Hechos 2:3 - Li Santil hu

³ Queꞌril li chanchan rakꞌ xam. Li rakꞌ xam queꞌxjeqꞌui rib ut queꞌhilan saꞌ xbe̱neb chi xjunju̱nkaleb.

Q'eqchi Bible

³ Toja' naq ke'xk'ut rib' chiruheb' ru'uj aq' chanchan raq'xam, ke'xjek'i rib' ut kolhilanq sa' xb'eeneb' chi xjunjunqaleb'.

Hechos 2:3 ပူးပေါင်းရင်းမြစ်များ

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Jeremías 23:29

¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

San Lucas 24:32

Ut eb aꞌan queꞌxye chi ribileb rib: —Joꞌcan peꞌ nak yo̱co chak recꞌanquil jun sahil chꞌo̱lej saꞌ ka̱m nak yo̱ chak chika̱tinanquil saꞌ be ut nak yo̱ chixchꞌolobanquil chiku li naxye saꞌ li Santil Hu, chanqueb.

Génesis 11:6

Li Ka̱cuaꞌ Dios quixye: —Li tenamit jun ajcuiꞌ ut jun ajcuiꞌ li ra̱tinoba̱leb. Xeꞌxtiquib xba̱nunquil li nimla ochoch aꞌin. Cui joꞌcaꞌin lix naꞌlebeb, ma̱min teꞌxcanab xba̱nunquil li cꞌaꞌru nequeꞌxcꞌoxla.

Apocalipsis 14:6

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

1 Corintios 12:10

Cuan qꞌuebileb xma̱tan chi ba̱nu̱nc milagro ut cuan qꞌuebileb xma̱tan chi xchꞌolobanquil resil li cꞌaꞌru quicꞌutbesi̱c chiru xban li Dios. Ut cuan qꞌuebileb xma̱tan re xtaubal ru cui li Santil Musikꞌej cuan riqꞌuin junak malaj ut cuan li ma̱us aj musikꞌej riqꞌuin. Ut cuan qꞌuebileb xma̱tan chi a̱tinac saꞌ jalan a̱tin incꞌaꞌ natauman ru ut cuan ajcuiꞌ qꞌuebileb xma̱tan chi jaloc ru li jalanil a̱tin.

Hechos 2:11

Cuanqueb aj judío saꞌ xyoꞌlajiqueb ut cuanqueb ajcuiꞌ li queꞌxjal xpa̱ba̱l ut queꞌoc saꞌ xya̱nkeb laj judío. Cuanqueb ajcuiꞌ li queꞌchal Creta ut Arabia. Nakabi nak yo̱queb chixyebal saꞌ ka̱tinoba̱l li cꞌaꞌru yo̱ chixba̱nunquil li Ka̱cuaꞌ Dios riqꞌuin xnimal xcuanquilal, chanqueb.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Santiago 3:6

Numtajenak xyibal ru naxye li ruꞌuj akꞌ. Chanchan lix ma̱usilal li ruchichꞌochꞌ. Li ruꞌuj kakꞌ, aꞌan jun xchaꞌal li katzꞌejcual kꞌaxal caꞌchꞌin; aban riqꞌuin li ma̱usilal naxye, naxpoꞌ kanaꞌleb. Lix ma̱usilal nachal chak saꞌ xbalba ut naxpoꞌ kanaꞌleb saꞌ kayoꞌlajic toj chalen saꞌ li kacamic.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Salmos 55:9

At Ka̱cuaꞌ, chasacheb taxak ruheb ut incꞌaꞌ ta chic teꞌxtau ru li cꞌaꞌru nequeꞌxye chi ribileb rib xban nak ac xinqꞌue retal nak junes pletic nequeꞌraj. Kꞌaxal nabal li raylal yo̱queb chixba̱nunquil saꞌ li tenamit.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Hechos 2:2

Queꞌrabi jun choki̱nc chanchan xya̱b cacuil ikꞌ yo̱ chi cha̱lc saꞌ choxa. Chixjunileb li cuanqueb saꞌ li cab queꞌrabi.