Hechos 17:10 - Li Santil hu

¹⁰ Saꞌ ajcuiꞌ li kꞌojyi̱n aꞌan eb laj pa̱banel li cuanqueb aran queꞌrisi laj Pablo ut laj Silas saꞌ li tenamit aꞌan ut queꞌxtaklaheb toj Berea. Nak queꞌcuulac aran, queꞌco̱eb saꞌ li cab li nequeꞌxchꞌutub cuiꞌ ribeb laj judío.

Q'eqchi Bible

¹⁰ Sa' ajwi' li q'oqyink a'an, eb' laj paab'anel tikto ke'xtaqla laj Pablo ut laj Silas toj Berea. Ut eb' a'an, naq ke'wulak, koxe'okaq sa' xch'utleb'aal kab'l eb' laj Judiiy.

Hechos 17:10 ပူးပေါင်းရင်းမြစ်များ

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

Hechos 17:2

Laj Pablo qui-oc saꞌ li cab li nequeꞌxchꞌutub cuiꞌ ribeb laj judío joꞌ cꞌaynak chixba̱nunquil. Oxib li hiloba̱l cutan quixnumsi aran ut yo̱ chixchꞌolobanquil chiruheb lix ya̱lal li naxye saꞌ li Santil Hu.

Hechos 20:4

Qui-ochbeni̱c toj Asia xbaneb laj Sópater li ralal laj Pirro, Berea xtenamit; laj Aristarco ut laj Segundo, Tesalónica xtenamiteb; ut laj Gayo, Derbe xtenamit; rochbeneb laj Timoteo, laj Tíquico ut laj Trófimo, Asia xtenamiteb.

Hechos 9:25

Ut eb laj pa̱banel queꞌxqꞌue saꞌ jun nimla chacach ut chiru kꞌojyi̱n queꞌxcubsi chirix li tzꞌac. Joꞌcan nak quicoleꞌ laj Saulo chiruheb li queꞌajoc re xcamsinquil.

1 Samuel 20:42

Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

Hechos 15:22

Eb li apóstol, ut eb laj cꞌamol be rochbeneb chixjunileb laj pa̱banel queꞌxsicꞌ ruheb li teꞌxtakla Antioquía chirixeb laj Pablo ut laj Bernabé. Ut queꞌxsiqꞌueb ru laj Silas ut laj Judas, aj Barsabás nequeꞌxye ajcuiꞌ re. Eb li cui̱nk aꞌin qꞌuebileb xcuanquil xbaneb li rech aj pa̱banelil.

Hechos 17:1

Nak yo̱queb chi xic laj Pablo ut laj Silas queꞌnumeꞌ Anfípolis ut Apolonia. Ut chirix aꞌan, queꞌcuulac Tesalónica bar cuan cuiꞌ jun li cab li nequeꞌxchꞌutub cuiꞌ ribeb laj judío.

Hechos 17:4

Cuanqueb aj judío queꞌpa̱ban ut queꞌcana chirochbeninquil laj Pablo ut laj Silas. Joꞌcan ajcuiꞌ queꞌxba̱nu nabaleb laj griego li nequeꞌxlokꞌoni li Dios. Ut nabaleb li ixk li naꞌno̱queb ru queꞌpa̱ban.

Hechos 17:6

Queꞌril nak incꞌaꞌ queꞌxtau laj Pablo ut laj Silas. Queꞌxchap laj Jasón rochben cuib oxibeb laj pa̱banel ut queꞌxcꞌam chiruheb li nequeꞌtaklan saꞌ li tenamit. Japjo̱queb re chixyebal: —Eb li cui̱nk aꞌin, yo̱queb chixpoꞌbal xchꞌo̱leb li tenamit saꞌ chixjunil li ruchichꞌochꞌ ut anakcuan xeꞌchal arin chixpoꞌbal xchꞌo̱leb li katenamit.