Hechos 17:4 - Li Santil hu

⁴ Cuanqueb aj judío queꞌpa̱ban ut queꞌcana chirochbeninquil laj Pablo ut laj Silas. Joꞌcan ajcuiꞌ queꞌxba̱nu nabaleb laj griego li nequeꞌxlokꞌoni li Dios. Ut nabaleb li ixk li naꞌno̱queb ru queꞌpa̱ban.

Q'eqchi Bible

⁴ Wankeb' aj Judiiy ke'xpaab' ut ke'okenk chirix laj Pablo ut laj Silas, rochb'eeneb' naab'aleb' aj Griego li neke'xiwank re li Yos jo'wi' naab'aleb' xninqaleb' ru ixq.

Hechos 17:4 ပူးပေါင်းရင်းမြစ်များ

Hechos 17:12

Nabaleb laj judío queꞌpa̱ban saꞌ xya̱nkeb aꞌan. Cuanqueb ajcuiꞌ ixk aj griego xni̱nkaleb ru queꞌpa̱ban. Ut queꞌpa̱ban ajcuiꞌ nabaleb li cui̱nk aj griego.

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

Hechos 13:43

Nak queꞌxchakꞌrabiheb li tenamit, nabaleb laj judío joꞌqueb ajcuiꞌ li queꞌoc saꞌ xya̱nkeb aꞌan queꞌxta̱ke laj Pablo ut laj Bernabé. Laj Pablo ut laj Bernabé yo̱queb chixqꞌuebal xnaꞌlebeb re nak teꞌcua̱nk saꞌ xya̱lal joꞌ naraj li Dios.

2 Corintios 8:5

Incꞌaꞌ xkacꞌoxla nak nabal ta teꞌxqꞌue. Queꞌxkꞌaxtesi rib chiru li Dios ut queꞌxyechiꞌi ajcuiꞌ rib chikatenkꞌanquil joꞌ naraj li Dios.

Hechos 28:24

Cuan queꞌpa̱ban re li cꞌaꞌru yo̱ chixyebal. Abanan cuan ajcuiꞌ li incꞌaꞌ queꞌxpa̱b.

Hechos 15:22

Eb li apóstol, ut eb laj cꞌamol be rochbeneb chixjunileb laj pa̱banel queꞌxsicꞌ ruheb li teꞌxtakla Antioquía chirixeb laj Pablo ut laj Bernabé. Ut queꞌxsiqꞌueb ru laj Silas ut laj Judas, aj Barsabás nequeꞌxye ajcuiꞌ re. Eb li cui̱nk aꞌin qꞌuebileb xcuanquil xbaneb li rech aj pa̱banelil.

Hechos 13:50

Eb laj judío queꞌxtacchiꞌi chak eb li ixk li nequeꞌxqꞌue xcuanquil lix pa̱ba̱leb, li nequeꞌqꞌueheꞌ xlokꞌal joꞌqueb ajcuiꞌ li cui̱nk li cuanqueb xcuanquil saꞌ li tenamit. Queꞌxyoꞌob jun ra xi̱cꞌ saꞌ xbe̱neb laj Pablo ut laj Bernabé. Ut queꞌrisiheb saꞌ lix tenamiteb.

Hechos 21:28

Japjo̱queb re chixyebal: —Ex aj Israel, choe̱tenkꞌa. Aꞌan aꞌin li cui̱nk li napoꞌoc xnaꞌlebeb li tenamit yalak bar chixtzꞌekta̱nanquil li katenamit, joꞌ ajcuiꞌ li chakꞌrab li quixqꞌue ke laj Moisés. Ut naxtzꞌekta̱na li templo aꞌin. Joꞌ cuiꞌ anchal xrocsiheb li ma̱cuaꞌeb aj judío saꞌ li templo ut riqꞌuin aꞌan, xmux ru li Santil Naꞌajej, chanqueb.

Hechos 19:10

Cuib chihab quixba̱nu chi joꞌcaꞌin. Ut chixjunileb li cuanqueb Asia, eb laj judío, joꞌeb ajcuiꞌ li ma̱cuaꞌeb aj judío, queꞌrabi li ra̱tin li Ka̱cuaꞌ Jesús.

Hechos 18:4

Saꞌ li hiloba̱l cutan rajlal naxic laj Pablo saꞌ li cab li nequeꞌxchꞌutub cuiꞌ ribeb laj judío. Aran quia̱tinac riqꞌuineb ut quixchꞌolob xya̱lal chiruheb laj judío joꞌqueb ajcuiꞌ li ma̱cuaꞌeb aj judío.

