Hechos 2:30 - Li Santil hu

³⁰ Laj David aꞌan jun profeta. Aꞌan quixnau nak li Dios quixye riqꞌuin juramento nak saꞌ xya̱nkeb li ralal xcꞌajol ta̱yoꞌla̱k li Cristo, ut aꞌan chic ta̱xakaba̱k chokꞌ rey.

Q'eqchi Bible

³⁰ Ab'an a'an propeet ut naxnaw naq yeeb'il chaq re xb'aan li Yos rik'in jurament chi jo'ka'in: «Taak'ojlaaq sa' laak'ojarib'aal jun reheb' laawalal aak'ajol».

Hechos 2:30 ပူးပေါင်းရင်းမြစ်များ

2 Samuel 23:2

“Lix musikꞌ li Ka̱cuaꞌ Dios naa̱tinac cuiqꞌuin. Joꞌcan nak ninye li ra̱tin.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

2 Timoteo 2:8

Chijulticokꞌ a̱cue nak li Jesucristo, aꞌan xcomoneb li ralal xcꞌajol li rey David ut aꞌan li quicuacli cuiꞌchic chi yoꞌyo saꞌ xya̱nkeb li camenak. Aꞌan aꞌin li resilal li evangelio li yo̱quin chixyebal la̱in.

Romanos 1:3

Aꞌan aꞌin resilal li Ka̱cuaꞌ Jesucristo li Ralal li Dios. Li Ka̱cuaꞌ Jesucristo tzꞌakal cui̱nk xban nak quiyoꞌla arin saꞌ ruchichꞌochꞌ riqꞌuin jun reheb li ralal xcꞌajol laj David.

San Marcos 12:36

Laj David quixye li cꞌaꞌru quirecꞌa saꞌ xchꞌo̱l xban li Santil Musikꞌej ut quixye chi joꞌcaꞌin: Li Ka̱cuaꞌ Dios quixye re laj Colol cue, Cꞌojlan saꞌ lin nim ukꞌ toj retal tinqꞌueheb li xicꞌ nequeꞌiloc a̱cue rubel la̱ cuanquil. (Sal. 110:1)

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Hebreos 7:21

Abanan ma̱cuaꞌ riqꞌuin juramento nak queꞌxakaba̱c chokꞌ aj tij li ralal xcꞌajol laj Leví. Aꞌut li Ka̱cuaꞌ Jesucristo xakabanbil chokꞌ aj tij xban li Dios riqꞌuin juramento. Tzꞌi̱banbil saꞌ li Santil Hu chi joꞌcaꞌin: Li Dios quia̱tinac riqꞌuin li Ralal ut quixye re: Saꞌ incꞌabaꞌ la̱in tinye a̱cue: La̱at laj tij chi junelic joꞌ nak quicuan laj Melquisedec, chan. Li Dios incꞌaꞌ tixjal lix cꞌaꞌux xban nak quixpatzꞌ lix lokꞌlaj cꞌabaꞌ. (Sal. 110:4)

Hebreos 6:17

Joꞌcan nak li Dios quixyechiꞌi li ma̱tan riqꞌuin juramento. Quiraj xcꞌutbal chiruheb li teꞌe̱chani̱nk re nak tzꞌakal ya̱l li yo̱ chixyebal. Ut incꞌaꞌ tixjal ru li ra̱tin.

Hebreos 4:7

Najter cuanqueb laj Israel incꞌaꞌ queꞌpa̱ban. Ut nak ac xnumeꞌ qꞌuila chihab, li Dios quixyechiꞌi cuiꞌchic li hiloba̱l nak quia̱tinac riqꞌuin laj David. Ut laj David quixtzꞌi̱ba li quiyeheꞌ re li naxye chi joꞌcaꞌin: Anakcuan cherabi taxak li cua̱tin ut me̱cacuubresi le̱ chꞌo̱l, chan. (Sal. 95:8)

Hebreos 3:7

Li Ka̱cuaꞌ Jesucristo kꞌaxal nim xcuanquil. Joꞌcan nak takabi li ra̱tin li naxye li Santil Musikꞌej: Cherabihak anakcuan li cua̱tin.

Romanos 15:12

Tzꞌi̱banbil ajcuiꞌ saꞌ li Santil Hu li quixye laj Isaías: Saꞌ xya̱nkeb li ralal xcꞌajol laj David li ralal laj Isaí ta̱cꞌulu̱nk laj Colonel, li xakabanbil xban li Dios. Ut aꞌan ta̱cua̱nk xcuanquil saꞌ xbe̱neb li ma̱cuaꞌeb aj judío. Ut aꞌan li yo̱keb chixyoꞌoninquil. (Isa. 11:10)

Hechos 1:16

—Ex inherma̱n, tento nak ta̱uxma̱nk li tzꞌi̱banbil saꞌ li Santil Hu li quicꞌuteꞌ chiru li rey David xban li Santil Musikꞌej chirix laj Judas li quikꞌaxtesin re li Jesús reheb li queꞌchapoc re.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Mateo 27:35

Ut mokon nak ac queꞌxqꞌue chiru cruz, eb li soldado queꞌbu̱lic chirix li rakꞌ re rilbal ani na ta̱e̱chani̱nk re li rakꞌ. Joꞌcaꞌin quitzꞌakloc ru li yebil xban li profeta nak quixye: Queꞌxjeqꞌui chi ribileb rib li cuakꞌ ut queꞌbu̱lic chirix lin tꞌicr. (Sal. 22:18)

San Mateo 22:43

Li Jesús quixye reheb: —¿Cꞌaꞌut nak laj David quixye li cꞌaꞌru quirecꞌa saꞌ xchꞌo̱l xban li Santil Musikꞌej nak quixye “Ka̱cuaꞌ” re li Cristo? Quixye chi joꞌcaꞌin:

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

Hebreos 1:1

Najter kꞌe cutan li Ka̱cuaꞌ Dios qꞌuila sut quixtaklaheb chak li profeta chixyebal li ra̱tin riqꞌuineb li kaxeꞌto̱nil yucuaꞌ. Quixsiqꞌui xya̱lal chanru nak tixchꞌolob xya̱lal chiruheb.