Hechos 16:2 - Li Santil hu

² Cha̱bil nequeꞌxye chirix laj Timoteo eb laj pa̱banel li cuanqueb Listra ut Iconio.

Q'eqchi Bible

² Eb' laj paab'anel li wankeb' Listra ut Ikonio chaab'il esil neke'xye chirix laj Timoteo.

Hechos 16:2 ပူးပေါင်းရင်းမြစ်များ

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

Hebreos 11:2

Li Dios quisahoꞌ xchꞌo̱l riqꞌuineb li kaxeꞌto̱nil yucuaꞌ xban nak queꞌpa̱ban.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.

1 Timoteo 3:7

Ut tento ajcuiꞌ nak cha̱bilak resil lix naꞌleb yalak bar xbaneb li toj ma̱jiꞌ nequeꞌpa̱ban. Ma̱cꞌaꞌak xkꞌusbal re nak incꞌaꞌ tixqꞌue rib chi a̱le̱c xban laj tza.

Hechos 16:40

Nak queꞌel saꞌ tzꞌalam laj Pablo ut laj Silas, coxeꞌocak saꞌ rochoch lix Lidia. Nak ac xeꞌril ruheb laj pa̱banel, queꞌxqꞌue xcacuilal xchꞌo̱leb ut queꞌco̱eb.

Hechos 14:21

Nak queꞌxchꞌolob resil li colba-ib saꞌ li tenamit Derbe, nabaleb queꞌpa̱ban. Chirix chic aꞌan queꞌsukꞌi cuiꞌchic saꞌ eb li tenamit Listra, Iconio ut Antioquía.

Hechos 13:51

Laj Pablo ut laj Bernabé queꞌxchikꞌchikꞌi li poks chi rokeb nak queꞌel saꞌ li tenamit re xcꞌutbal nak incꞌaꞌ us queꞌxba̱nu reheb. Ut chirix aꞌan queꞌco̱eb Iconio.

Hechos 6:3

Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

1 Timoteo 5:25

Ut cuan ajcuiꞌ li nequeꞌba̱nun re li cha̱bilal. Cuan nak nacꞌutun li cha̱bilal nequeꞌxba̱nu ut cuan nak incꞌaꞌ nacꞌutun. Abanan, toj mokon chic ta̱cꞌutu̱nk li us nequeꞌxba̱nu.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Hechos 14:1

Nak queꞌcuulac Iconio, laj Pablo ut laj Bernabé queꞌoc saꞌ li cab li nequeꞌxchꞌutub cuiꞌ ribeb laj judío. Queꞌxchꞌolob lix ya̱lal chiruheb ut nabaleb aj judío queꞌpa̱ban joꞌqueb ajcuiꞌ li ma̱cuaꞌeb aj judío.

Hechos 14:6

Abanan laj Pablo ut laj Bernabé queꞌrabi resil li yo̱queb chixcꞌu̱banquil ut queꞌe̱lelic chiruheb. Co̱eb saꞌ eb li tenamit Listra ut Derbe xcue̱nt Licaonia ut queꞌco̱eb ajcuiꞌ saꞌ eb li cꞌaleba̱l li cuanqueb chi xjun sutam.

Filipenses 2:22

Ac nequenau nak cha̱bil xnaꞌleb laj Timoteo. Nequenau chanru nak naxqꞌue xchꞌo̱l chi cꞌanjelac cuochben chixyebal resil li colba-ib. Ninxtenkꞌa joꞌ junak alalbej naxtenkꞌa lix yucuaꞌ.