Hechos 19:1 - Li Santil hu

¹ Nak laj Apolos cuan Corinto laj Pablo quinumeꞌ saꞌ eb li naꞌajej toj quicuulac Éfeso. Ut aran quixtauheb jun chꞌu̱taleb laj pa̱banel.

Q'eqchi Bible

¹ Naq laj Apolo toj wan chaq Korinto, laj Pablo kinume'k sa'eb' li na'ajej wankeb' chi tzuul, ut kiwulak Éfeso. Wankeb' aj paab'anel kixtaweb' aran, ut kixpatz' reheb':

Hechos 19:1 ပူးပေါင်းရင်းမြစ်များ

1 Corintios 16:12

Nabal sut xintzꞌa̱ma chiru li hermano Apolos nak ta̱xic e̱riqꞌuin rochbeneb li herma̱n. Abanan aꞌan quirecꞌa saꞌ xchꞌo̱l nak toj ma̱jiꞌ ta̱ru̱k chi xic. Nak tixqꞌue rib ta̱cuulak aran che̱rilbal.

1 Corintios 1:12

¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

Hechos 18:1

Nak ac xcꞌulman aꞌin, laj Pablo qui-el Atenas. Ut co̱ Corinto.

Hechos 18:8

Laj Crispo, li nacꞌamoc be saꞌ li cab li nequeꞌxchꞌutub cuiꞌ ribeb, quixpa̱b Li Ka̱cuaꞌ rochbeneb li cuanqueb saꞌ li rochoch. Nabaleb aj Corinto queꞌpa̱ban nak queꞌrabi resil li colba-ib. Ut queꞌcubsi̱c xhaꞌeb.

Hechos 19:17

Chixjunileb li cuanqueb Éfeso queꞌrabi resil li cꞌaꞌru quicꞌulman, joꞌ aj judío joꞌ eb ajcuiꞌ li ma̱cuaꞌeb aj judío. Quichal xxiuheb chixjunileb ut kꞌaxal cuiꞌchic queꞌxqꞌue xlokꞌal li Ka̱cuaꞌ Jesús.

Hechos 19:26

Ac e̱rabiom resil nak laj Pablo ac xtacchiꞌi nabaleb li cuanqueb aran Éfeso joꞌ ajcuiꞌ saꞌ chixjunil li tenamit xcue̱nt Asia. Ac nequenau nak yo̱ chixyebal reheb nak moco dioseb ta li yal yi̱banbil xban cui̱nk.

Hechos 20:16

Laj Pablo ac cuan saꞌ xchꞌo̱l nak incꞌaꞌ ta̱numekꞌ Éfeso re nak incꞌaꞌ ta̱ba̱yk Asia. Yo̱ chixse̱banquil rib xban nak ta̱raj cua̱nc saꞌ li ninkꞌe Pentecostés aran Jerusalén.

Hechos 20:18

Ut nak queꞌcuulac riqꞌuin aran Mileto, quixye reheb: —La̱ex nequenau nak chalen cuoquic Asia saꞌ xya̱lal cuanquin saꞌ e̱ya̱nk.

Hechos 21:29

Queꞌxye aꞌan xban nak queꞌril ru laj Trófimo aj Éfeso chirochbeninquil saꞌ li tenamit. Saꞌ xchꞌo̱leb aꞌan nak laj Pablo qui-ocsin re laj Trófimo saꞌ li templo.

1 Corintios 4:6

Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

1 Corintios 15:32

Ut cui incꞌaꞌ teꞌcuacli̱k chi yoꞌyo li camenak, ¿cꞌaꞌ raj ru tinra nak tincꞌul li raylal arin Éfeso? Chanchan nak yo̱quin chi pletic riqꞌuineb li joskꞌ aj xul nak cuanquin arin saꞌ xya̱nkeb li tenamit. Ma̱cꞌaꞌ raj rajbal aꞌan cui incꞌaꞌ takacꞌul kakꞌajca̱munquil chirix li kacamic. Kꞌaxal us raj cui takaba̱nu joꞌ li incꞌaꞌ nequeꞌxpa̱b nak teꞌcuacli̱k chi yoꞌyo li camenak li nequeꞌxye cuaꞌako, ucꞌako xban nak cuulaj caꞌbej nococam.

1 Corintios 16:8

Abanan toj tinnumsi li ninkꞌe Pentecostés arin Éfeso tojoꞌnak tinxic e̱riqꞌuin.

Efesios 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.