Hechos 2:20 - Li Santil hu

²⁰ Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ toj ta̱cuulak xkꞌehil li cutan aꞌan, li kꞌaxal xiu xiu, nak la̱in tinrakok a̱tin, chan li Dios.

Q'eqchi Bible

²⁰ Taa'aak'ab'o'q ru li saq'e ut li po taakik'o'q ru, rub'elaj xk'ulunik li xnimal xkutankil li Qaawa'.

Hechos 2:20 ပူးပေါင်းရင်းမြစ်များ

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Amós 8:9

Saꞌ li cutan aꞌan, usta cuaꞌleb re li cutan, li sakꞌe ta̱oc ut ta̱kꞌojyi̱nokꞌ ru li cutan inban la̱in. La̱in tinsukꞌisi li cutan chokꞌ kꞌojyi̱n, chan li Ka̱cuaꞌ.

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

1 Ts 5:2

La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

San Lucas 21:25

Ut ta̱cua̱nk retalil chiru li sakꞌe, li po ut eb li chahim. Ut eb li cuanqueb saꞌ ruchichꞌochꞌ teꞌyotꞌekꞌ ut teꞌsach xchꞌo̱leb xban lix ya̱b ut lix cau ok li palau.

San Marcos 13:24

Ut saꞌ eb li cutan aꞌan nak ta̱cꞌulma̱nk li raylal, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru.

Joel 3:14

Numtajenak xqꞌuialeb li tenamit li cuanqueb saꞌ li ru takꞌa. Aran ta̱rakekꞌ a̱tin saꞌ xbe̱neb xban nak cuulac re xkꞌehil nak la̱in li Ka̱cuaꞌ tinrakok a̱tin.

Apocalipsis 16:8

Ut li xca̱ ángel quixhoy li cuan saꞌ lix secꞌ saꞌ xbe̱n li sakꞌe. Ut li sakꞌe quitikcuoꞌ ru chi us ut quixcꞌateb li cristian. Chanchan xtikcual li xam.

Apocalipsis 6:12

Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Jeremías 4:23

Laj Jeremías quixye: —Nak quicuil li ruchichꞌochꞌ, ma̱cꞌaꞌ chic cuan chiru. Quicuil li choxa ut ma̱cꞌaꞌ chic lix cutan saken.

Isaías 34:8

xban nak aꞌan li cutan nak li Ka̱cuaꞌ tixqꞌue re̱kaj reheb laj Edom li raylal queꞌxba̱nu reheb laj Israel. Aꞌan li chihab nak teꞌxcꞌul re̱kaj li ma̱usilal queꞌxba̱nu.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Isaías 13:15

Chixjunileb li teꞌchapekꞌ teꞌcamsi̱k chi chꞌi̱chꞌ.

Isaías 13:9

Cuulac re xkꞌehil nak li Ka̱cuaꞌ ta̱rakok a̱tin saꞌ xbe̱neb li tenamit. Cꞌajoꞌ li raylal teꞌxcꞌul saꞌ li cutan aꞌan nak li Dios tixcꞌutbesi lix joskꞌil chiruheb. Tixsach chixjunil li cuan Babilonia ut tixsach ajcuiꞌ ruheb chixjunileb laj ma̱c.

Isaías 13:10

Li chahim ut lix sahob ru li choxa incꞌaꞌ chic teꞌlemtzꞌu̱nk. Ta̱kꞌojyi̱nokꞌ ru li sakꞌe usta tojeꞌ e̱lc yo̱ chak. Ut li po incꞌaꞌ chic tixcutanobresi li ruchichꞌochꞌ.

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

Hechos 2:19

Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Hechos 2:21

Abanan chixjunileb li nequeꞌya̱ban re lix cꞌabaꞌ li Ka̱cuaꞌ, teꞌcolekꞌ. (Joel 2:28-32)