Hechos 19:2 - Li Santil hu

² Quixye reheb: —¿Ma quecꞌul li Santil Musikꞌej nak quexpa̱ban? chan laj Pablo reheb. Ut eb aꞌan queꞌxye: —Incꞌaꞌ nakanau nak cuan ta li Santil Musikꞌej, chanqueb.

Q'eqchi Bible

² —Ma eek'ulum li Santil Musiq'ej naq xex'ok chi paab'ank? chan reheb'. Ut eb' a'an ke'xye: —Chi moko qab'ihom resil naq wank ta li Santil Musiq'ej.

Hechos 19:2 ပူးပေါင်းရင်းမြစ်များ

Gálatas 3:5

Li Dios naxqꞌue li Santil Musikꞌej ut naxba̱nu li milagros e̱riqꞌuin. Nacuaj tinpatzꞌ e̱re aꞌin: ¿ma naxba̱nu aꞌan xban nak nequepa̱b li chakꞌrab malaj ut xban nak xepa̱b li Cristo li quiyeheꞌ resil e̱re?

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

Hechos 19:5

Nak queꞌrabi aꞌan, queꞌxtzꞌa̱ma li cubi haꞌ ut quicubsi̱c xhaꞌeb saꞌ xcꞌabaꞌ li Ka̱cuaꞌ Jesús.

Hechos 10:44

Toj yo̱ ajcuiꞌ chi a̱tinac laj Pedro nak queꞌxcꞌul li Santil Musikꞌej chixjunileb li yo̱queb chi abi̱nc re li ra̱tin li Dios li yo̱ chixyebal.

Hechos 2:17

Saꞌ eb li cutan li telajeꞌcha̱lk, chan li Dios, la̱in tinqꞌue lin musikꞌ chi cua̱nc riqꞌuineb chixjunileb li tenamit. Eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

1 Samuel 3:7

Laj Samuel toj ma̱jiꞌ naxnau nak li Ka̱cuaꞌ Dios yo̱ chi bokoc re xban nak li Ka̱cuaꞌ toj ma̱ jun sut naa̱tinac riqꞌuin.

Romanos 1:11

Nacuaj rilbal e̱ru ut nacuaj e̱tenkꞌanquil re nak cauhakex saꞌ le̱ pa̱ba̱l.