Hechos 16:12 - Li Santil hu

¹² Chirix aꞌan co̱o Macedonia saꞌ li nimla tenamit Filipos. Li tenamit aꞌan cuan xcue̱nt Roma. Cocuan cuib oxib cutan saꞌ li tenamit aꞌan.

Q'eqchi Bible

¹² Koo'elk aran ut kooq'axonk Filipos, a'an jun li kolonia wank rub'el xwankil Roma ut xnimal ru tenamit sa' xteepal Macedonia. Sa' li tenamit a'an kookanaak wiib' oxib' kutan.

Hechos 16:12 ပူးပေါင်းရင်းမြစ်များ

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

Filipenses 1:1

La̱in laj Pablo. Yo̱quin chixtzꞌi̱banquil li hu aꞌin cuochben laj Timoteo. La̱o aj cꞌanjel chiru li Jesucristo. Li hu aꞌin, aꞌan e̱re la̱ex li nequexcꞌamoc be saꞌ xya̱nkeb laj pa̱banel aran Filipos ut e̱re ajcuiꞌ la̱ex li nequextenkꞌan saꞌ li cꞌanjel aran. Ut e̱re ajcuiꞌ che̱junilex la̱ex aj pa̱banel aran Filipos, li junaj chic e̱ru riqꞌuin li Jesucristo.

Hechos 20:6

La̱o toj kanumsi li ninkꞌe nak nacuaꞌeꞌ li caxlan cua ma̱cꞌaꞌ xchꞌamal. Chirix aꞌan co̱o aran Filipos chiru haꞌ. Nak ac xnumeꞌ o̱b cutan coxeꞌkatau aran Troas, ut cocana cuukub cutan aran.

Hechos 16:21

Yo̱queb chixcꞌutbal jalan naꞌleb saꞌ li katenamit. La̱o incꞌaꞌ naru nakacꞌul chi moco naru takaba̱nu li nequeꞌxye xban nak la̱o aj Roma, chanqueb.

Hechos 16:9

Nak cuanqueb aran saꞌ jun li kꞌojyi̱n quicꞌuteꞌ jun li visión chiru laj Pablo. Jun li cui̱nk aj Macedonia xakxo chiru nak quiril. Yo̱ chixtzꞌa̱manquil chiru ut quixye re: —Cha̱lkat saꞌ katenamit Macedonia ut choa̱tenkꞌa, chuꞌux re nak quiril.

Hechos 16:10

Ut nak ac xcꞌuteꞌ li visión chiru laj Pablo, saꞌ junpa̱t quikacauresi kib la̱o chi xic Macedonia. Kanau chi tzꞌakal nak li Dios yo̱ chi takla̱nc ke aran chixyebal resil li colba-ib reheb li cuanqueb aran.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.

Hechos 19:21

Nak ac xnumeꞌ chixjunil aꞌin, laj Pablo quixcꞌoxla xic toj Jerusalén, nak acak xbeni chak Macedonia ut Acaya. Quixye: —Nak acak xinnumeꞌ aran, tento ajcuiꞌ tinxic Roma chirilbaleb laj pa̱banel li cuanqueb aran, chan.

Hechos 19:29

Cꞌajoꞌ nak queꞌjoskꞌoꞌ li tenamit. Incꞌaꞌ chic jultiqueb re cꞌaꞌru nequeꞌxba̱nu. Jun xiquiqueb nak co̱eb chixsicꞌbal laj Gayo ut laj Aristarco li queꞌchal chak Macedonia rochben laj Pablo. Ut quelonbileb nak queꞌcꞌameꞌ toj saꞌ li naꞌajej li nequeꞌxchꞌutub cuiꞌ ribeb.

Hechos 20:1

Ut nak ac xnumeꞌ li mululij ib, laj Pablo quixbokeb laj pa̱banel riqꞌuin. Quixqꞌueheb xnaꞌleb, quixkꞌaluheb, quixchakꞌrabiheb ut co̱ Macedonia.

Hechos 20:3

Oxib po quicuan aran Grecia ut xic raj re Siria chiru haꞌ nak quirabi resil nak eb laj judío teꞌxram saꞌ xbe. Joꞌcan nak co̱ cuiꞌchic Macedonia.

Hechos 27:2

Co-oc saꞌ jun li jucub li quichal chak saꞌ li tenamit Adramitio. Li jucub aꞌan ac xic re. Co̱o kochben laj Aristarco li quichal chak Tesalónica xcue̱nt Macedonia. Li jucub ta̱numekꞌ chixcꞌatk eb li naꞌajej xcue̱nt Asia.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

Filipenses 1:5

Nasahoꞌ saꞌ inchꞌo̱l xban nak chalen nak xexpa̱ban xeqꞌue e̱chꞌo̱l chintenkꞌanquil xyebal resil li colba-ib toj chalen anakcuan.