Hechos 2:1 - Li Santil hu

¹ Saꞌ xkꞌehil li ninkꞌe re li Pentecostés chꞌutchꞌu̱queb chixjunileb laj pa̱banel saꞌ jun chi naꞌajej ut junajeb xchꞌo̱l.

Q'eqchi Bible

¹ Naq kiwulak xkutankil li Pentekostés, ch'utch'uukeb' chixjunileb' sa' jun chi na'ajej.

Hechos 2:1 ပူးပေါင်းရင်းမြစ်များ

Romanos 15:6

Li Dios chitenkꞌa̱nk e̱re re nak junajak le̱ chꞌo̱l nak te̱lokꞌoni li Acuabej Dios, lix Yucuaꞌ li Jesucristo.

Filipenses 2:2

Anakcuan nintzꞌa̱ma ajcuiꞌ che̱ru nak junajak taxak e̱chꞌo̱l re nak junelic sahak saꞌ inchꞌo̱l e̱riqꞌuin. Cherahak e̱rib chi ribil e̱rib ut chexcua̱nk saꞌ xya̱lal chi ribil e̱rib ut junajak taxak le̱ cꞌaꞌux.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

1 Corintios 16:8

Abanan toj tinnumsi li ninkꞌe Pentecostés arin Éfeso tojoꞌnak tinxic e̱riqꞌuin.

Sofonías 3:9

Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Hechos 4:32

Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Hechos 20:16

Laj Pablo ac cuan saꞌ xchꞌo̱l nak incꞌaꞌ ta̱numekꞌ Éfeso re nak incꞌaꞌ ta̱ba̱yk Asia. Yo̱ chixse̱banquil rib xban nak ta̱raj cua̱nc saꞌ li ninkꞌe Pentecostés aran Jerusalén.

Hechos 4:24

Nak queꞌrabi aꞌan, chixjunileb laj pa̱banel queꞌtijoc chiru li Dios saꞌ comonil ut queꞌxye: —At Ka̱cuaꞌ at nimajcual Dios, la̱at catyi̱ban re li choxa, li ruchichꞌochꞌ, ut li palau. La̱at catyi̱ban re chixjunil li cꞌaꞌru cuan.

Jeremías 32:39

La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

Éxodo 34:22

Texninkꞌei̱k nak te̱sicꞌ li xbe̱n ru li trigo ut texninkꞌei̱k cuiꞌchic saꞌ xkꞌehil li kꞌoloc.

Hechos 5:12

Rajlal nequeꞌxchꞌutub ribeb saꞌ xmu li templo chixjunileb laj pa̱banel cuan cuiꞌ li oqueba̱l Salomón xcꞌabaꞌ. Nabal li milagro queꞌxba̱nu eb li apóstol ut nabal li sachba chꞌo̱lej.

2 Crónicas 30:12

Ut li Ka̱cuaꞌ quitenkꞌan reheb li cuanqueb Judá re nak junaj lix chꞌo̱leb chixba̱nunquil li cꞌaꞌru queꞌxye li rey ut eb li nequeꞌtenkꞌan re joꞌ quixye li ra̱tin li Ka̱cuaꞌ.

Salmos 133:1

Qꞌuehomak retal nak kꞌaxal lokꞌ nak junaj xchꞌo̱leb li ralal xcꞌajol li Dios. Cꞌajoꞌ xlokꞌal nak cuanqueb saꞌ usilal.

2 Crónicas 5:13

Yo̱queb chixchꞌeꞌbal lix cuajbeb ut yo̱queb chi bicha̱nc chi junaj xya̱b lix cuxeb re xqꞌuebal xlokꞌal li Ka̱cuaꞌ. Queꞌxbicha xlokꞌal ut queꞌxye: Kꞌaxal cha̱bil li Ka̱cuaꞌ ut nim li ruxta̱n saꞌ kabe̱n junelic, chanqueb. Ut quinujac li templo riqꞌuin xlokꞌal li Dios. Chanchan li chok.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

Hechos 1:5

Ya̱l nak laj Juan quicubsin haꞌ riqꞌuin haꞌ. Abanan anakcuan aꞌ chic lix cuanquilal li Santil Musikꞌej te̱cꞌul chi se̱b ut aꞌan chic ta̱cua̱nk e̱riqꞌuin, chan.

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—