Hechos 15:5 - Li Santil hu

⁵ Abanan cuanqueb cuib oxib laj pa̱banel aj fariseo. Eb aꞌan queꞌxye: —Eb laj pa̱banel li ma̱cuaꞌeb aj judío, tento teꞌxba̱nu li circuncisión. Tento teꞌxba̱nu li cꞌaꞌru naxye li chakꞌrab li quixqꞌue ke laj Moisés, chanqueb.

Q'eqchi Bible

⁵ Ab'anan wankeb' xkomoneb' laj Pariseey li xq'axtesihomeb' rib' sa' li tz'aqal paab'aal, ke'xaqliik chi xyeeb'al: —Tento naq eb' li maawa'eb' aj Judiiy te'xk'ul li sirkunsisyon. Tento ajwi' xpatz'b'al reheb' naq te'xpaab' li xChaq'rab' laj Moisés.

Hechos 15:5 ပူးပေါင်းရင်းမြစ်များ

Hechos 15:1

Cuanqueb aj pa̱banel queꞌchal chak Judea. Queꞌoc chixyebal reheb laj pa̱banel: —Incꞌaꞌ naru texcolekꞌ cui incꞌaꞌ te̱ba̱nu li circuncisión joꞌ naxye li chakꞌrab li quiqꞌueheꞌ re laj Moisés, chanqueb.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

Hechos 15:24

Xkabi resil nak cuanqueb li xeꞌel arin saꞌ kaya̱nk ut xeꞌco̱eb aran saꞌ le̱ tenamit che̱chꞌiꞌchꞌiꞌinquil ut chixpoꞌbal e̱chꞌo̱l riqꞌuin li cꞌaꞌru nequeꞌxye. Abanan moco la̱o ta xotaklan reheb.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Hechos 5:17

Ut li xyucuaꞌil aj tij ut eb laj saduceo li cuanqueb rochben, cꞌajoꞌ nak queꞌoc xcakalinquileb li apóstol.

Hechos 24:14

La̱in tinye xya̱lal a̱cue. Ninlokꞌoni li Dios li queꞌxlokꞌoni chak li kaxeꞌto̱nil yucuaꞌ. Ninpa̱b li evangelio li nequeꞌxye nak moco ya̱l ta. Ninpa̱b chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés, joꞌ ajcuiꞌ li queꞌxtzꞌi̱ba li profetas.

Hechos 28:22

Takaj rabinquil cꞌaꞌru nacacꞌoxla chirix aꞌan xban nak kabiom nak yalak bar xicꞌ nequeꞌrabi li tijleb chirix li Jesús, chanqueb.

1 Corintios 7:18

Cui junak ac xcꞌul li circuncisión nak ta̱pa̱ba̱nk, li jun aꞌan incꞌaꞌ tixcꞌoxla xjalbal li retalil li circuncisión. Ut cui junak ta̱pa̱ba̱nk ut toj ma̱jiꞌ naxcꞌul li circuncisión, li jun aꞌan incꞌaꞌ ajcuiꞌ tento nak tixcꞌul li circuncisión.

Gálatas 2:11

Nak quicuulac laj Pedro Antioquía, la̱in quinkꞌus xban nak incꞌaꞌ us li yo̱ chixba̱nunquil.

Gálatas 2:14

Nak quinqꞌue retal nak incꞌaꞌ yo̱queb chixba̱nunquil joꞌ naraj li evangelio, chiruheb chixjunileb laj pa̱banel quinye re laj Pedro: “Ya̱l nak la̱at aj judío chalen chak saꞌ la̱ yoꞌlajic, abanan ac junxil xacanab xba̱nunquil li cꞌaynakeb chixba̱nunquil laj judío. ¿Cꞌaꞌut nak nacamineb ru li ma̱cuaꞌeb laj judío chixba̱nunquil joꞌ nequeꞌxba̱nu laj judío?” chanquin re.