Hechos 2:22 - Li Santil hu

²² Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

Q'eqchi Bible

²² “Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

Hechos 2:22 ပူးပေါင်းရင်းမြစ်များ

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

Hechos 4:10

Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

San Lucas 11:20

Cui ut riqꞌuin xcuanquil li Dios nacuisiheb li ma̱us aj musikꞌej, riqꞌuin aꞌan nacꞌutun nak relic chi ya̱l ac xcꞌulun saꞌ e̱ya̱nk lix nimajcual cuanquilal li Dios.

San Mateo 12:28

Cui ut riqꞌuin xcuanquil li Dios nacuisiheb li ma̱us aj musikꞌej, riqꞌuin aꞌan nacꞌutun nak relic chi ya̱l ac xcꞌulun saꞌ e̱ya̱nk lix nimajcual cuanquilal li Dios.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

2 Corintios 12:12

Nak cuanquin e̱riqꞌuin nabal quincuy ut riqꞌuin xcuanquil li Dios quilajinba̱nu li milagro ut li sachba chꞌo̱lej li nacꞌutuc re nak la̱in tzꞌakal apóstol.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

Hechos 26:9

Ya̱l nak junxil la̱in xincꞌoxla nak us xrahobtesinquileb li nequeꞌxpa̱b li Jesús aj Nazaret.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

Hechos 22:8

La̱in quinchakꞌoc ut quinye, “¿Anihat la̱at, Ka̱cuaꞌ?” chanquin. Ut aꞌan quixye cue, “La̱in li Jesús laj Nazaret li yo̱cat chixrahobtesinquil,” chan cue.

Hechos 21:28

Japjo̱queb re chixyebal: —Ex aj Israel, choe̱tenkꞌa. Aꞌan aꞌin li cui̱nk li napoꞌoc xnaꞌlebeb li tenamit yalak bar chixtzꞌekta̱nanquil li katenamit, joꞌ ajcuiꞌ li chakꞌrab li quixqꞌue ke laj Moisés. Ut naxtzꞌekta̱na li templo aꞌin. Joꞌ cuiꞌ anchal xrocsiheb li ma̱cuaꞌeb aj judío saꞌ li templo ut riqꞌuin aꞌan, xmux ru li Santil Naꞌajej, chanqueb.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

Hechos 13:16

Quixakli laj Pablo ut quixtaksi li rukꞌ re xyebal reheb nak incꞌaꞌ chic teꞌchoki̱nk. Quixye: —Ex aj judío ut la̱ex li ma̱cuaꞌex aj judío, li nequelokꞌoni li Ka̱cuaꞌ, abihomak li tinye e̱re.

Hechos 6:14

La̱o quikabi nak yo̱ chixyebal nak li Jesús laj Nazaret tixjucꞌ li naꞌajej aꞌin, ut tixjal ru li chakꞌrab li coxtzol cuiꞌ laj Moisés, chanqueb.

Hechos 5:35

Ut quixye reheb: —Ex cui̱nk aj Israel, cꞌoxlahomak chi us cꞌaꞌru te̱ba̱nu riqꞌuineb li cui̱nk aꞌin.

Hechos 3:12

Nak laj Pedro quirileb, quixye reheb: —La̱ex aj Israel, ¿cꞌaꞌut nak sachso e̱chꞌo̱l nequexcana xban li cꞌaꞌru xcꞌulman? ¿Cꞌaꞌut nak yo̱quex chikilbal? ¿Ma nequecꞌoxla la̱ex nak la̱o xkaqꞌuirtesi li cui̱nk aꞌin kajunes? ¿Ma xban ta biꞌ kacuanquil ut li kacha̱bilal nak xkaqꞌue chi be̱c li cui̱nk aꞌin?

San Juan 19:19

Laj Pilato quixtzꞌi̱ba jun li retalil ut queꞌxqꞌue saꞌ xjolom li cruz li quiqꞌueheꞌ cuiꞌ li Jesús. Li retalil aꞌan quixye: Li Jesús aj Nazaret, aꞌan lix reyeb laj judío.

San Juan 15:24

Ma̱cꞌaꞌeb raj xma̱c cui ta incꞌaꞌ xeꞌril li milagros li xinba̱nu chiruheb, li milagros li ma̱ ani chic naru xba̱nunquil. Abanan eb aꞌan queꞌril li xinba̱nu. Joꞌcan nak xicꞌ niquineꞌril la̱in ut xicꞌ ajcuiꞌ nequeꞌril lin Yucuaꞌ.

San Juan 12:17

Eb li tenamit li cuanqueb rochben li Jesús nak quixcuaclesi cuiꞌchic chi yoꞌyo laj Lázaro yo̱queb chixyebal resilal yalak bar.

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

San Juan 10:37

Cui la̱in incꞌaꞌ yo̱quin chixba̱nunquil li cꞌaꞌru naraj lin Yucuaꞌ, me̱pa̱b nak la̱in li Ralal li Dios.

San Juan 9:33

Cui ta incꞌaꞌ taklanbil chak xban li Dios li cui̱nk aꞌin, ma̱cꞌaꞌ raj naru naxba̱nu, chan li cui̱nk reheb.

San Juan 7:31

Nabaleb li tenamit queꞌxpa̱b li Cristo ut queꞌxye: —La̱o nakanau nak ta̱cꞌulu̱nk li Cristo, nabaleb li milagro tixba̱nu. Li cui̱nk aꞌin nabal li milagro yo̱ chixba̱nunquil. Cui ta ma̱cuaꞌ li Cristo, ¿chan ta cuiꞌ ru nak tixba̱nu li milagro li yo̱ chixba̱nunquil? chanqueb.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Juan 4:48

Li Jesús quixye re li cui̱nk: —La̱ex incꞌaꞌ nequepa̱b nak li Dios quitaklan chak cue cui incꞌaꞌ tincꞌut junak milagro che̱ru retalil nak cuan incuanquil, chan.

San Juan 1:45

Laj Felipe ticto co̱ chixsicꞌbal laj Natanael ut quixye re: —Xkatau li Mesías li tzꞌi̱banbil chak retalil saꞌ li chakꞌrab xban laj Moisés ut xbaneb li profeta. Aꞌan li Jesús ralal laj José. Nazaret xtenamit, chan laj Felipe.

San Lucas 24:18

Jun reheb aꞌan, aj Cleofas xcꞌabaꞌ, quichakꞌoc ut quixye: —Joꞌ li caꞌaj cuiꞌ la̱at li yo̱cat chi numecꞌ saꞌ li tenamit Jerusalén li incꞌaꞌ nacatnaꞌoc re li cꞌaꞌru xcꞌulman saꞌ eb li cutan aꞌin, chan.

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Hechos 2:19

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Hechos 2:43

Chixjunileb sachso̱queb xchꞌo̱l xban li milagro ut li sachba chꞌo̱lej li yo̱queb chixba̱nunquil li apóstol.

Hechos 3:6

Laj Pedro quixye re: —Ma̱cꞌaꞌ intumin la̱in re tinqꞌue a̱cue. Abanan li cꞌaꞌru cuan cuiqꞌuin tinqꞌue a̱cue. Saꞌ xcꞌabaꞌ li Ka̱cuaꞌ Jesucristo laj Nazaret, ninye a̱cue cuaclin ut be̱n, chan re.

San Lucas 18:37

Queꞌxye re nak li Jesús aj Nazaret yo̱ chi numecꞌ.