Hechos 20:12 - Li Santil hu

¹² Ut li al yoꞌyo nak queꞌxcꞌam. Ut cꞌajoꞌ nak quisahoꞌ saꞌ xchꞌo̱leb.

Q'eqchi Bible

¹² Ke'xk'am chaq li al chi yo'yo, ut q'axal ke'k'ojlaak xch'ool.

Hechos 20:12 ပူးပေါင်းရင်းမြစ်များ

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

2 Corintios 1:4

Naxcꞌojob kachꞌo̱l saꞌ chixjunil li karaylal re nak ta̱ru̱k takacꞌojob xchꞌo̱leb li cuanqueb saꞌ raylal. Joꞌ nak naxcꞌojob kachꞌo̱l li Dios la̱o, joꞌcan ajcuiꞌ nak takacꞌojob xchꞌo̱leb li cuanqueb saꞌ raylal.

1 Ts 5:11

Joꞌcan ut nak checꞌojob e̱chꞌo̱l che̱ribil e̱rib ut cheqꞌuehak xcacuil e̱chꞌo̱l che̱ribil e̱rib joꞌ li ac yo̱quex chixba̱nunquil.

1 Ts 4:18

Joꞌcan ut nak checꞌojob e̱chꞌo̱l che̱ribil e̱rib riqꞌuineb a a̱tin aꞌin.

1 Ts 3:2

Ut xkatakla li hermano Timoteo e̱riqꞌuin. Aꞌan laj cꞌanjel chiru li Dios chixyebal resil li colba-ib saꞌ xcꞌabaꞌ li Cristo. Laj Timoteo tixqꞌue xcacuilal e̱chꞌo̱l saꞌ le̱ pa̱ba̱l ut tixqꞌue ajcuiꞌ e̱naꞌleb.

Efesios 6:22

Yo̱quin chixtaklanquil laj Tíquico e̱riqꞌuin re xserakꞌinquil e̱re chanru cuanco arin. Ut nak te̱nau chanru cuanco, chicꞌojla̱k taxak e̱chꞌo̱l riqꞌuin aꞌan.

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Hechos 20:11

Quitakeꞌ cuiꞌchic, quixjachi li caxlan cua, ut queꞌcuaꞌac. Ut qui-oc cuiꞌchic chi a̱tinac. Ac xsake̱u chic nak quixcanab a̱tinac. Chirix aꞌan qui-el saꞌ xya̱nkeb ut co̱.

Hechos 20:13

La̱o co̱o toj Asón chiru haꞌ chixcꞌulbal laj Pablo. Aꞌan co̱ chi chꞌochꞌel xban nak joꞌcan quiraj.