Hechos 15:9 - Li Santil hu

⁹ Moco jalan ta chic li colba-ib li xqꞌue ke la̱o chiru li xqꞌue reheb aꞌan. Quixcuy quixsach lix ma̱queb xban nak xeꞌpa̱ban.

Q'eqchi Bible

⁹ Moko jalan ta kixb'aanu qe laa'o, jalan ta kixb'aanu reheb' a'an, xb'aan naq kixch'ajob'resi li xch'ooleb' xb'aan li paab'aal.

Hechos 15:9 ပူးပေါင်းရင်းမြစ်များ

Efesios 3:6

Li xya̱lal li naꞌleb li mukmu nak quicuan chak junxil, aꞌan aꞌin: nak la̱ex li ma̱cuaꞌex aj judío, textzꞌako̱nk li colba-ib li naxqꞌue li Dios kochben la̱o aj judío. La̱ex ralal xcꞌajolex ajcuiꞌ li Dios ut textzꞌako̱nk ajcuiꞌ riqꞌuin li yechiꞌinbil ke xban li Dios xban nak colbilex chic saꞌ xcꞌabaꞌ li Cristo.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.

Hechos 11:12

Ut li Santil Musikꞌej quixye cue nak tinxic chirixeb chi ma̱cꞌaꞌ incꞌaꞌux. Ut queꞌco̱eb ajcuiꞌ chicuix cuakib li herma̱n. Ut co-oc saꞌ rochoch jun li cui̱nk.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Hechos 10:34

Quixtiquib a̱tinac laj Pedro ut quixye: —Anakcuan xinqꞌue retal chi tzꞌakal nak li Dios incꞌaꞌ naxsicꞌ ru li ani naxra.

1 Corintios 7:18

Cui junak ac xcꞌul li circuncisión nak ta̱pa̱ba̱nk, li jun aꞌan incꞌaꞌ tixcꞌoxla xjalbal li retalil li circuncisión. Ut cui junak ta̱pa̱ba̱nk ut toj ma̱jiꞌ naxcꞌul li circuncisión, li jun aꞌan incꞌaꞌ ajcuiꞌ tento nak tixcꞌul li circuncisión.

Romanos 9:24

La̱o sicꞌbil ku xban li Dios. Cuan sicꞌbileb chak ru saꞌ xya̱nkeb laj judío ut cuan sicꞌbileb chak ru saꞌ xya̱nkeb li ma̱cuaꞌeb aj judío.

Romanos 3:9

¿Cꞌaꞌru takaye chirix aꞌin? ¿Ma kꞌaxal cha̱bilo ta biꞌ la̱o aj judío chiruheb li ma̱cuaꞌeb aj judío? Relic chi ya̱l nak incꞌaꞌ. Chikajunilo ban la̱o aj ma̱co, la̱o aj judío joꞌqueb ajcuiꞌ li ma̱cuaꞌeb aj judío.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

Hechos 14:1

Nak queꞌcuulac Iconio, laj Pablo ut laj Bernabé queꞌoc saꞌ li cab li nequeꞌxchꞌutub cuiꞌ ribeb laj judío. Queꞌxchꞌolob lix ya̱lal chiruheb ut nabaleb aj judío queꞌpa̱ban joꞌqueb ajcuiꞌ li ma̱cuaꞌeb aj judío.

Hechos 10:15

Ut quixye cuiꞌchic li yo̱ chi a̱tinac: —La̱at incꞌaꞌ naru nacacꞌoxla nak incꞌaꞌ us ta̱tzaca li cꞌaꞌru xye li Dios nak us ta̱tzaca, chan.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

Ezequiel 47:22

Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.