Hechos 18:2 - Li Santil hu

² Ut aran quixtau jun li cui̱nk aj judío. Aj Aquila xcꞌabaꞌ. Ponto xtenamit. Incꞌaꞌ najter xcꞌulunic Italia rochben lix Priscila li rixakil. Queꞌel aran Roma xban nak laj Claudio li Acuabej quixye nak chixjunileb laj judío teꞌe̱lk saꞌ li tenamit aꞌan. Laj Pablo co̱ chirulaꞌanquileb.

Q'eqchi Bible

² Aran kixtaw jun aj judiiy, aj Akila xk'ab'a', yo'lajenaq sa' xteepal Ponto, toja' chalenaq chaq Italia rochb'een lix Priscila li rixaqil, xb'aan li chaq'rab' k'eeb'il xb'aan laj Klawdio naq chixjunileb' laj Judiiy te'elq Roma. Laj Pablo ki'ok sa' rochocheb'

Hechos 18:2 ပူးပေါင်းရင်းမြစ်များ

2 Timoteo 4:19

Chaqꞌueheb xsahil xchꞌo̱leb lix Prisca ut laj Aquila joꞌqueb ajcuiꞌ chixjunileb li cuanqueb saꞌ rochoch laj Onesíforo.

1 Corintios 16:19

Chixjunileb laj pa̱banel li cuanqueb Asia nequeꞌxtakla xsahil e̱chꞌo̱l saꞌ xcꞌabaꞌ li Ka̱cuaꞌ. Nequeꞌxtakla ajcuiꞌ nabal xsahil e̱chꞌo̱l eb li herma̱n laj Aquila ut lix Priscila. Ut nequeꞌxtakla ajcuiꞌ nabal xsahil e̱chꞌo̱l chixjunileb laj pa̱banel li nequeꞌxchꞌutub rib saꞌ rochoch laj Aquila.

Hechos 18:26

Qui-oc chi a̱tinac chi cau xchꞌo̱l saꞌ li cab li nequeꞌxchꞌutub cuiꞌ ribeb laj judío. Nak queꞌrabi lix Priscila ut laj Aquila li yo̱ chixyebal, queꞌrisi xjunes laj Apolos ut queꞌxchꞌolob lix ya̱lal chi tzꞌakal chiru.

Hechos 11:28

Cuan jun saꞌ xya̱nkeb aꞌan aj Agabo xcꞌabaꞌ. Quixye nak ta̱cua̱nk jun nimla cueꞌej saꞌ chixjunil li ruchichꞌochꞌ xban nak joꞌcan quicꞌuteꞌ chiru xban li Santil Musikꞌej. Ut li cueꞌej aꞌin quicꞌulman saꞌ eb li cutan nak cua̱nk laj Claudio chokꞌ acuabej.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Hechos 2:9

Anakcuan eb aꞌan yo̱queb chi a̱tinac saꞌ ra̱tinoba̱leb laj Partos, laj Medo, laj elamitas ut chikajunilo la̱o li cuanco Mesopotamia, ut Judea, Capadocia, Ponto ut Asia,

1 Pedro 1:1

La̱in laj Pedro. La̱in x-apóstol li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li xejeqꞌui e̱rib saꞌ li junju̱nk chi naꞌajej. Yal numecꞌ yo̱quex xban nak ma̱cuaꞌ e̱tenamit li cuanquex cuiꞌ, la̱ex li cuanquex saꞌ xcue̱nt Ponto, ut saꞌ xcue̱nt Galacia ut Capadocia, joꞌ ajcuiꞌ li cuanquex saꞌ xcue̱nt Asia ut Bitinia.

Hechos 27:1

Nak quichꞌola li kaxiquic chiru haꞌ toj Italia, laj Pablo rochbeneb li jun chꞌol chic li cuanqueb chi pre̱xil, queꞌkꞌaxtesi̱c saꞌ rukꞌ jun li capitán aj Julio xcꞌabaꞌ. Aꞌan xcomoneb li jun chꞌu̱tal chi soldado re li acuabej César.

Hechos 27:6

Aran quixtau jun li jucub li capitán re Alejandría. Ac xic re Italia ut corocsi saꞌ li jucub aꞌan re toxic.

Hebreos 13:24

Cheqꞌuehak xsahil xchꞌo̱leb laj cꞌamol be che̱ru saꞌ le̱ pa̱ba̱l ut chixjunileb li kech aj pa̱banelil. Eb laj pa̱banel li cuanqueb arin Italia nequeꞌxtakla xsahil e̱chꞌo̱l.