Hechos 2:40 - Li Santil hu

⁴⁰ Ma̱cuaꞌ caꞌaj cuiꞌ aꞌan li quixye laj Pedro reheb. Quixchꞌolob ban ajcuiꞌ xya̱lal chiruheb riqꞌuin nabal chi a̱tin ut quixqꞌue xnaꞌlebeb. Quixye reheb: —Chenauhak xcolbal e̱rib chiru li tojba ma̱c li ta̱cha̱lk saꞌ xbe̱neb li incꞌaꞌ useb xnaꞌleb, chan.

Q'eqchi Bible

⁴⁰ Ut rik'in k'iila aatin kixch'olob' xyaalal ut kixk'eheb' xna'leb': —Kolomaq eerib' chiruheb' li tenamit a'in ink'a' useb' xch'ool, chan.

Hechos 2:40 ပူးပေါင်းရင်းမြစ်များ

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Deuteronomio 32:5

La̱ex lix tenamit li Ka̱cuaꞌ queba̱nu li ma̱usilal. Quecꞌut e̱xuta̱n. Moco e̱cꞌulub ta nak la̱ex li ralal xcꞌajol. Nequexma̱cob ut incꞌaꞌ us le̱ naꞌleb.

1 Timoteo 4:16

Qꞌue retal chi us li cꞌaꞌru ta̱ba̱nu joꞌ ajcuiꞌ li cꞌaꞌru ta̱tzoleb cuiꞌ. Cui ta̱ba̱nu chi joꞌcan, tatcolekꞌ la̱at ut teꞌcolekꞌ ajcuiꞌ li ani teꞌabi̱nk re li cꞌaꞌru ta̱ye.

Efesios 4:17

Aꞌan aꞌin li tento tinye e̱re. Saꞌ xcꞌabaꞌ li Ka̱cuaꞌ ninye e̱re nak me̱ba̱nu chic joꞌ nequeꞌxba̱nu li incꞌaꞌ nequeꞌpa̱ban. Eb aꞌan nequeꞌxqꞌue xchꞌo̱l chirix li ma̱cꞌaꞌ na-oc cuiꞌ.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

San Mateo 17:17

Li Jesús quixye: —Ex tenamit, ti̱c incꞌaꞌ nequexpa̱ban ut incꞌaꞌ us le̱ naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús nak quichakꞌoc.

San Mateo 16:4

La̱ex jun te̱p chi tenamit incꞌaꞌ us le̱ naꞌleb. Nequetzꞌekta̱na li Dios ut nequeraj nak ta̱cꞌutbesi̱k che̱ru junak milagro. Abanan incꞌaꞌ ta̱cꞌutbesi̱k che̱ru, caꞌaj cuiꞌ li milagro li qui-ux re laj Jonás, chan li Jesús. Tojoꞌnak quixcanabeb ut co̱.

Gálatas 5:3

Jun sut chic ninchꞌolob lix ya̱lal che̱ru. Li ani naxcꞌul li circuncisión re nak ta̱ti̱cobresi̱k xchꞌo̱l, tento nak tixba̱nu chixjunil li naxye saꞌ li najter chakꞌrab.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

San Mateo 23:33

Chanchanex cꞌantiꞌ, chanchanex ralex cꞌambolay, ¿chan ta cuiꞌ ru nak texcolekꞌ chiru lix tojba ma̱c saꞌ xbalba?

1 Pedro 5:12

Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

San Juan 21:25

Toj cuan chic nabal li cꞌaꞌak re ru quilajxba̱nu li Jesús. Cui ta tzꞌi̱banbil retalil chi xjunju̱nkal, la̱in ninye nak ma̱ jokꞌe raj ta̱tzꞌaklok li ruchichꞌochꞌ chokꞌ xnaꞌaj li hu li ta̱tzꞌi̱bama̱nk cuiꞌ retalil. Joꞌcan taxak.

Hechos 20:11

Quitakeꞌ cuiꞌchic, quixjachi li caxlan cua, ut queꞌcuaꞌac. Ut qui-oc cuiꞌchic chi a̱tinac. Ac xsake̱u chic nak quixcanab a̱tinac. Chirix aꞌan qui-el saꞌ xya̱nkeb ut co̱.

Hechos 20:9

Jun li sa̱j al, aj Eutico xcꞌabaꞌ, cꞌojcꞌo saꞌ li ventana. Xban nak quinajtoꞌ kꞌojyi̱n laj Pablo chi a̱tinac, quicube xcuara laj Eutico, ut quitꞌaneꞌ chak saꞌ rox tasal li cab. Toj takꞌa quinak. Ut camenak chic nak queꞌxcuaclesi.

Hechos 20:2

Nak ac xrulaꞌaniheb li cuanqueb saꞌ li naꞌajej Macedonia, ut nak ac xqꞌueheb xnaꞌleb chi cha̱bil, co̱ aran Grecia.

Hechos 15:32

Laj Judas ut laj Silas qꞌuebileb xma̱tan chixchꞌolobanquil xya̱lal li ra̱tin li Dios. Queꞌxchꞌolob xya̱lal chiruheb li chꞌutchꞌu̱queb aran ut queꞌxqꞌue xcacuilal xchꞌo̱leb ut queꞌxcꞌojob xchꞌo̱leb riqꞌuin li a̱tin li queꞌxye reheb.

Hechos 10:42

Ut coxtakla chixchꞌolobanquil xya̱lal ut chixjulticanquil chiruheb li tenamit nak aꞌan qꞌuebil xban li Dios chi rakoc a̱tin saꞌ xbe̱neb chixjunileb, li yoꞌyo̱queb joꞌ ajcuiꞌ li camenakeb.

San Mateo 12:34

¡La̱ex chanchanex ral li cꞌambolay! ¿Chan ta cuiꞌ ru nak tex-a̱tinak cha̱bil a̱tin nak moco usex ta? Joꞌ chanru lix chꞌo̱l junak, joꞌcan ajcuiꞌ naa̱tinac.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Jeremías 51:45

La̱ex aj Israel, lin tenamit, elenkex saꞌ li tenamit Babilonia. Tex-e̱lelik ut colomak le̱ yuꞌam xban nak la̱in yo̱ injoskꞌil saꞌ xbe̱neb laj Babilonia, chan li Dios.

San Lucas 16:28

Aran cuanqueb o̱b li cui̱tzꞌin. Chatakla xchꞌolobanquil xya̱lal chiruheb re nak eb aꞌan incꞌaꞌ teꞌcha̱lk saꞌ li naꞌajej aꞌin chi cꞌuluc raylal,” chan.

Hechos 4:36

Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.