chiruheb chixjunileb li cuanqueb aran, joꞌ cui̱nk, joꞌ ixk, ut joꞌ ajcuiꞌ chiruheb li queꞌru xtaubal ru. Ut chixjunileb queꞌxcanab rib chirabinquil li cꞌaꞌru naxye saꞌ li chakꞌrab.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

San Marcos 16:9

Toj ekꞌela saꞌ li xbe̱n li cutan re li xama̱n quicuacli li Jesús chi yoꞌyo saꞌ xya̱nkeb li camenak. Li xbe̱n li quixcꞌutbesi cuiꞌ rib li Jesús, aꞌan lix María aj Magdala. Aꞌan li ixk li qui-isi̱c li cuukub chi ma̱us aj musikꞌej riqꞌuin xban li Jesús.

Hechos 16:10

Ut nak ac xcꞌuteꞌ li visión chiru laj Pablo, saꞌ junpa̱t quikacauresi kib la̱o chi xic Macedonia. Kanau chi tzꞌakal nak li Dios yo̱ chi takla̱nc ke aran chixyebal resil li colba-ib reheb li cuanqueb aran.

Hechos 20:5

Eb aꞌan co̱eb chi ubej ut aran Troas coeꞌroybeni.