Hechos 17:3 - Li Santil hu

³ Yo̱ chixchꞌolobanquil chiruheb nak li Cristo quixcꞌul nabal li raylal joꞌ tenebanbil saꞌ xbe̱n ut quicuacli cuiꞌchic chi yoꞌyo saꞌ xya̱nkeb li camenak. Quixye reheb: —Li Jesús li yo̱quin chixyebal e̱re, aꞌan li Cristo laj Colonel, chan.

Q'eqchi Bible

³ naxch'olob' ut naxye xyaalal naq teneb'anb'il chaq sa' xb'een li Kriist xk'ulb'al li rahilal ut wakliik wi' chik sa' xyanqeb' li kamenaq: “Li Kriist a'in, a'an li Jesus li ninye resil eere”, chan.

Hechos 17:3 ပူးပေါင်းရင်းမြစ်များ

Hechos 18:28

Ut quira̱tinaheb laj judío chi cau xchꞌo̱l chiruheb chixjunileb li tenamit. Ut quixchꞌolob xya̱lal chiruheb chi tzꞌakal nak li Jesús, aꞌan li Cristo, joꞌ tzꞌi̱banbil saꞌ li Santil Hu.

Hechos 9:22

Ut laj Saulo kꞌaxal cuiꞌchic quixqꞌue xchꞌo̱l chixchꞌolobanquil xya̱lal ut queꞌsach xchꞌo̱leb laj judío li cuanqueb Damasco xban nak yo̱ chixcꞌutbal chi tzꞌakal chiruheb nak li Jesús aꞌan li Cristo laj Colonel li yechiꞌinbil xban li Dios.

San Lucas 24:32

Ut eb aꞌan queꞌxye chi ribileb rib: —Joꞌcan peꞌ nak yo̱co chak recꞌanquil jun sahil chꞌo̱lej saꞌ ka̱m nak yo̱ chak chika̱tinanquil saꞌ be ut nak yo̱ chixchꞌolobanquil chiku li naxye saꞌ li Santil Hu, chanqueb.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

San Lucas 24:46

Quixye reheb: —Joꞌcaꞌin tzꞌi̱banbil chak retalil saꞌ li Santil Hu chicuix la̱in: tento nak li Cristo tixcꞌul li raylal ut saꞌ rox li cutan ta̱cuacli̱k cuiꞌchic chi yoꞌyo saꞌ xya̱nkeb li camenak.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

Hechos 1:4

Nak toj cuan saꞌ xya̱nkeb li Jesús quixye reheb chi joꞌcaꞌin: —Incꞌaꞌ texxic saꞌ jalan naꞌajej. Texcana̱k ban Jerusalén roybeninquil li Santil Musikꞌej li yechiꞌinbil e̱re xban li Dios Acuabej, li ac xinye e̱re la̱in.

San Juan 20:9

Toj ma̱jiꞌ queꞌxtau ru chi tzꞌakal li tzꞌi̱banbil saꞌ li Santil Hu li naxye nak tento ta̱cuacli̱k cuiꞌchic chi yoꞌyo saꞌ xya̱nkeb li camenak.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.