Hechos 2:41 - Li Santil hu

⁴¹ Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Q'eqchi Bible

⁴¹ Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Hechos 2:41 ပူးပေါင်းရင်းမြစ်များ

Hechos 4:4

Abanan nabaleb li queꞌpa̱ban re li a̱tin li yo̱queb chixyebal laj Pedro ut laj Juan. Cuanqueb na o̱bak mil li cui̱nk li queꞌpa̱ban.

Hechos 2:47

Queꞌxlokꞌoni li Ka̱cuaꞌ Dios ut queꞌqꞌueheꞌ xcuanquil xbaneb chixjunileb li tenamit. Ut rajlal cutan li Dios quixtenkꞌaheb chi qꞌuia̱nc laj pa̱banel.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

San Juan 14:12

Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

Hechos 13:48

Nak queꞌrabi li cꞌaꞌru quixye laj Pablo, li ma̱cuaꞌeb aj judío queꞌsahoꞌ saꞌ xchꞌo̱leb ut queꞌxqꞌue xcuanquil li ra̱tin li Dios. Queꞌpa̱ban li joꞌ qꞌuial li quixye li Dios nak ta̱cua̱nk xyuꞌameb chi junelic.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.

Hechos 3:23

Ut li ani incꞌaꞌ tixpa̱b li cꞌaꞌru tixye li profeta aꞌan, ta̱isi̱k saꞌ xya̱nkeb lix tenamit li Dios ut ta̱sachekꞌ ru. (Deut. 18:18-19)

Hechos 7:14

Ut chirix aꞌan laj José quixtakla xcꞌambal lix yucuaꞌ joꞌqueb ajcuiꞌ li rechꞌalal. Chixjunileb li rechꞌalal cuanqueb oꞌlaju xca̱cꞌa̱l (75).

Hechos 27:37

Chikajunilo li cuanco saꞌ li jucub, cuanco cuib ciento riqꞌuin cuaklaju xca̱cꞌa̱l (276).

Romanos 13:1

Chexpa̱ba̱nk chiruheb li nequeꞌtaklan saꞌ xbe̱n li tenamit. Ma̱ ani cuan xcuanquil chi takla̱nc cui incꞌaꞌ ta qꞌuebil re xban li Dios. Eb li cuanqueb xcuanquil saꞌ xbe̱n li tenamit, aꞌ li Dios quixakaban reheb.

1 Pedro 3:20

Aꞌan eb li incꞌaꞌ queꞌpa̱ban chak chiru li Dios junxil. Li Dios riqꞌuin xnimal xcuyum, quiroybeni nak teꞌpa̱ba̱nk. Abanan incꞌaꞌ queꞌpa̱ban. Aꞌan quicꞌulman saꞌ eb li cutan nak laj Noé yo̱ chixyi̱banquil li nimla jucub cab. Incꞌaꞌ qꞌui li queꞌpa̱ban ut queꞌoc chi saꞌ li jucub cab. Cuakxakibeb ajcuiꞌ queꞌcoleꞌ chiru li butꞌi haꞌ. Chixjunileb li jun chꞌol chic quilajeꞌcam.

Apocalipsis 16:3

Ut li xcab ángel quixhoy li cuan saꞌ lix secꞌ saꞌ xbe̱n li palau. Ut li haꞌ quisukꞌi chokꞌ quicꞌ. Chanchan xquiqꞌuel jun camenak. Ut quilajeꞌcam chixjunileb li cuanqueb saꞌ li palau.

San Juan 21:11

Laj Simón Pedro qui-oc saꞌ li jucub ut quixquelo li yoy chi chꞌochꞌel nujenak chi ni̱nki car. Jun ciento riqꞌuin oxlaju roxcꞌa̱l (153) li car cuan saꞌ li yoy. Usta kꞌaxal nabaleb li car cuan chi saꞌ, abanan incꞌaꞌ quipejeꞌ li yoy.