Hechos 2:2 - Li Santil hu

² Queꞌrabi jun choki̱nc chanchan xya̱b cacuil ikꞌ yo̱ chi cha̱lc saꞌ choxa. Chixjunileb li cuanqueb saꞌ li cab queꞌrabi.

Q'eqchi Bible

² Ak taachalq chaq sa' choxa kama' xyaab' jun kawil iq' najub'ub'nak chi chalk, ut kolxnujob'resi chixjunil li kab'l wankeb' wi'.

Hechos 2:2 ပူးပေါင်းရင်းမြစ်များ

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

1 Reyes 19:11

Ut li Ka̱cuaꞌ quixye re: —Elen saꞌ li ochoch pec ut xaklin saꞌ xbe̱n li tzu̱l arin chicuu, chan. Saꞌ ajcuiꞌ li ho̱nal aꞌan quinumeꞌ li Ka̱cuaꞌ ut quinumeꞌ ajcuiꞌ jun cacuil ikꞌ re xcꞌutbesinquil lix cuanquil. Kꞌaxal cau quinumeꞌ li ikꞌ toj retal quilajjacheꞌ li tzu̱l ut eb li pec quilajeꞌjoreꞌ. Abanan li Dios toj ma̱jiꞌ naa̱tinac riqꞌuin laj Elías. Nak ac xnumeꞌ li ikꞌ, quixqꞌue hi̱c, abanan toj ma̱jiꞌ naa̱tinac li Ka̱cuaꞌ riqꞌuin laj Elías.

Salmos 18:10

Chirix jun li querubín quicube chak saꞌ ruchichꞌochꞌ li Ka̱cuaꞌ. Quichal chi junpa̱t chintenkꞌanquil. Chanchan li ikꞌ quicubsin chak re.

San Juan 3:8

Li ikꞌ nanumeꞌ bar naraj chi incꞌaꞌ nacanau bar nachal chak chi moco nacanau bar yo̱ chi xic. Incꞌaꞌ nacacuil ru. Caꞌaj cuiꞌ lix ya̱b nacacuabi nak nanumeꞌ. Joꞌcan ajcuiꞌ lix yuꞌameb li yoꞌlajenakeb riqꞌuin li Santil Musikꞌej. Cuan xyuꞌameb chi junelic chi incꞌaꞌ nacanau chi tzꞌakal chanru, chan li Jesús.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

San Lucas 2:13

Ut saꞌ junpa̱t queꞌchal nabaleb chic li ángel saꞌ choxa. Yo̱queb chixlokꞌoninquil li Ka̱cuaꞌ ut yo̱queb chixyebal:

Hechos 2:3

Queꞌril li chanchan rakꞌ xam. Li rakꞌ xam queꞌxjeqꞌui rib ut queꞌhilan saꞌ xbe̱neb chi xjunju̱nkaleb.

Hechos 2:6

Nak queꞌrabi li cꞌaꞌru yo̱queb chixcꞌulbal eb aꞌan, queꞌxchꞌutub ribeb li qꞌuila tenamit. Sachso̱queb xchꞌo̱l xban nak queꞌrabi nak yo̱queb chi a̱tinac saꞌ li ra̱tinoba̱leb li junju̱nk chi tenamit.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.