Hechos 2:6 - Li Santil hu

⁶ Nak queꞌrabi li cꞌaꞌru yo̱queb chixcꞌulbal eb aꞌan, queꞌxchꞌutub ribeb li qꞌuila tenamit. Sachso̱queb xchꞌo̱l xban nak queꞌrabi nak yo̱queb chi a̱tinac saꞌ li ra̱tinoba̱leb li junju̱nk chi tenamit.

Q'eqchi Bible

⁶ Naq ki'ab'iik li eek'ank a'an, ke'xch'utub' rib' li tenamit ut ke'sachk xch'ool xb'aan naq ke'ok chi rab'inkil chi aatinak tz'aqal sa' raatinob'aaleb'.

Hechos 2:6 ပူးပေါင်းရင်းမြစ်များ

2 Corintios 2:12

Nak quincuulac saꞌ li tenamit Troas chi cꞌanjelac chiru li Ka̱cuaꞌ, kꞌaxal queꞌxqꞌue xchꞌo̱l chirabinquil nak quinchꞌolob xya̱lal li colba-ib saꞌ xcꞌabaꞌ li Jesucristo.

1 Corintios 16:9

Yo̱ chi e̱lc chi us lin cꞌanjel arin xban nak nabaleb nequeꞌraj rabinquil resil li colba-ib. Abanan cuan ajcuiꞌ li xicꞌ nequeꞌrabi resil li colba-ib.

Hechos 3:11

Ut li cui̱nk li quiqꞌuirtesi̱c incꞌaꞌ quiraj xcanabanquil rib riqꞌuineb laj Pedro ut laj Juan. Yo̱ chi be̱c rochbeneb. Ut chixjunileb sachso̱queb xchꞌo̱l chirilbal li quicꞌulman. Queꞌco̱eb saꞌ a̱nil saꞌ li templo ut queꞌxchꞌutub ribeb saꞌ li oqueba̱l Salomón xcꞌabaꞌ, cuanqueb cuiꞌ laj Pedro ut laj Juan.

Hechos 2:2

Queꞌrabi jun choki̱nc chanchan xya̱b cacuil ikꞌ yo̱ chi cha̱lc saꞌ choxa. Chixjunileb li cuanqueb saꞌ li cab queꞌrabi.

San Mateo 2:3

Ut nak quirabi aꞌan, li rey Herodes quisach xchꞌo̱l ut qui-oc xcꞌaꞌux joꞌ ajcuiꞌ chixjunileb li cuanqueb Jerusalén.

San Lucas 21:25

Ut ta̱cua̱nk retalil chiru li sakꞌe, li po ut eb li chahim. Ut eb li cuanqueb saꞌ ruchichꞌochꞌ teꞌyotꞌekꞌ ut teꞌsach xchꞌo̱leb xban lix ya̱b ut lix cau ok li palau.