Hechos 16:16 - Li Santil hu

¹⁶ Saꞌ jun li cutan yo̱co chi xic chi tijoc nak kacꞌul jun li xkaꞌal aj kꞌe. Cuan ma̱us aj musikꞌej riqꞌuin. Aꞌan jun mo̱s ut naxsicꞌ nabal xtumin lix patrón riqꞌuin kꞌehi̱nc.

Q'eqchi Bible

¹⁶ Sa' jun li kutan, naq yooko chi xik sa' li na'ajej na'uxk wi' li tijok, kichalk chi qak'ulb'al jun li ixqa'al wank musiq'ej re q'ehink rik'in: naab'al li tumin neke'xk'ul eb' laj eechal re rik'in li q'ehink naxb'aanu.

Hechos 16:16 ပူးပေါင်းရင်းမြစ်များ

Levítico 19:31

Me̱sicꞌ le̱ naꞌleb riqꞌuineb li nequeꞌa̱tinan musikꞌej chi moco te̱sicꞌ riqꞌuineb laj kꞌe. Cui te̱ba̱nu aꞌan, te̱mux e̱rib. La̱in li Ka̱cuaꞌ le̱ Dios xinyehoc re aꞌin.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

1 Samuel 28:7

Laj Saúl quixbokeb li nequeꞌtaklan saꞌ xbe̱neb lix soldados. Quixye reheb: —Sicꞌomak chak junak li ixk aj kꞌe ut la̱in tinxic chi a̱tinac riqꞌuin aꞌan, chan. Eb li cui̱nk queꞌxye re: —Cuan jun li ixk aj kꞌe aran Endor li naxnau kꞌehi̱nc, chanqueb.

1 Timoteo 6:10

Li xrahinquil ru li tumin, aꞌan xxeꞌ xto̱nal chixjunil li ma̱usilal. Cuanqueb li queꞌxtzꞌekta̱na lix pa̱ba̱l xban xrahinquil ru li tumin. Ut qꞌuila raylal queꞌxbok saꞌ xbe̱neb. Ut nequeꞌyotꞌotꞌnac saꞌ xchꞌo̱leb riqꞌuin li incꞌaꞌ us nequeꞌxba̱nu.

2 Timoteo 3:8

Eb a cui̱nk aꞌan yo̱queb chixba̱nunquil joꞌ queꞌxba̱nu laj Janes ut laj Jambres nak queꞌxcuechꞌi rix laj Moisés. Nequeꞌxtzꞌekta̱na li ya̱l. Incꞌaꞌ useb lix naꞌlebeb ut ma̱cꞌaꞌ nequeꞌoc cuiꞌ xban nak tzꞌekta̱nanbil li pa̱ba̱l xbaneb.

Hechos 16:18

Nabal cutan quixba̱nu chi joꞌcan. Nak ac xtitzꞌ chirabinquil, laj Pablo quixxakab rib, ut quiril li xkaꞌal, ut quixye re li ma̱us aj musikꞌej: —Saꞌ xcꞌabaꞌ li Ka̱cuaꞌ Jesucristo, tinye a̱cue: Elen riqꞌuin li xkaꞌal aꞌin, chan. Ut saꞌ ajcuiꞌ li ho̱nal aꞌan, li ma̱us aj musikꞌej qui-el riqꞌuin.

Hechos 16:13

Ut saꞌ li hiloba̱l cutan co̱o chire li tenamit cuan cuiꞌ jun li nimaꞌ saꞌ li naꞌajej li nequeꞌtijoc cuiꞌ eb laj judío. Cocꞌojla ut co-oc chixyebal resil li colba-ib reheb li ixk li queꞌchꞌutla aran.

1 Samuel 28:3

Laj Samuel ac quicam ut eb laj Israel queꞌrahoꞌ xchꞌo̱leb ut queꞌya̱bac chirix. Aran Ramá queꞌxmuk saꞌ lix tenamit. Ut laj Saúl ac xrisiheb aran Judá eb laj kꞌe ut eb laj ilonel.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Hechos 19:24

Jun li cui̱nk aj tenol plata, aj Demetrio xcꞌabaꞌ. Aꞌan naxyi̱b riqꞌuin plata li cocꞌ ochoch re lix Diana lix dioseb. Ut nabal li tumin nequeꞌxcꞌul li nequeꞌtrabajic rochben.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

Levítico 20:27

Cui cuanqueb cui̱nk ut ixk saꞌ e̱ya̱nk li naa̱tinac riqꞌuineb li musikꞌej malaj ut nakꞌehin, tento nak teꞌcamsi̱k chi pec. Ut eb aꞌan cuanqueb xma̱c nak teꞌcamsi̱k.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

Hechos 16:19

Nak queꞌxqꞌue retal lix patrón li xkaꞌal nak incꞌaꞌ chic ta̱ru̱k tixsicꞌ xtumineb, queꞌxchap laj Pablo ut laj Silas ut queꞌxcꞌam saꞌ po̱pol chiruheb laj rakol a̱tin.