Hechos 2:44 - Li Santil hu

⁴⁴ Ut eb li queꞌpa̱ban junaj xchꞌo̱leb ut chixjunil li cꞌaꞌru cuan reheb, reheb saꞌ comonil.

Q'eqchi Bible

⁴⁴ Chixjunileb' laj paab'anel wankeb' sa' junajil ut komon e chixjunil li k'aru wank reheb'.

Hechos 2:44 ပူးပေါင်းရင်းမြစ်များ

Hechos 4:32

Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Hechos 5:4

¿Cꞌaꞌut nak tat-oc xmukbal xtzꞌak la̱ chꞌochꞌ? ¿Ma ma̱cuaꞌ ta biꞌ a̱cue? Cui xacꞌayi la̱ chꞌochꞌ, ¿ma incꞌaꞌ ta biꞌ raj xru xcana chokꞌ a̱cue lix tzꞌak? Ma̱cuaꞌ chiku la̱o yo̱cat chi ticꞌtiꞌic. Chiru ban li Dios, chan.

Hechos 4:37

Cuan jun xchꞌochꞌ quixcꞌayi. Quixcꞌam lix tzꞌak ut quixqꞌue reheb li apóstol.

Hechos 5:2

Ut queꞌxcꞌu̱b ru chi ribileb rib nak yijach lix tzꞌak li chꞌochꞌ ta̱cana̱k chokꞌ reheb. Ut li yijach chic quixcꞌam laj Ananías riqꞌuineb li apóstol ut quixye reheb: —Aꞌan aꞌin chixjunil lix tzꞌak li kachꞌochꞌ li xkacꞌayi, chan.