Hechos 16:9 - Li Santil hu

⁹ Nak cuanqueb aran saꞌ jun li kꞌojyi̱n quicꞌuteꞌ jun li visión chiru laj Pablo. Jun li cui̱nk aj Macedonia xakxo chiru nak quiril. Yo̱ chixtzꞌa̱manquil chiru ut quixye re: —Cha̱lkat saꞌ katenamit Macedonia ut choa̱tenkꞌa, chuꞌux re nak quiril.

Q'eqchi Bible

⁹ Ut chiru li q'oqyink laj Pablo kiril jun li moy u: wank jun li winq aj Macedonia chi xaqxo, yo chi xtz'aamankil chiru: “Numen chaq Macedonia ut tenq'aho”, chan re.

Hechos 16:9 ပူးပေါင်းရင်းမြစ်များ

Hechos 19:21

Nak ac xnumeꞌ chixjunil aꞌin, laj Pablo quixcꞌoxla xic toj Jerusalén, nak acak xbeni chak Macedonia ut Acaya. Quixye: —Nak acak xinnumeꞌ aran, tento ajcuiꞌ tinxic Roma chirilbaleb laj pa̱banel li cuanqueb aran, chan.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

Hechos 20:1

Ut nak ac xnumeꞌ li mululij ib, laj Pablo quixbokeb laj pa̱banel riqꞌuin. Quixqꞌueheb xnaꞌleb, quixkꞌaluheb, quixchakꞌrabiheb ut co̱ Macedonia.

1 Ts 4:10

Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan.

2 Corintios 12:7

Li Dios incꞌaꞌ quiraj nak tinnimobresi cuib xban li kꞌaxal lokꞌ quilajxcꞌutbesi chak chicuu. Joꞌcan nak quiqꞌueheꞌ jun li raylal saꞌ inbe̱n. Chanchan li cuan qꞌuix saꞌ intibel nak nacuecꞌa. Aꞌan xtakl laj tza re inrahobtesinquil. Cuan li raylal aꞌin re nak incꞌaꞌ tinnimobresi cuib.

2 Corintios 11:9

Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

2 Corintios 9:2

Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

2 Corintios 8:1

Anakcuan, ex inherma̱n, nacuaj nak tinserakꞌi e̱re chanru nak li Dios riqꞌuin xnimal ruxta̱n yo̱ chixtenkꞌanquileb laj pa̱banel li cuanqueb Macedonia chixba̱nunquil li usilal.

2 Corintios 7:5

Chalen kacꞌulunic arin Macedonia ma̱ bar naru nocohilan. Yalak bar nocorahobtesi̱c ut nequeꞌraj pletic kiqꞌuin. Ut yo̱ ajcuiꞌ kacꞌaꞌux che̱rix la̱ex.

Hechos 20:3

Oxib po quicuan aran Grecia ut xic raj re Siria chiru haꞌ nak quirabi resil nak eb laj judío teꞌxram saꞌ xbe. Joꞌcan nak co̱ cuiꞌchic Macedonia.

Hechos 10:30

Quichakꞌoc laj Cornelio ut quixye: —Ca̱hib cutan anakcuan joꞌcaꞌin ajcuiꞌ ho̱nal nak yo̱quin chi ayunic ut chi tijoc saꞌ li cuochoch. Oxib o̱r re ecuu quixcꞌutbesi rib chicuu jun li cui̱nk nalemtzꞌun li rakꞌ.

Hechos 10:3

Saꞌ jun li cutan saꞌ oxib o̱r tana re ecuu laj Cornelio quiril saꞌ visión nak qui-oc jun li ángel riqꞌuin ut quixye re: —At Cornelio, chan.

Hechos 9:38

Li tenamit Jope nachꞌ cuan riqꞌuin li tenamit Lida bar cuan cuiꞌ laj Pedro. Eb laj pa̱banel queꞌrabi nak cuan aran. Queꞌxtakla cuib li cui̱nk chixbokbal. —Cha̱lkat chi junpa̱t kiqꞌuin, chanqueb re laj Pedro.

Hechos 16:10

Ut nak ac xcꞌuteꞌ li visión chiru laj Pablo, saꞌ junpa̱t quikacauresi kib la̱o chi xic Macedonia. Kanau chi tzꞌakal nak li Dios yo̱ chi takla̱nc ke aran chixyebal resil li colba-ib reheb li cuanqueb aran.

Hechos 16:12

Chirix aꞌan co̱o Macedonia saꞌ li nimla tenamit Filipos. Li tenamit aꞌan cuan xcue̱nt Roma. Cocuan cuib oxib cutan saꞌ li tenamit aꞌan.

Hechos 19:22

Joꞌcan nak quixtaklaheb Macedonia laj Timoteo ut laj Erasto, li nequeꞌtenkꞌan re. Ut laj Pablo toj quicana aran Asia.

Hechos 19:29

Cꞌajoꞌ nak queꞌjoskꞌoꞌ li tenamit. Incꞌaꞌ chic jultiqueb re cꞌaꞌru nequeꞌxba̱nu. Jun xiquiqueb nak co̱eb chixsicꞌbal laj Gayo ut laj Aristarco li queꞌchal chak Macedonia rochben laj Pablo. Ut quelonbileb nak queꞌcꞌameꞌ toj saꞌ li naꞌajej li nequeꞌxchꞌutub cuiꞌ ribeb.

Hechos 27:2

Co-oc saꞌ jun li jucub li quichal chak saꞌ li tenamit Adramitio. Li jucub aꞌan ac xic re. Co̱o kochben laj Aristarco li quichal chak Tesalónica xcue̱nt Macedonia. Li jucub ta̱numekꞌ chixcꞌatk eb li naꞌajej xcue̱nt Asia.

Deuteronomio 30:13

Chi moco jun pacꞌal li palau cuan chak, re nak te̱ye: ¿Ani takatakla jun pacꞌal li palau re ta̱xic chixcꞌambal chak li chakꞌrab ut tixye ke cꞌaꞌru naxye re nak naru takaba̱nu?