Hechos 2:23 - Li Santil hu

²³ Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Q'eqchi Bible

²³ Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

Hechos 2:23 ပူးပေါင်းရင်းမြစ်များ

San Lucas 22:22

Tento nak tincamsi̱k la̱in li Cꞌajolbej. Abanan raylal cuan saꞌ xbe̱n li cui̱nk li ta̱kꞌaxtesi̱nk cue, chan li Jesús.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

1 Pedro 1:20

Relic chi ya̱l nak toj ma̱jiꞌ nayoꞌobtesi̱c chak li ruchichꞌochꞌ ac chꞌolchꞌo chiru li Dios nak li Cristo sicꞌbil ru ut xakabanbil re ta̱ca̱mk. Ut anakcuan xcuulac xkꞌehil nak li Cristo xcꞌutbesi rib xban e̱ra̱bal la̱ex.

Hechos 13:27

Li cuanqueb Jerusalén ut eb li nequeꞌtaklan saꞌ xbe̱neb li tenamit incꞌaꞌ queꞌxtau ru li queꞌxye eb li profeta. Incꞌaꞌ queꞌxnau nak li Jesús, aꞌan laj Colonel. Abanan nak queꞌxkꞌaxtesi chi ca̱mc li Jesús, quitzꞌakloc ru li a̱tin li queꞌxye li profeta, li na-ileꞌ chiruheb rajlal saꞌ li hiloba̱l cutan.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

Romanos 4:17

Tzꞌi̱banbil saꞌ li Santil Hu li quixye li Dios re laj Abraham: Xatinqꞌue chokꞌ xxeꞌto̱nil yucuaꞌ li qꞌuila tenamit. (Gén. 17:5) Ut chiru li Dios toj cuan ajcuiꞌ xcuanquil li cꞌaꞌru quixyechiꞌi re laj Abraham. Laj Abraham quixpa̱b li Dios li nacuaclesin cuiꞌchic reheb li camenak chi yoꞌyo ut yal riqꞌuin ra̱tin naxyoꞌobtesiheb li cꞌaꞌak re ru toj ma̱cꞌaꞌ.

Hechos 5:30

Li Dios li queꞌxlokꞌoni chak li kaxeꞌto̱nil yucuaꞌ, aꞌan li quicuaclesin cuiꞌchic re li Jesús chi yoꞌyo saꞌ xya̱nkeb li camenak, li queqꞌue chi camsi̱c chiru cruz la̱ex.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hechos 15:18

Ut li Ka̱cuaꞌ Dios li quiyehoc chak re aꞌin, aꞌan ajcuiꞌ li ta̱ba̱nu̱nk re. (Amós 9:11-12)

San Lucas 24:20

Eb li xbe̱nil aj tij ut eb li nequeꞌtaklan saꞌ kabe̱n queꞌxkꞌaxtesi chi camsi̱c ut queꞌxqꞌue chiru cruz.

San Lucas 22:37

Relic chi ya̱l ninye e̱re nak tento ta̱tzꞌaklok ru li cꞌaꞌru tzꞌi̱banbil chicuix saꞌ li Santil Hu, li naxye chi joꞌcaꞌin: Quiqꞌueheꞌ saꞌ ajl saꞌ xya̱nkeb li incꞌaꞌ useb xnaꞌleb. Tento nak ta̱cꞌulma̱nk li cꞌaꞌru tzꞌi̱banbil retalil chicuix, chan.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

San Juan 19:24

Queꞌxye chi ribileb rib: —Incꞌaꞌ takapeji. Us takabu̱li rix re rilbal ani ta̱e̱chani̱nk re, chanqueb. Joꞌcan queꞌxba̱nu re nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Queꞌxjeqꞌui chirixeb lin tꞌicr ut queꞌxbu̱li rix li cuakꞌ. (Sal. 22:18)

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

San Mateo 20:19

Ut tineꞌxkꞌaxtesi saꞌ rukꞌeb li ma̱cuaꞌeb aj judío. Ut eb aꞌan tineꞌxhob, tineꞌxsacꞌ, ut tineꞌxcamsi chiru cruz. Abanan saꞌ rox li cutan tincuacli̱k cuiꞌchic chi yoꞌyo saꞌ xya̱nkeb li camenak, chan li Jesús.

San Mateo 27:35

Ut mokon nak ac queꞌxqꞌue chiru cruz, eb li soldado queꞌbu̱lic chirix li rakꞌ re rilbal ani na ta̱e̱chani̱nk re li rakꞌ. Joꞌcaꞌin quitzꞌakloc ru li yebil xban li profeta nak quixye: Queꞌxjeqꞌui chi ribileb rib li cuakꞌ ut queꞌbu̱lic chirix lin tꞌicr. (Sal. 22:18)

San Marcos 15:24

Tojoꞌnak queꞌxqꞌue chiru cruz. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re li junju̱nk.

San Lucas 23:33

Ut queꞌcuulac saꞌ li naꞌajej Gólgota xcꞌabaꞌ. Chi jalbil ru naraj naxye: Xnaꞌaj Xbakel Xjolom Camenak. Ut aran queꞌxqꞌue chiru cruz li Jesús. Ut queꞌxqꞌue ajcuiꞌ chiru cruz li cuib chi cui̱nk li cuanqueb xma̱c. Jun li cruz queꞌxqꞌue saꞌ xnim ukꞌ li Jesús ut li jun chic queꞌxqꞌue saꞌ xtzꞌe.

San Juan 19:18

Ut aran queꞌxqꞌue chiru cruz. Ut queꞌxqꞌue cuib chic li cui̱nk chiru cruz rochben. Jun queꞌxqꞌue saꞌ xnim ukꞌ ut li jun chic queꞌxqꞌue saꞌ xtzꞌe. Li cruz li queꞌxqꞌue cuiꞌ li Jesús quicana saꞌ xyi.

Hechos 2:36

Chenauhak che̱junilex la̱ex aj Israel nak li Jesús li queqꞌue la̱ex chiru cruz, aꞌan li quiqꞌueheꞌ chokꞌ Ka̱cuaꞌ ut chokꞌ Cristo xban li Dios, chan laj Pedro.

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

Romanos 2:12

Li ani nequeꞌma̱cob chi incꞌaꞌ nequeꞌxnau li chakꞌrab li quiqꞌueheꞌ re laj Moisés xban li Dios, ta̱rakekꞌ a̱tin saꞌ xbe̱neb ut teꞌsachk usta incꞌaꞌ nequeꞌxnau li chakꞌrab. Ut chixjunileb li nequeꞌxnau li chakꞌrab ut nequeꞌma̱cob, ta̱rakekꞌ ajcuiꞌ a̱tin saꞌ xbe̱neb joꞌ naxye saꞌ li chakꞌrab.

1 Ts 2:15

Eb laj judío queꞌxcamsi li Ka̱cuaꞌ Jesucristo ut queꞌxcamsi ajcuiꞌ eb li profeta ut coeꞌxyo̱lesi la̱o. Incꞌaꞌ nequeꞌxba̱nu li nacuulac chiru li Dios ut kꞌaxal xicꞌ nequeꞌril li ras ri̱tzꞌineb.