Hechos 19:9 - Li Santil hu

⁹ Cuanqueb li queꞌxcacuubresi xchꞌo̱leb ut incꞌaꞌ queꞌraj pa̱ba̱nc. Queꞌoc chixmajecuanquil li evangelio chiruheb chixjunileb. Joꞌcan nak laj Pablo quixcanab xchꞌolobanquil lix ya̱lal aran saꞌ li cab li nequeꞌxchꞌutub cuiꞌ ribeb laj judío. Ut quixcꞌameb laj pa̱banel chirix. Rajlal cutan quixcꞌut lix ya̱lal chiruheb saꞌ li cab li natzoloc cuiꞌ jun li cui̱nk aj Tiranno xcꞌabaꞌ.

Q'eqchi Bible

⁹ Ab'anan wankeb' li ke'kawuuk xch'ool; ink'a' ke'raj paab'ank ut ke'ok chi xyeeb'al chiruheb' li poyanam yib' aj na'leb' chirix li xB'e li Qaawa'; jo'kan naq laj Pablo kixkanab'eb'. Kixjek'eb' laj paab'anel rik'ineb' laj ch'utleb'aal kab'l ut rajlal kutan naseeraq'ik rik'ineb' sa' li xtzoleb'aal kab'l laj Tirano.

Hechos 19:9 ပူးပေါင်းရင်းမြစ်များ

Hechos 19:23

Ut saꞌ eb li cutan aꞌan quiticla jun nimla chꞌaꞌajquilal xban nak nabaleb yo̱queb chixpa̱banquil li Dios.

Hechos 9:2

Ut quixtzꞌa̱ma lix hu chiru re tixkꞌaxtesi saꞌ eb li cab li nequeꞌxchꞌutub cuiꞌ ribeb laj judío aran Damasco re ta̱ru̱k tixchapeb laj pa̱banel li tixtau aran, joꞌ cui̱nk joꞌ ixk. Tixchapeb ut tixcꞌameb chi pre̱xil Jerusalén.

2 Pedro 2:12

Aꞌut eb laj tzolonel aj balakꞌ chanchaneb li xul. Ma̱cꞌaꞌ nequeꞌxpa̱b. Yal re chapecꞌ ut re camsi̱c nak nequeꞌyoꞌla. Yo̱queb chixmajecuanquil li cꞌaꞌak re ru incꞌaꞌ nequeꞌxtau ru. Eb aꞌan jun osoꞌjiqueb nak teꞌosokꞌ.

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

San Judas 1:10

Ut eb laj balakꞌ aꞌin nequeꞌxmajecua ru li cꞌaꞌak re ru lokꞌ, li incꞌaꞌ nequeꞌxtau ru. Chanchaneb li xul li ma̱cꞌaꞌeb xnaꞌleb. Nequeꞌxsach rib chixba̱nunquil li cꞌaꞌak re ru chi ma̱usilal.

2 Pedro 2:2

Nabaleb telajeꞌxic saꞌ li ma̱usilal li yo̱queb chixyebal eb aꞌan ut xma̱queb aꞌan ta̱majecua̱k li kapa̱ba̱l li tzꞌakal ya̱l.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

1 Timoteo 6:5

Eb li cui̱nk aꞌin, junes cuechꞌi̱nc nequeꞌxba̱nu. Moco tuktu ta xcꞌaꞌuxeb ut moco ya̱l ta li nequeꞌxye. Nequeꞌxcꞌoxla nak riqꞌuin lix pa̱ba̱leb teꞌxtau xtumineb. Ma̱junaji a̱cuib riqꞌuineb aꞌan.

Romanos 11:7

Nakaqꞌue retal nak moco chixjunileb ta laj Israel queꞌxtau rusilal li Dios li yo̱queb chixsicꞌbal. Caꞌaj cuiꞌ li sicꞌbileb ru queꞌxtau, usta moco qꞌui eb ta. Ut li jun chꞌol chic queꞌcacuubresi̱c lix chꞌo̱leb ut incꞌaꞌ queꞌxba̱nu li quiraj li Dios.

Romanos 9:18

Joꞌcan nak li Dios naril xtokꞌoba̱l ru li ani naraj xtokꞌobanquil ru ut naxcacuubresi xchꞌo̱l li ani naraj xcacuubresinquil xchꞌo̱l saꞌ li ma̱usilal.

Hechos 22:4

Xicꞌ nequeꞌcuil li nequeꞌpa̱ban re li aqꞌuil naꞌleb aꞌin toj retal quinqꞌueheb chi camsi̱c. Quinchapeb ut quinqꞌueheb saꞌ tzꞌalam, joꞌ cui̱nk joꞌ ixk.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

2 Timoteo 1:15

La̱at nacanau nak chixjunileb laj pa̱banel li cuanqueb Asia xineꞌxcanab injunes. Saꞌ xya̱nkeb aꞌan cuanqueb laj Figelo ut laj Hermógenes.

Hechos 28:22

Takaj rabinquil cꞌaꞌru nacacꞌoxla chirix aꞌan xban nak kabiom nak yalak bar xicꞌ nequeꞌrabi li tijleb chirix li Jesús, chanqueb.

