Hechos 17:2 - Li Santil hu

² Laj Pablo qui-oc saꞌ li cab li nequeꞌxchꞌutub cuiꞌ ribeb laj judío joꞌ cꞌaynak chixba̱nunquil. Oxib li hiloba̱l cutan quixnumsi aran ut yo̱ chixchꞌolobanquil chiruheb lix ya̱lal li naxye saꞌ li Santil Hu.

Q'eqchi Bible

² Laj Pablo ki'ok rik'ineb' jo' k'aynaq xb'aanunkil, ut chiru oxib' sábado kikanaak chi xtz'ilinkil rix li paab'aal rik'ineb': naxchap li k'aru naxye li Santil Hu,

Hechos 17:2 ပူးပေါင်းရင်းမြစ်များ

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

Hechos 18:4

Saꞌ li hiloba̱l cutan rajlal naxic laj Pablo saꞌ li cab li nequeꞌxchꞌutub cuiꞌ ribeb laj judío. Aran quia̱tinac riqꞌuineb ut quixchꞌolob xya̱lal chiruheb laj judío joꞌqueb ajcuiꞌ li ma̱cuaꞌeb aj judío.

Hechos 17:17

Joꞌcan nak qui-oc chixchꞌolobanquil lix ya̱lal chi tzꞌakal chiruheb li tenamit saꞌ li cab li nequeꞌxchꞌutub cuiꞌ ribeb laj judío joꞌqueb ajcuiꞌ li ma̱cuaꞌeb aj judío li queꞌxlokꞌoni li Dios. Ut rajlal cutan quixchꞌolob lix ya̱lal chiruheb li cuanqueb saꞌ cꞌayil.

Hechos 17:10

Saꞌ ajcuiꞌ li kꞌojyi̱n aꞌan eb laj pa̱banel li cuanqueb aran queꞌrisi laj Pablo ut laj Silas saꞌ li tenamit aꞌan ut queꞌxtaklaheb toj Berea. Nak queꞌcuulac aran, queꞌco̱eb saꞌ li cab li nequeꞌxchꞌutub cuiꞌ ribeb laj judío.

Hechos 14:1

Nak queꞌcuulac Iconio, laj Pablo ut laj Bernabé queꞌoc saꞌ li cab li nequeꞌxchꞌutub cuiꞌ ribeb laj judío. Queꞌxchꞌolob lix ya̱lal chiruheb ut nabaleb aj judío queꞌpa̱ban joꞌqueb ajcuiꞌ li ma̱cuaꞌeb aj judío.

Hechos 13:5

Ut nak queꞌcuulac Salamina, queꞌxchꞌolob xya̱lal li ra̱tin li Dios saꞌ eb li cab li nequeꞌxchꞌutub cuiꞌ ribeb laj judío. Ut laj Juan Marcos yo̱ ajcuiꞌ chixtenkꞌanquileb.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Hechos 8:35

Laj Felipe qui-oc chixchꞌolobanquil lix ya̱lal chiru. Quixtiquib riqꞌuin li quixtzꞌi̱ba li profeta Isaías ut toj quixchꞌolob xya̱lal chirix li Jesucristo.

San Juan 18:20

Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

San Lucas 4:16

Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Hechos 19:8

Chiru oxib po laj Pablo quixchꞌolob lix ya̱lal chiruheb laj Éfeso chi ma̱cꞌaꞌ xxiu saꞌ li cab li nequeꞌxchꞌutub cuiꞌ ribeb laj judío. Quixyal xkꞌe xcꞌutbal chi tzꞌakal lix ya̱lal lix nimajcual cuanquilal li Dios.

Hechos 13:14

Eb aꞌan queꞌnumeꞌ Perge ut queꞌcuulac Antioquía xcue̱nt Pisidia. Saꞌ li hiloba̱l cutan queꞌoc saꞌ li cab li nequeꞌxchꞌutub cuiꞌ ribeb laj judío ut queꞌcꞌojla aran.

1 Samuel 12:7

Qꞌuehomak retal. La̱in tinjultica e̱re chiru li Ka̱cuaꞌ chixjunil li usilal li quixba̱nu chak e̱re la̱ex ut reheb ajcuiꞌ le̱ xeꞌto̱nil yucuaꞌ nak quixcoleb.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

1 Corintios 15:3

Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.