Hechos 17:5 - Li Santil hu

⁵ Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

Q'eqchi Bible

⁵ Ab'an eb' laj Judiiy xb'aan xkaqaleb' xch'ool ke'xch'utub' winq ink'a' useb' xch'ool ut aj b'eheb', ke'xpoqoqi li tenamit ut ke'xpo' xch'ooleb'. Ke'wulak sa' rochoch laj Jasón chi xsik'b'al laj Pablo ut laj Silas, re raj xk'amb'aleb' chiruheb' li poyanam.

Hechos 17:5 ပူးပေါင်းရင်းမြစ်များ

Gálatas 5:26

Mikaba̱nu kib nak kꞌaxal nim kacuanquil ut incꞌaꞌ chic chikajoskꞌi kib ut incꞌaꞌ chic chikacakali kib.

Hechos 17:13

Queꞌrabi resil laj judío li cuanqueb Tesalónica nak laj Pablo yo̱ chixjulticanquil li ra̱tin li Dios aran Berea. Ut queꞌco̱eb aran chixpoꞌbal xchꞌo̱leb li tenamit.

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

Romanos 16:21

Naxtakla xsahil e̱chꞌo̱l laj Timoteo, li cuech aj cꞌanjelil. Ut nequeꞌxtakla xsahil e̱chꞌo̱l laj Lucio, laj Jasón ut laj Sosípater. Eb aꞌan cuech tenamitil.

Hechos 17:7

Ut laj Jasón xcꞌuleb saꞌ rochoch. Yo̱queb chixkꞌetbal lix chakꞌrab laj César li Acuabej. Yo̱queb chixyebal nak cuan jun chic li rey, aꞌan li Jesús, chanqueb.

Hechos 14:2

Ut eb laj judío li incꞌaꞌ queꞌpa̱ban, queꞌxtacchiꞌiheb li ma̱cuaꞌeb aj judío re nak teꞌxpoꞌ xchꞌo̱leb saꞌ xbe̱neb laj pa̱banel.

1 Corintios 3:3

Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

Hechos 19:40

Anakcuan xiu xiu cuanco. Cui nocoeꞌxjit riqꞌuin li mululij ib yo̱co, ut cui eb laj Roma li nequeꞌtaklan saꞌ kabe̱n teꞌxpatzꞌ ke cꞌaꞌut nak yo̱co chixmululinquil kib, ma̱cꞌaꞌ naru takacol cuiꞌ kib, chan.

Hechos 18:12

Nak laj Galión cua̱nk chi takla̱nc aran Acaya, eb laj judío queꞌxcꞌu̱b ru chi ribileb rib nak teꞌxchap laj Pablo. Queꞌxchap ut queꞌxcꞌam saꞌ po̱pol re nak ta̱rakekꞌ a̱tin saꞌ xbe̱n.

Hechos 14:19

Queꞌcuulac eb laj judío li queꞌchal Antioquía ut Iconio. Queꞌxtacchiꞌiheb nabaleb li tenamit. Queꞌxcuti chi pec laj Pablo ut queꞌrisi chire li tenamit. Saꞌ xchꞌo̱leb aꞌan nak camenak chic laj Pablo queꞌxcanab.

Hechos 13:45

Ut nak queꞌril li qꞌuila tenamit eb li nequeꞌcꞌamoc be saꞌ xya̱nkeb laj judío, cꞌajoꞌ nak queꞌcakoꞌ xchꞌo̱leb. Queꞌoc chixcuechꞌinquil laj Pablo. Queꞌxhob ut queꞌxmajecua.

San Mateo 27:18

Laj Pilato naxnau nak xban xcakaleb xchꞌo̱l li xbe̱nil aj tij nak queꞌxkꞌaxtesi li Jesús saꞌ rakleb a̱tin.

Jueces 9:4

Queꞌrisi laje̱b xca̱cꞌa̱l chi tumin plata saꞌ li rochoch li yi̱banbil dios Baal-berit ut queꞌxsi re laj Abimelec. Laj Abimelec quixsiqꞌueb li cui̱nk li incꞌaꞌ useb xnaꞌleb, li junes subuc cutan nequeꞌxba̱nu, ut riqꞌuin li tumin aꞌan quixtojeb chixtenkꞌanquil.

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

Proverbios 14:30

Li ani ma̱cꞌaꞌ naxcꞌoxla sa cuan lix yuꞌam ut cuan xcacuilal. Abanan li ani nacakalin incꞌaꞌ nacuan chi sa saꞌ xchꞌo̱l. Ut naxqꞌue ajcuiꞌ xyajel lix tibel.

Salmos 69:12

Niquineꞌxhob li nequeꞌcꞌojla chire li oqueba̱l ut eb li calajenak niquineꞌxhob nak nequeꞌbichan.

Salmos 35:15

Abanan nak cuanquin saꞌ raylal, eb aꞌan queꞌsahoꞌ saꞌ xchꞌo̱leb. Incꞌaꞌ quincꞌoxla nak tineꞌxtzꞌekta̱na. Queꞌxchꞌutub rib chinseꞌenquil ut incꞌaꞌ queꞌxcanab inhobbal.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Hechos 17:6

Queꞌril nak incꞌaꞌ queꞌxtau laj Pablo ut laj Silas. Queꞌxchap laj Jasón rochben cuib oxibeb laj pa̱banel ut queꞌxcꞌam chiruheb li nequeꞌtaklan saꞌ li tenamit. Japjo̱queb re chixyebal: —Eb li cui̱nk aꞌin, yo̱queb chixpoꞌbal xchꞌo̱leb li tenamit saꞌ chixjunil li ruchichꞌochꞌ ut anakcuan xeꞌchal arin chixpoꞌbal xchꞌo̱leb li katenamit.

Hechos 17:9

Eb li nequeꞌtaklan saꞌ li tenamit queꞌxye reheb laj Jasón ut li rochben nak tento teꞌxtoj riqꞌuin tumin li reliqueb. Ut nak ac xeꞌxcꞌul li tumin, queꞌachꞌaba̱c laj Jasón ut eb li rochben.

2 Corintios 11:26

Yalak bar ninxic xyebal resil li Cristo, xiu xiu cuanquin. Xiu xiu cuanquin nak ninnumeꞌ saꞌ eb li nimaꞌ. Xiu xiu cuanquin xbaneb laj e̱lkꞌ ut xbaneb li cuech tenamitil ut xbaneb li ma̱cuaꞌeb aj judío. Xiu xiu cuanquin saꞌ eb li tenamit joꞌ ajcuiꞌ saꞌ li qꞌuicheꞌ. Xiu xiu cuanquin nak ninnumeꞌ saꞌ li palau. Xiu xiu cuanquin xbaneb li nequeꞌxqꞌue rib joꞌ aj pa̱banel.

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.