Hechos 17:13 - Li Santil hu

¹³ Queꞌrabi resil laj judío li cuanqueb Tesalónica nak laj Pablo yo̱ chixjulticanquil li ra̱tin li Dios aran Berea. Ut queꞌco̱eb aran chixpoꞌbal xchꞌo̱leb li tenamit.

Q'eqchi Bible

¹³ Naq eb' laj Judiiy li wankeb' Tesalónika ke'xnaw naq laj Pablo kixpuktesi ajwi' Raatin li Yos aran Berea, koheb' ajwi' aran ut ke'xpo' xch'ooleb' li tenamit re naq te'xpoqoqi rib'eb'.

Hechos 17:13 ပူးပေါင်းရင်းမြစ်များ

Hechos 21:27

Nak ac numecꞌ re li cuukub cutan, cuanqueb laj judío queꞌchal chak Asia. Nak queꞌril laj Pablo saꞌ li templo, queꞌjoskꞌoꞌ ut queꞌxtiquib jun li chꞌaꞌajquilal saꞌ li tenamit ut queꞌxchap laj Pablo.

Hechos 17:5

Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

Hechos 14:2

Ut eb laj judío li incꞌaꞌ queꞌpa̱ban, queꞌxtacchiꞌiheb li ma̱cuaꞌeb aj judío re nak teꞌxpoꞌ xchꞌo̱leb saꞌ xbe̱neb laj pa̱banel.

Hechos 6:12

Ut queꞌxtacchiꞌi ajcuiꞌ li tenamit, joꞌqueb ajcuiꞌ laj cꞌamol be ut eb laj tzꞌi̱b. Queꞌxchap laj Esteban ut queꞌxcꞌam chiruheb li nequeꞌtaklan saꞌ xbe̱neb laj judío.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Proverbios 28:25

Li ani naxrahi ru li cꞌaꞌak re ru yal re aꞌan xjunes, aꞌan nayoꞌoban ple̱t. Abanan li ani naxcꞌojob xchꞌo̱l riqꞌuin li Dios us ta̱e̱lk riqꞌuin li cꞌaꞌru naxba̱nu.

San Lucas 12:51

Ma̱re la̱ex nequecꞌoxla nak junes tuktu̱quil usilal xincꞌam chak saꞌ ruchichꞌochꞌ. Incꞌaꞌ. Ta̱cua̱nk ajcuiꞌ nabal li chꞌaꞌajquilal.

Proverbios 15:18

Li ani chꞌinpoꞌ naxnimobresi ru li chꞌaꞌajquilal. Abanan li ani incꞌaꞌ najoskꞌoꞌ saꞌ junpa̱t, aꞌan naxyi̱b ru li chꞌaꞌajquilal saꞌ usilal.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

Hechos 17:1

Nak yo̱queb chi xic laj Pablo ut laj Silas queꞌnumeꞌ Anfípolis ut Apolonia. Ut chirix aꞌan, queꞌcuulac Tesalónica bar cuan cuiꞌ jun li cab li nequeꞌxchꞌutub cuiꞌ ribeb laj judío.

Hechos 17:10

Saꞌ ajcuiꞌ li kꞌojyi̱n aꞌan eb laj pa̱banel li cuanqueb aran queꞌrisi laj Pablo ut laj Silas saꞌ li tenamit aꞌan ut queꞌxtaklaheb toj Berea. Nak queꞌcuulac aran, queꞌco̱eb saꞌ li cab li nequeꞌxchꞌutub cuiꞌ ribeb laj judío.

Hechos 20:4

Qui-ochbeni̱c toj Asia xbaneb laj Sópater li ralal laj Pirro, Berea xtenamit; laj Aristarco ut laj Segundo, Tesalónica xtenamiteb; ut laj Gayo, Derbe xtenamit; rochbeneb laj Timoteo, laj Tíquico ut laj Trófimo, Asia xtenamiteb.

2 Corintios 11:26

Yalak bar ninxic xyebal resil li Cristo, xiu xiu cuanquin. Xiu xiu cuanquin nak ninnumeꞌ saꞌ eb li nimaꞌ. Xiu xiu cuanquin xbaneb laj e̱lkꞌ ut xbaneb li cuech tenamitil ut xbaneb li ma̱cuaꞌeb aj judío. Xiu xiu cuanquin saꞌ eb li tenamit joꞌ ajcuiꞌ saꞌ li qꞌuicheꞌ. Xiu xiu cuanquin nak ninnumeꞌ saꞌ li palau. Xiu xiu cuanquin xbaneb li nequeꞌxqꞌue rib joꞌ aj pa̱banel.