Hechos 20:3 - Li Santil hu

³ Oxib po quicuan aran Grecia ut xic raj re Siria chiru haꞌ nak quirabi resil nak eb laj judío teꞌxram saꞌ xbe. Joꞌcan nak co̱ cuiꞌchic Macedonia.

Q'eqchi Bible

³ b'arwi' kikanaak oxib' po. Xik raj re Siria chiru ha' naq eb' laj Judiiy ke'xyoob' jun ch'a'ajkilal chirix. Toja' naq laj Pablo kixk'oxla nume'k Macedonia sa' xsutq'ijik.

Hechos 20:3 ပူးပေါင်းရင်းမြစ်များ

Hechos 20:19

Nak yo̱quin chi cꞌanjelac chiru li Ka̱cuaꞌ quincubsi incuanquil ut quinya̱bac xban li raylal ut li yalecꞌ li quichal saꞌ inbe̱n xbaneb laj judío.

2 Corintios 11:26

Yalak bar ninxic xyebal resil li Cristo, xiu xiu cuanquin. Xiu xiu cuanquin nak ninnumeꞌ saꞌ eb li nimaꞌ. Xiu xiu cuanquin xbaneb laj e̱lkꞌ ut xbaneb li cuech tenamitil ut xbaneb li ma̱cuaꞌeb aj judío. Xiu xiu cuanquin saꞌ eb li tenamit joꞌ ajcuiꞌ saꞌ li qꞌuicheꞌ. Xiu xiu cuanquin nak ninnumeꞌ saꞌ li palau. Xiu xiu cuanquin xbaneb li nequeꞌxqꞌue rib joꞌ aj pa̱banel.

Hechos 25:3

Queꞌxtzꞌa̱ma chiru laj Festo nak tixba̱nu li usilal, tixtakla cuiꞌchic Jerusalén laj Pablo xban nak queꞌxcꞌoxla xrambal saꞌ be re xcamsinquil.

2 Corintios 7:5

Chalen kacꞌulunic arin Macedonia ma̱ bar naru nocohilan. Yalak bar nocorahobtesi̱c ut nequeꞌraj pletic kiqꞌuin. Ut yo̱ ajcuiꞌ kacꞌaꞌux che̱rix la̱ex.

Gálatas 1:21

Chirix chic aꞌan co̱in saꞌ eb li naꞌajej xcue̱nt Siria ut Cilicia.

2 Corintios 1:15

Caꞌ sut raj xincꞌoxla numecꞌ e̱riqꞌuin xban nak ninnau nak xine̱cꞌul raj chi sa saꞌ e̱chꞌo̱l. Joꞌcan nak xinnumeꞌ raj e̱riqꞌuin nak xinchal arin Macedonia.

Hechos 21:3

Nak yo̱co chi xic Siria conumeꞌ saꞌ xjayal li tenamit Chipre, li nacana saꞌ katzꞌe. Chirix chic aꞌan cocuulac Tiro ut aran quicanaban i̱k li jucub.

Hechos 19:21

Nak ac xnumeꞌ chixjunil aꞌin, laj Pablo quixcꞌoxla xic toj Jerusalén, nak acak xbeni chak Macedonia ut Acaya. Quixye: —Nak acak xinnumeꞌ aran, tento ajcuiꞌ tinxic Roma chirilbaleb laj pa̱banel li cuanqueb aran, chan.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Hechos 16:9

Nak cuanqueb aran saꞌ jun li kꞌojyi̱n quicꞌuteꞌ jun li visión chiru laj Pablo. Jun li cui̱nk aj Macedonia xakxo chiru nak quiril. Yo̱ chixtzꞌa̱manquil chiru ut quixye re: —Cha̱lkat saꞌ katenamit Macedonia ut choa̱tenkꞌa, chuꞌux re nak quiril.

Jeremías 5:26

Saꞌ xya̱nkeb lin tenamit cuanqueb li incꞌaꞌ useb xnaꞌleb. Yo̱queb chixsicꞌbal chanru nak teꞌxba̱nu ma̱usilal reheb li ras ri̱tzꞌin. Chanchaneb laj yo li nequeꞌxqꞌue li raꞌal re xchapbaleb li cocꞌ xul.

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Esdras 8:31

Cablaju xbe li xbe̱n po co-el aran cuan cuiꞌ li nimaꞌ Ahava ut co̱o Jerusalén. Li Ka̱cuaꞌ cuan kiqꞌuin ut aꞌan quicoloc ke chiruheb li xicꞌ nequeꞌiloc ke joꞌqueb ajcuiꞌ chiruheb laj e̱lkꞌ li cuanqueb saꞌ li be li co̱o cuiꞌ.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Hechos 16:12

Chirix aꞌan co̱o Macedonia saꞌ li nimla tenamit Filipos. Li tenamit aꞌan cuan xcue̱nt Roma. Cocuan cuib oxib cutan saꞌ li tenamit aꞌan.

Hechos 20:1

Ut nak ac xnumeꞌ li mululij ib, laj Pablo quixbokeb laj pa̱banel riqꞌuin. Quixqꞌueheb xnaꞌleb, quixkꞌaluheb, quixchakꞌrabiheb ut co̱ Macedonia.

Hechos 20:2

Nak ac xrulaꞌaniheb li cuanqueb saꞌ li naꞌajej Macedonia, ut nak ac xqꞌueheb xnaꞌleb chi cha̱bil, co̱ aran Grecia.