Hechos 17:11 - Li Santil hu

¹¹ Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

Q'eqchi Bible

¹¹ Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Hechos 17:11 ပူးပေါင်းရင်းမြစ်များ

Isaías 34:16

Sicꞌomak saꞌ li hu li tzꞌi̱banbil cuiꞌ li cꞌaꞌru quixye li Dios ut te̱ril xsaꞌ re nak te̱qꞌue retal ma cuan junak quipaltoꞌ. Eb li xul aꞌin queꞌcuan saꞌ li naꞌajej aꞌan joꞌ quixye li Dios. Junju̱nk tux ut junju̱nk tzoꞌ xban nak lix musikꞌ, aꞌan li quichꞌutuban reheb.

San Juan 5:39

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

San Mateo 13:23

Ut li iyaj li quinak saꞌ li cha̱bil chꞌochꞌ, aꞌaneb li nequeꞌrabi ut nequeꞌxpa̱b ut nequeꞌxtau ru chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60), ut li naxqꞌue oꞌtakcꞌa̱l ru (100) li junju̱nk.—

Proverbios 9:9

Cui ta̱qꞌue xnaꞌleb junak li naxnau cꞌoxlac, aꞌan kꞌaxal cuiꞌchic tixtau xnaꞌleb. Chꞌolob xya̱lal chiru li ani cha̱bil ut aꞌan tixtzol rib chi us.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.

San Juan 3:21

Abanan li ani cuanqueb saꞌ ti̱quilal, nequeꞌcuulac chiru cua̱nc saꞌ xya̱lal re nak ta̱cꞌutu̱nk nak nequeꞌxba̱nu li cꞌaꞌru naraj li Dios, chan li Jesús.

2 Ts 2:10

Tixbalakꞌiheb li teꞌsachekꞌ xban nak queꞌxtzꞌekta̱na lix ya̱lal li quicoloc raj reheb.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Proverbios 8:10

Me̱sicꞌ li cha̱bil plata chi moco li oro. Chesicꞌ ban li cha̱bil naꞌleb ut le̱ tijbal.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

Salmos 119:148

Nak na-aj cuu chiru kꞌojyi̱n, nincꞌoxlac chirix li cꞌaꞌru naxye saꞌ la̱ chakꞌrab.

Salmos 119:100

La̱in chic cuan innaꞌleb chi us chiruheb li ti̱xeb xban nak la̱in ninba̱nu li cꞌaꞌru naxye saꞌ la̱ chakꞌrab.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

Hechos 10:33

Joꞌcan nak xintakla a̱cꞌambal saꞌ junpa̱t. Ut la̱at xaba̱nu usilal ke. Xatcꞌulun. Anakcuan ut chikajunilo cuanco arin chiru li Dios chirabinquil chixjunil li cꞌaꞌru ta̱ye ke li xye chak a̱cue li Dios, chan laj Cornelio re laj Pedro.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Li xHu LAJ JOB 23:12

La̱in incꞌaꞌ xincanab xba̱nunquil li naxye saꞌ lix chakꞌrab. Junelic ban xinba̱nu li kataklanquil xban.

Hechos 17:1

Nak yo̱queb chi xic laj Pablo ut laj Silas queꞌnumeꞌ Anfípolis ut Apolonia. Ut chirix aꞌan, queꞌcuulac Tesalónica bar cuan cuiꞌ jun li cab li nequeꞌxchꞌutub cuiꞌ ribeb laj judío.

Hechos 11:1

Ut queꞌrabi resil eb li apóstol ut eb laj pa̱banel li cuanqueb Judea nak eb li ma̱cuaꞌeb aj judío yo̱queb ajcuiꞌ chixpa̱banquil li ra̱tin li Dios.

San Lucas 16:29

Laj Abraham quixye re: “Cuan riqꞌuineb li hu li tzꞌi̱banbil xban laj Moisés, ut eb li profeta. Cheꞌxqꞌuehak retal li cꞌaꞌru tzꞌi̱banbil saꞌ li hu aꞌan,” chan.

Jeremías 2:21

La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Deuteronomio 29:29

Cuan li naꞌleb li incꞌaꞌ quixcꞌutbesi chiku li Ka̱cuaꞌ xban nak aꞌan re li Ka̱cuaꞌ li kaDios. Abanan li cꞌaꞌru quixcꞌutbesi chiku, aꞌan ke la̱o ut reheb li kalal kacꞌajol li teꞌcua̱nk mokon re nak takaba̱nu li cꞌaꞌru naxye saꞌ li chakꞌrab aꞌin.

San Lucas 1:2

Li queꞌcꞌutuc chak chiku, aꞌan eb li tzꞌakal queꞌiloc chak re riqꞌuin xnakꞌeb ru chanru quicꞌulman chalen nak quixtiquib chak lix cꞌanjel ut queꞌxchꞌolob lix ya̱lal.

San Lucas 11:3

Chaqꞌue taxak ke li kacua kucꞌa chi cuulaj cuulaj.