Hechos 2:10 - Li Santil hu

¹⁰ joꞌqueb ajcuiꞌ laj Frigia ut laj Panfilia, laj Egipto ut eb li cuanqueb saꞌ eb li naꞌajej xcue̱nt Libia li cuanqueb nachꞌ riqꞌuin Cirene, joꞌqueb ajcuiꞌ laj Roma.

Q'eqchi Bible

¹⁰ aj Frigia, aj Panfilia, aj Ejiipt, aj Sirenaika, aj Roma yal numeleb' arin,

Hechos 2:10 ပူးပေါင်းရင်းမြစ်များ

Hechos 16:6

Li Santil Musikꞌej quixcꞌut chiruheb nak incꞌaꞌ teꞌxic chixchꞌolobanquil resil li colba-ib saꞌ li naꞌajej Asia. Joꞌcan nak queꞌco̱eb Frigia ut queꞌnumeꞌ ajcuiꞌ saꞌ li naꞌajej Galacia.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Hechos 18:23

Incꞌaꞌ najt quicuan aran nak co̱ ut quinumeꞌ saꞌ eb li naꞌajej Galacia ut Frigia ut yo̱ chixqꞌuebal xcacuilal xchꞌo̱leb laj pa̱banel.

Hechos 15:38

Abanan incꞌaꞌ quixcꞌul xchꞌo̱l laj Pablo xban nak junxil laj Juan Marcos quixjach rib riqꞌuineb aran Panfilia ut incꞌaꞌ chic co̱ chirixeb chixba̱nunquil li cꞌanjel.

Hechos 13:43

Nak queꞌxchakꞌrabiheb li tenamit, nabaleb laj judío joꞌqueb ajcuiꞌ li queꞌoc saꞌ xya̱nkeb aꞌan queꞌxta̱ke laj Pablo ut laj Bernabé. Laj Pablo ut laj Bernabé yo̱queb chixqꞌuebal xnaꞌlebeb re nak teꞌcua̱nk saꞌ xya̱lal joꞌ naraj li Dios.

Hechos 13:13

Laj Pablo queꞌel Pafos saꞌ jucub joꞌqueb ajcuiꞌ li rochben ut queꞌco̱eb Perge xcue̱nt Panfilia. Aran queꞌxcanab ribeb ut laj Juan Marcos quisukꞌi Jerusalén.

Zacarías 8:20

Aꞌan aꞌin li quixye li Ka̱cuaꞌ li nimajcual Dios: —Ta̱cuulak xkꞌehil nak teꞌcha̱lk nabaleb li cristian saꞌ lix ni̱nkal ru tenamit chi cua̱nc arin, chan li nimajcual Dios.

2 Timoteo 1:17

Nak quicꞌulun arin Roma, laj Onesíforo quinixsicꞌ chi anchal xchꞌo̱l toj retal quinixtau.

Romanos 1:15

Joꞌcan nak nacuaj tinchꞌolob xya̱lal li colba-ib che̱ru la̱ex li cuanquex Roma.

Hechos 27:5

Conumeꞌ jun pacꞌal li palau cuan cuiꞌ li tenamit Cilicia ut Panfilia. Ut cocuulac saꞌ li tenamit Mira li cuan saꞌ xcue̱nt Licia.

Hechos 14:24

Nak yo̱queb chi xic queꞌnumeꞌ saꞌ li naꞌajej Pisidia ut queꞌcuulac Panfilia.

Hechos 11:20

Abanan cuanqueb aj pa̱banel aj Chipre ut aj Cirene queꞌcuulac Antioquía. Eb aꞌan queꞌxchꞌolob xya̱lal chiruheb li nequeꞌa̱tinac saꞌ griego ut queꞌxye resil li colba-ib saꞌ xcꞌabaꞌ li Jesucristo.

San Marcos 15:21

Jun li cui̱nk aj Simón xcꞌabaꞌ yo̱ chi cha̱lc saꞌ cꞌaleba̱l. Cirene lix tenamit. Li cui̱nk aꞌan xyucuaꞌ laj Alejandro ut laj Rufo. Eb li soldado queꞌxmin ru laj Simón chixpakonquil lix cruz li Jesús.

San Mateo 27:32

Ut nak yo̱queb chi xic, queꞌxcꞌul jun li cui̱nk aj Simón xcꞌabaꞌ, Cirene xtenamit. Eb li soldado queꞌxmin ru aꞌan chixpakonquil lix cruz li Jesús.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.

Daniel 11:43

Ut eb li soldado li teꞌcha̱lk saꞌ li norte teꞌxmakꞌ chixjunil lix biomaleb laj Egipto, joꞌ lix oro ut lix plata ut li cꞌaꞌak chic re ru terto xtzꞌak. Ut teꞌnumta̱k ajcuiꞌ saꞌ xbe̱neb li tenamit Libia ut Etiopía.

Ezequiel 30:5

Chixjunileb li tenamit li teꞌoque̱nk chi pletic chirixeb laj Egipto teꞌcamsi̱k. Teꞌcamsi̱k chixjunileb laj Etiopía, eb laj Fut, eb laj Lud, ut eb laj Arabia joꞌ eb ajcuiꞌ laj Libia.

