Hechos 18:3 - Li Santil hu

³ Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

Q'eqchi Bible

³ ut kikanaak rik'ineb', yo chi k'anjelak aran, xb'aan naq junajeb' ajwi' li xk'anjeleb'. Li xk'anjeleb' a'an yiib'ank muheb'aal rik'in tz'uum.

Hechos 18:3 ပူးပေါင်းရင်းမြစ်များ

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

1 Corintios 4:12

Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

2 Corintios 11:9

Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

2 Corintios 12:13

Joꞌ quinba̱nu chak saꞌ xya̱nkeb laj pa̱banel li quinnumeꞌ cuiꞌ chak, joꞌcan ajcuiꞌ quinba̱nu nak cuanquin e̱riqꞌuin. Li cꞌaꞌru incꞌaꞌ xinqꞌue saꞌ e̱be̱n, aꞌan lin tenkꞌanquil. ¿Ma ma̱c ta biꞌ li xinba̱nu? Checuy inma̱c cui incꞌaꞌ us xinba̱nu.

2 Corintios 11:7

La̱in xinchꞌolob che̱ru lix ya̱lal li ra̱tin li Dios ut ma̱cꞌaꞌ cꞌaꞌru xexinchꞌiꞌchꞌiꞌi cuiꞌ. Yal chi ma̱tan xinchꞌolob lix ya̱lal li colba-ib che̱ru ut xincubsi incuanquil re nak texcolekꞌ. ¿Ma ra ta biꞌ xinba̱nu e̱re?

1 Corintios 9:14

Joꞌ nak nequeꞌtenkꞌa̱c eb laj judío li nequeꞌcꞌanjelac saꞌ rochoch li Dios, joꞌcan ajcuiꞌ nak teꞌxcꞌul lix tenkꞌanquileb li yo̱queb chi cꞌanjelac chiru li Dios anakcuan xban nak joꞌcan quixye li Ka̱cuaꞌ.

1 Corintios 9:15

Abanan la̱in incꞌaꞌ xintzꞌa̱ma e̱re nak tine̱tenkꞌa, chi moco yo̱quin ta chixyebal aꞌin re nak tine̱tenkꞌa. Incꞌaꞌ nacuaj tintojekꞌ xban nak nasahoꞌ saꞌ inchꞌo̱l nak ninye resil li colba-ib chi ma̱cꞌaꞌ intojbal. Us raj nak tinca̱mk xban tzꞌoca̱c chiru nak tine̱toj ut tinsach li sahil chꞌo̱lejil li nincꞌul xban xyebal resil li colba-ib chi ma̱cꞌaꞌ intojbal.

1 Corintios 9:18

¿Cꞌaꞌru inkꞌajca̱munquil yo̱quin chixcꞌulbal? Caꞌaj cuiꞌ li sahil chꞌo̱lejil naxqꞌue cue li Dios xban nak ninjultica resil li colba-ib chi ma̱cꞌaꞌ intojbal. La̱in ta̱ru̱k raj tincꞌul intojbal e̱riqꞌuin abanan incꞌaꞌ nacuaj.

1 Ts 4:11

Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱nk joꞌ xexkatakla cuiꞌ.

2 Reyes 6:2

Qꞌue kalese̱ns chi xic cuan cuiꞌ li nimaꞌ Jordán re nak chikaju̱nkal takatꞌan ju̱nkak kacheꞌ ut takayi̱b jun li naꞌajej re tocua̱nk cuiꞌ, chanqueb. Ut laj Eliseo quixye: —Naru nequexxic, chan.