Hechos 17:34

Cuanqueb ajcuiꞌ li queꞌxcꞌul xchꞌo̱l li quixye laj Pablo ut queꞌxpa̱b li Jesús. Saꞌ xya̱nkeb li queꞌpa̱ban cuan laj Dionisio. Aꞌan jun reheb li queꞌtaklan saꞌ li tenamit. Ut quipa̱ban ajcuiꞌ jun li ixk xDámaris xcꞌabaꞌ. Ut cuanqueb ajcuiꞌ cuib oxib chic queꞌpa̱ban.

Hechos 17:17

Joꞌcan nak qui-oc chixchꞌolobanquil lix ya̱lal chi tzꞌakal chiruheb li tenamit saꞌ li cab li nequeꞌxchꞌutub cuiꞌ ribeb laj judío joꞌqueb ajcuiꞌ li ma̱cuaꞌeb aj judío li queꞌxlokꞌoni li Dios. Ut rajlal cutan quixchꞌolob lix ya̱lal chiruheb li cuanqueb saꞌ cꞌayil.

Hechos 16:3

Laj Pablo quiraj xcꞌambal laj Timoteo chirix. Joꞌcan nak quixba̱nu li circuncisión re. Incꞌaꞌ quiraj nak teꞌchꞌina̱nk xchꞌo̱leb laj judío li cuanqueb saꞌ eb li naꞌajej aran xban nak chixjunileb queꞌxnau nak lix yucuaꞌ laj Timoteo ma̱cuaꞌ aj judío.

Hechos 15:40

Laj Pablo quixsicꞌ ru laj Silas re tixcꞌam chirix. Eb laj pa̱banel li cuanqueb aran Antioquía queꞌxkꞌaxtesiheb laj Pablo ut laj Silas saꞌ rukꞌ li Ka̱cuaꞌ nak queꞌel aran.

Hechos 15:32

Laj Judas ut laj Silas qꞌuebileb xma̱tan chixchꞌolobanquil xya̱lal li ra̱tin li Dios. Queꞌxchꞌolob xya̱lal chiruheb li chꞌutchꞌu̱queb aran ut queꞌxqꞌue xcacuilal xchꞌo̱leb ut queꞌxcꞌojob xchꞌo̱leb riqꞌuin li a̱tin li queꞌxye reheb.

Hechos 15:27

Ut xkasicꞌ ruheb laj Judas ut laj Silas ut xkataklaheb e̱riqꞌuin re nak teꞌxchꞌolob che̱ru li cꞌaꞌru xkatzꞌi̱ba saꞌ li hu aꞌin.

Hechos 14:1

Nak queꞌcuulac Iconio, laj Pablo ut laj Bernabé queꞌoc saꞌ li cab li nequeꞌxchꞌutub cuiꞌ ribeb laj judío. Queꞌxchꞌolob lix ya̱lal chiruheb ut nabaleb aj judío queꞌpa̱ban joꞌqueb ajcuiꞌ li ma̱cuaꞌeb aj judío.

Hechos 4:23

Ut nak ac xeꞌachꞌaba̱c laj Pedro ut laj Juan, queꞌco̱eb riqꞌuineb li rech aj pa̱banelil. Queꞌxserakꞌi reheb chixjunil li queꞌxye eb li xbe̱nil aj tij ut eb li nequeꞌtaklan.

Hechos 2:44

Ut eb li queꞌpa̱ban junaj xchꞌo̱leb ut chixjunil li cꞌaꞌru cuan reheb, reheb saꞌ comonil.

San Juan 7:35

Ut eb laj judío queꞌoc chi a̱tinac chi ribileb rib ut queꞌxye: —¿Bar anchal ta̱xic li cui̱nk aꞌin nak incꞌaꞌ ta̱ru̱k takatau? Ma̱re ta̱xic riqꞌuineb laj judío li cuanqueb saꞌ xtenamiteb laj griego. Malaj ta̱oc chixtzolbaleb laj griego.

Cantares 6:1

At ixk, li kꞌaxal chꞌinaꞌusat saꞌ xya̱nkeb chixjunileb li ixk, ¿bar xco̱ li cui̱nk li nacara? ¿Bar xcꞌam nak xco̱ re nak naru toxic cha̱cuix chixsicꞌbal?

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Hechos 17:10

Saꞌ ajcuiꞌ li kꞌojyi̱n aꞌan eb laj pa̱banel li cuanqueb aran queꞌrisi laj Pablo ut laj Silas saꞌ li tenamit aꞌan ut queꞌxtaklaheb toj Berea. Nak queꞌcuulac aran, queꞌco̱eb saꞌ li cab li nequeꞌxchꞌutub cuiꞌ ribeb laj judío.

Hechos 17:14

Aꞌut eb laj pa̱banel saꞌ junpa̱t queꞌxtakla laj Pablo chire li palau re nak ta̱xic saꞌ jalan naꞌajej. Aban laj Silas ut laj Timoteo toj queꞌcana Berea.