Jeremías 46:9

Taklahomakeb li cacua̱y chi xic. La̱ex li nequeꞌchꞌeꞌoc re li carruajes, texxic chi junpa̱t. Ayukex, ex soldados la̱ex aj etiopia ut la̱ex li cuanquex saꞌ li tenamit Put, li nequecꞌam le̱ chꞌi̱chꞌ re xcolbal re le̱ chꞌo̱l, ut la̱ex li cuanquex saꞌ li tenamit Lud li nequenau chi us cutuc riqꞌuin li tzimaj.

Génesis 12:10

Saꞌ eb li cutan aꞌan quicuan jun li nimla cueꞌej saꞌ li naꞌajej aꞌan. Xban nak ma̱cꞌaꞌ li tzacae̱mk, co̱eb laj Abram saꞌ li naꞌajej Egipto ut aran queꞌcana.

Apocalipsis 11:8

Li camenak teꞌcana̱k chi tꞌantꞌo saꞌ eb li be re li nimla tenamit bar quicamsi̱c cuiꞌ chiru cruz li Ka̱cuaꞌ Jesucristo. Cuan nak nequeꞌxjuntakꞌe̱ta li tenamit aꞌan riqꞌuineb li tenamit Sodoma ut Egipto xban li ma̱usilal queꞌxba̱nu.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Hechos 28:15

Eb laj pa̱banel li cuanqueb Roma queꞌrabi resil nak cuulac ke. Cuanqueb laj pa̱banel queꞌchal chi cꞌuluc ke toj cuan cuiꞌ li cꞌayil Apio xcꞌabaꞌ ut cuanqueb ajcuiꞌ queꞌcꞌuluc ke toj saꞌ li naꞌajej Oxib Tabernas. Nak quiril ruheb laj pa̱banel, laj Pablo quixbantioxi chiru li Dios ut quicꞌojla xchꞌo̱l.

Hechos 18:2

Ut aran quixtau jun li cui̱nk aj judío. Aj Aquila xcꞌabaꞌ. Ponto xtenamit. Incꞌaꞌ najter xcꞌulunic Italia rochben lix Priscila li rixakil. Queꞌel aran Roma xban nak laj Claudio li Acuabej quixye nak chixjunileb laj judío teꞌe̱lk saꞌ li tenamit aꞌan. Laj Pablo co̱ chirulaꞌanquileb.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Hechos 6:9

Cuanqueb xcomoneb li nequeꞌtzoloc saꞌ li cab li nequeꞌxchꞌutub cuiꞌ ribeb laj judío. Aj libertos nequeꞌxye reheb. Saꞌ xya̱nkeb aꞌan cuanqueb li nequeꞌchal chak saꞌ eb li tenamit Cirene, Alejandría, Cilicia ut Asia. Eb aꞌan yo̱queb chixcuechꞌinquil laj Esteban.

Hechos 6:5

Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

San Mateo 2:15

Ut queꞌcuan aran Egipto toj quicam laj Herodes. Aꞌan quicꞌulman joꞌ quixtzꞌi̱ba li profeta li quiyeheꞌ re xban li Ka̱cuaꞌ nak quixye: Saꞌ li tenamit Egipto quinbok chak li cualal, chan. (Ose. 11:1)

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Hechos 23:11

Chiru li kꞌojyi̱n aꞌan li Ka̱cuaꞌ quixcꞌut rib chiru laj Pablo ut quixye re: —Cauhak a̱chꞌo̱l, at Pablo. Joꞌ nak xachꞌolob li ya̱l chicuix arin Jerusalén, joꞌcan ajcuiꞌ nak toxa̱chꞌolob li ya̱l chicuix aran Roma, chan.

San Mateo 23:15

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequesuti li ruchichꞌochꞌ joꞌ ajcuiꞌ li palau re xsicꞌbal ani ta̱pa̱ba̱nk re le̱ tijleb. Ut nak ac xeꞌxkꞌaxtesi rib saꞌ e̱ya̱nk, kꞌaxal cuiꞌchic yibru xnaꞌlebeb che̱ru la̱ex ut e̱ma̱c la̱ex nak teꞌxic saꞌ xbalba.

Hechos 2:11

Cuanqueb aj judío saꞌ xyoꞌlajiqueb ut cuanqueb ajcuiꞌ li queꞌxjal xpa̱ba̱l ut queꞌoc saꞌ xya̱nkeb laj judío. Cuanqueb ajcuiꞌ li queꞌchal Creta ut Arabia. Nakabi nak yo̱queb chixyebal saꞌ ka̱tinoba̱l li cꞌaꞌru yo̱ chixba̱nunquil li Ka̱cuaꞌ Dios riqꞌuin xnimal xcuanquilal, chanqueb.

Hechos 17:21

Saꞌ eb li cutan aꞌan chixjunileb laj Atenas ut eb li jalaneb xtenamit li cuanqueb aran, ma̱cꞌaꞌ chic cꞌaꞌak re ru nequeꞌxcꞌoxla. Caꞌaj chic rabinquil ut a̱tinac chirix li acꞌ naꞌleb nequeꞌxba̱nu.