Hechos 2:43 - Li Santil hu

⁴³ Chixjunileb sachso̱queb xchꞌo̱l xban li milagro ut li sachba chꞌo̱lej li yo̱queb chixba̱nunquil li apóstol.

Q'eqchi Bible

⁴³ Ut chixjunileb' sachsookeb' xch'ool xb'aan naq eb' li apóstol nalaje'xb'aanu naab'al sachb'ach'oolej ut xninqal ru eetalil.

Hechos 2:43 ပူးပေါင်းရင်းမြစ်များ

San Juan 14:12

Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

San Lucas 8:37

Cꞌajoꞌ nak queꞌxucuac chixjunileb li tenamit li cuanqueb saꞌ eb li naꞌajej li cuanqueb saꞌ xcue̱nt Gadara. Ut queꞌxtzꞌa̱ma chiru li Jesús nak ta̱e̱lk saꞌ lix naꞌajeb. Joꞌcan nak li Jesús qui-oc cuiꞌchic saꞌ li jucub ut qui-el saꞌ li naꞌajej aꞌan.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Marcos 16:17

Aꞌan aꞌin li retalil li talajeꞌxba̱nu li teꞌpa̱ba̱nk. Saꞌ incꞌabaꞌ la̱in teꞌisi̱nk ma̱us aj musikꞌej ut teꞌa̱tinak saꞌ jalan a̱tinoba̱l.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

Hechos 4:33

Eb li apóstol cauheb xchꞌo̱l chixchꞌolobanquil xya̱lal lix cuaclijic cuiꞌchic chi yoꞌyo li Jesucristo saꞌ xya̱nkeb li camenak. Ut li Dios quirosobtesiheb chixjunileb chi nabal.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Hechos 9:34

Ut laj Pedro quixye re: —At Eneas, li Ka̱cuaꞌ Jesucristo tatxqꞌuirtesi anakcuan. Xaklin ut xoc la̱ cuarib, chan. Ut saꞌ junpa̱t quixakli li cui̱nk.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

Hechos 5:5

Nak quirabi li a̱tin li quixye laj Pedro, quitꞌaneꞌ laj Ananías ut camenak quicana. Ut cꞌajoꞌ nak qui-oc xxiuheb chixjunileb li queꞌiloc re joꞌqueb ajcuiꞌ li queꞌabin resil.