Hechos 24:21

Caꞌaj cuiꞌ aꞌin lin ma̱c chiruheb: Nak xakxo̱quin chiruheb, quinye chi cau xya̱b incux nak teꞌcuacli̱k cuiꞌchic chi yoꞌyo li camenak. Saꞌ xcꞌabaꞌ aꞌan nak oc e̱re chixrakbal a̱tin saꞌ inbe̱n, chanquin reheb, chan laj Pablo.

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

Hechos 19:30

Ut laj Pablo quiraj raj xic chi a̱tinac riqꞌuineb li tenamit, abanan eb laj pa̱banel incꞌaꞌ queꞌxcanab chi xic.

Hechos 17:4

Cuanqueb aj judío queꞌpa̱ban ut queꞌcana chirochbeninquil laj Pablo ut laj Silas. Joꞌcan ajcuiꞌ queꞌxba̱nu nabaleb laj griego li nequeꞌxlokꞌoni li Dios. Ut nabaleb li ixk li naꞌno̱queb ru queꞌpa̱ban.

Hechos 11:26

Ut queꞌcuan aran jun chihab tzꞌakal riqꞌuineb ut queꞌxcꞌut lix ya̱lal chiruheb nabal. Ut aran Antioquía queꞌxtiquib xyebal “cristiano” reheb laj pa̱banel.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Mateo 16:4

La̱ex jun te̱p chi tenamit incꞌaꞌ us le̱ naꞌleb. Nequetzꞌekta̱na li Dios ut nequeraj nak ta̱cꞌutbesi̱k che̱ru junak milagro. Abanan incꞌaꞌ ta̱cꞌutbesi̱k che̱ru, caꞌaj cuiꞌ li milagro li qui-ux re laj Jonás, chan li Jesús. Tojoꞌnak quixcanabeb ut co̱.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 7:26

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb chixba̱nunquil li ma̱usilal. Kꞌaxal nabal li ma̱usilal queꞌxba̱nu chiru li queꞌxba̱nu lix xeꞌto̱nil yucuaꞌeb.

Isaías 8:14

Xban nak santin, la̱in tincolok reheb li nequeꞌxqꞌue inlokꞌal. Chiruheb laj Judá ut eb laj Israel chanchanakin jun li pec li teꞌxtich cuiꞌ li rokeb. Chanchanakin jun li pec li natꞌanoc. Chiruheb li cuanqueb Jerusalén, chanchanakin jun li cꞌa̱m malaj ut jun li raꞌal re chapoc.

Proverbios 8:34

Us xak reheb li nequeꞌabin re li cha̱bil naꞌleb. Us xak reheb li nequeꞌoybenin riqꞌuin ut eb li nequeꞌsicꞌoc re rajlal.

Salmos 95:8

Cherabi li cꞌaꞌru yo̱ chixyebal e̱re li Ka̱cuaꞌ: —Me̱cacuubresi e̱chꞌo̱l joꞌ queꞌxba̱nu le̱ xeꞌto̱nil yucuaꞌ nak cuanqueb saꞌ li naꞌajej Meriba. Me̱ba̱nu joꞌ queꞌxba̱nu eb aꞌan saꞌ li cutan nak cuanqueb saꞌ li chaki chꞌochꞌ saꞌ li naꞌajej Masah.

Nehemías 9:29

La̱at caye reheb nak teꞌxba̱nu joꞌ naxye li chakꞌrab. Abanan eb aꞌan queꞌxkꞌetkꞌeti rib ut incꞌaꞌ queꞌraj xba̱nunquil. Incꞌaꞌ queꞌxba̱nu joꞌ caye reheb. Queꞌxtzꞌekta̱na ban li chakꞌrab. Ut li chakꞌrab li caqꞌue reheb, aꞌan raj quiqꞌuehoc xyuꞌameb. Queꞌxcacuubresi ban lix chꞌo̱leb ut incꞌaꞌ queꞌraj rabinquil li cꞌaꞌru caye reheb.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

2 Crónicas 30:8

Me̱cacuubresi le̱ chꞌo̱l chiru li Ka̱cuaꞌ joꞌ queꞌxba̱nu le̱ xeꞌto̱nil yucuaꞌ. Cubsihomak ban e̱rib chiru li Ka̱cuaꞌ. Quimkex saꞌ lix templo li quixsantobresi chi junelic. Chelokꞌoni li Ka̱cuaꞌ re nak ta̱e̱lk lix joskꞌil saꞌ e̱be̱n.

2 Reyes 17:14

Abanan eb aꞌan incꞌaꞌ queꞌabin. Queꞌxcacuubresi ban lix chꞌo̱leb joꞌ queꞌxba̱nu lix xeꞌto̱nil xyucuaꞌeb. Incꞌaꞌ queꞌxcꞌojob xchꞌo̱l riqꞌuin li Dios.

1 Corintios 16:9

Yo̱ chi e̱lc chi us lin cꞌanjel arin xban nak nabaleb nequeꞌraj rabinquil resil li colba-ib. Abanan cuan ajcuiꞌ li xicꞌ nequeꞌrabi resil li colba-ib.