Hechos 18:6 - Li Santil hu

⁶ Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

Q'eqchi Bible

⁶ A'ut eb' a'an ink'a' ke'raj rab'inkil, ke'ok b'an chi xmajewankil; jo'kan naq laj Pablo kixchiq' ru li raq' ut kixye reheb': —A' yaal eere. Leekik'el chinaq sa' eeb'een. Laa'in maak'a' inmaak, ut chalen anaqwan tinxik junes rik'ineb' li junch'ol chik.

Hechos 18:6 ပူးပေါင်းရင်းမြစ်များ

Ezequiel 33:4

Cui ani ta̱rabi xya̱b li trompeta ut ma̱cꞌaꞌ tixba̱nu ut ta̱camsi̱k xbaneb li xicꞌ nequeꞌiloc re, aꞌan cuan re cui ta̱camsi̱k.

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.

Ezequiel 18:13

Naxpatzꞌ nabal li ral li tumin li naxqꞌue chi toꞌ. ¿Ma ta̱cana̱k ta biꞌ chi yoꞌyo li alalbej aꞌan? Incꞌaꞌ. Aꞌan ta̱camsi̱k xban li ma̱usilal li quixba̱nu ut xcꞌulub nak ta̱camsi̱k.

Nehemías 5:13

Ut quinchikꞌ ru li cuakꞌ chiruheb ut quinye reheb: —Joꞌcaꞌin taxak tixba̱nu li Ka̱cuaꞌ Dios nak ta̱risi saꞌ rochoch ut saꞌ lix cꞌanjel li ani incꞌaꞌ ta̱ba̱nu̱nk re li cꞌaꞌru xye. Chi-isi̱k ta chi ma̱cꞌaꞌ chic cuan re, chanquin reheb. Ut chixjunileb li tenamit queꞌxye: —Joꞌcan taxak ta̱uxma̱nk, chanqueb. Ut chixjunileb li tenamit queꞌxba̱nu joꞌ queꞌxye ut queꞌxlokꞌoni li Ka̱cuaꞌ.

Hechos 13:51

Laj Pablo ut laj Bernabé queꞌxchikꞌchikꞌi li poks chi rokeb nak queꞌel saꞌ li tenamit re xcꞌutbal nak incꞌaꞌ us queꞌxba̱nu reheb. Ut chirix aꞌan queꞌco̱eb Iconio.

1 Pedro 4:4

Aꞌut anakcuan eb li ma̱jiꞌ nequeꞌpa̱ban nequeꞌsach xchꞌo̱leb che̱rilbal. Nequeꞌxqꞌue retal nak ma̱cuaꞌex chic jun saꞌ xya̱nkeb chixba̱nunquil li ma̱usilal. Ut xban aꞌan nequexhobeꞌ.

San Lucas 9:5

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ, tex-e̱lk riqꞌuineb ut te̱chikꞌ li poks che̱rok joꞌ retalil li raylal teꞌxcꞌul xban nak incꞌaꞌ queꞌraj rabinquil li ra̱tin li Dios, chan li Jesús.

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

Romanos 3:29

¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío.

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

Hechos 26:11

Nabal sut quintakla xsacꞌbaleb saꞌ li cab li nequeꞌxchꞌutub cuiꞌ ribeb laj judío. Quinpuersiheb chixmajecuanquil xcꞌabaꞌ li Jesús. Xban nak cꞌajoꞌ injoskꞌil saꞌ xbe̱neb, quebinta̱ke yalak bar saꞌ eb li jalanil tenamit re xba̱nunquil raylal reheb.

San Mateo 22:10

Ut co̱eb lix mo̱s saꞌ eb li be ut queꞌxcꞌameb saꞌ li ninkꞌe li joꞌ qꞌuial queꞌxtau, jun chaliqueb li cha̱bil xnaꞌleb joꞌ ajcuiꞌ li incꞌaꞌ useb xnaꞌleb. Ut quinujac li cab xbaneb li ulaꞌ.

San Mateo 10:14

Ut yalak ani incꞌaꞌ ta̱cꞌuluk e̱re chi moco ta̱rabi le̱ ra̱tin, nak tex-e̱lk saꞌ li cab aꞌan, malaj ut saꞌ li tenamit, te̱chikꞌchikꞌi li poks cuan che̱rok chokꞌ retalil nak incꞌaꞌ chic texcꞌoxlak chirix li naꞌajej aꞌan.

San Lucas 22:65

Ut nabal chic cꞌaꞌak re ru queꞌxye re xhobbal li Jesús.

San Mateo 21:43

Joꞌcan nak ninye e̱re nak lix nimajcual cuanquilal li Dios ta̱makꞌekꞌ che̱ru ut ta̱qꞌuehekꞌ re jalanil tenamit ut eb aꞌan chic li teꞌpa̱ba̱nk ut teꞌcua̱nk saꞌ ti̱quilal.

San Mateo 8:11

Ut la̱in tinye e̱re nak nabaleb li ma̱cuaꞌeb aj judío yalak bar saꞌ ruchichꞌochꞌ teꞌpa̱ba̱nk. Ut eb aꞌan teꞌe̱chani̱nk re lix nimajcual cuanquilal li Dios rochbeneb laj Abraham, laj Isaac, ut laj Jacob.

Levítico 20:9

Li ani tixmajecua lix naꞌ, malaj ut lix yucuaꞌ, ta̱camsi̱k. Ut aꞌan cuan xma̱c nak ta̱camsi̱k.

1 Timoteo 5:22

Ma̱qꞌue junak chi cꞌamoc be saꞌ junpa̱t saꞌ xya̱nkeb laj pa̱banel. Xbe̱n cua ta̱cuil chanru lix yuꞌam xban nak cui la̱at ta̱xakab chi cꞌanjelac chi junpa̱t ut na-oc chi ma̱cobc, cuan ajcuiꞌ ma̱c saꞌ a̱be̱n la̱at. Chatcua̱nk ban chi ti̱c la̱ chꞌo̱l.

1 Reyes 2:33

Lix tojbal rix li ma̱c aꞌan ta̱tꞌanekꞌ saꞌ xbe̱n laj Joab ut saꞌ xbe̱neb li ralal xcꞌajol. Abanan li Ka̱cuaꞌ ta̱rosobtesiheb li ralal xcꞌajol laj David lin yucuaꞌ. Ut xakxo̱k saꞌ xnaꞌaj junelic lix cuanquilal li ralal xcꞌajol laj David li teꞌoc chokꞌ xreyeb laj Israel, chan laj Salomón.

Ezequiel 33:6

Cui laj ilol re li tenamit ta̱ril nak yo̱keb chi cha̱lc li xicꞌ nequeꞌiloc reheb ut incꞌaꞌ tixya̱basi lix trompeta, eb li tenamit teꞌcamsi̱k xbaneb, ut laj ilol re li tenamit, aꞌan cuan xma̱c xban nak ma̱cꞌaꞌ xba̱nu re xcolbaleb.

San Mateo 21:41

Queꞌxye re: —Incꞌaꞌ ta̱ril xtokꞌoba̱l ruheb laj ilol re li racui̱mk li incꞌaꞌ useb xnaꞌleb. Tixcamsiheb. Jalan chic tixsiqꞌueb re teꞌilok re li racui̱mk. Ut eb aꞌan, saꞌ xkꞌehil li sicꞌoc, teꞌxkꞌaxtesi chi tzꞌakal li joꞌ qꞌuial li ta̱tzꞌak aꞌan, chanqueb.