Hechos 15:4 - Li Santil hu

⁴ Ut nak queꞌcuulac Jerusalén, queꞌcꞌuleꞌ xbaneb li apóstol, eb laj cꞌamol be joꞌqueb ajcuiꞌ chixjunileb laj pa̱banel. Ut queꞌxserakꞌi reheb chanru nak li Dios quixtenkꞌaheb riqꞌuin li cꞌanjel queꞌxba̱nu.

Q'eqchi Bible

⁴ Naq laj Pablo ut laj Bernabé ke'wulak Jerusalén, ke'k'ule'k xb'aan li Iklees, xb'aaneb' li apóstol ut eb' li cheekel winq, ut ke'xseeraq'i chixjunil li kilajxb'aanu li Yos rochb'eeneb' a'an.

Hechos 15:4 ပူးပေါင်းရင်းမြစ်များ

Hechos 15:12

Queꞌxcanab a̱tinac chixjunileb li chꞌutchꞌu̱queb aran ut queꞌoc chirabinquil nak laj Pablo ut laj Bernabé yo̱queb chixserakꞌinquil chanru nak li Dios quixtenkꞌaheb chixba̱nunquil li milagro ut li sachba chꞌo̱lej saꞌ xya̱nkeb li ma̱cuaꞌeb aj judío.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

Hechos 15:3

Queꞌtakla̱c xbaneb laj pa̱banel aran Antioquía. Nak yo̱queb chi numecꞌ Fenicia ut Samaria, queꞌxye resil nak queꞌpa̱ban li ma̱cuaꞌeb aj judío. Ut cꞌajoꞌ nak queꞌsahoꞌ saꞌ xchꞌo̱leb chixjunileb laj pa̱banel rabinquil nak yo̱queb chi pa̱ba̱nc.

Romanos 15:18

Ma̱cꞌaꞌ inxiu chixyebal resil li cꞌanjel xinba̱nu saꞌ xcꞌabaꞌ li Cristo nak xincꞌanjelac saꞌ xya̱nkeb li ma̱cuaꞌeb aj judío xban nak ma̱cuaꞌ injunes xincꞌanjelac. Li Jesucristo xtenkꞌan cue nak xincꞌameb xbe re nak teꞌxpa̱b li Dios riqꞌuin lin yehom inba̱nuhom.

Hechos 21:17

Nak cocuulac Jerusalén, eb laj pa̱banel coeꞌxcꞌul chi saheb saꞌ xchꞌo̱l.

2 Juan 1:10

Cui nacuulac junak e̱riqꞌuin ut nequenau nak jalan li yo̱ chixchꞌolobanquil che̱ru chiru li quixchꞌolob li Jesucristo, me̱cꞌul saꞌ le̱ rochoch chi moco te̱ye re nak li Dios chi-osobtesi̱nk re.

Colosenses 4:10

Laj Aristarco li cuochben nak cuanco saꞌ tzꞌalam naxtakla ajcuiꞌ xsahil e̱chꞌo̱l. Naxtakla ajcuiꞌ xsahil e̱chꞌo̱l laj Marcos li rechꞌalal laj Bernabé. Ac xintakla xyebal e̱re nak ta̱cuulak laj Marcos e̱riqꞌuin. Nak ta̱cuulak e̱riqꞌuin, checꞌulak saꞌ xya̱lal chi sa saꞌ e̱chꞌo̱l.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Romanos 15:7

Checꞌulak saꞌ e̱ya̱nk chi sa saꞌ e̱chꞌo̱l le̱ rech aj pa̱banelil joꞌ nak li Cristo coxcꞌul la̱o. Joꞌcan cheba̱nuhak re xqꞌuebal xlokꞌal li Dios.

Hechos 21:19

Ut nak ac xqꞌueheb xsahil xchꞌo̱l, laj Pablo quixserakꞌi reheb chixjunil li quixba̱nu li Dios saꞌ xya̱nkeb li ma̱cuaꞌeb aj judío nak yo̱ chi cꞌanjelac saꞌ xya̱nkeb.

Hechos 18:27

Nak ac yo̱ xcꞌoxlanquil xic laj Apolos aran Acaya, eb laj pa̱banel queꞌxqꞌue xcacuil xchꞌo̱l re ta̱xic. Ut queꞌxtzꞌi̱ba jun li hu ut queꞌxtakla reheb laj pa̱banel li cuanqueb aran. Queꞌxye reheb nak teꞌxcꞌul chi sa saꞌ xchꞌo̱l. Ut nak quicuulac aran, laj Apolos quixtenkꞌaheb chi cha̱bil li ac xeꞌpa̱ban xban rusilal li Dios.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

Hechos 11:30

Ut joꞌcan queꞌxba̱nu. Queꞌxtakla lix tenkꞌal chirixeb laj Bernabé ut laj Saulo re nak teꞌxkꞌaxtesi saꞌ rukꞌeb li nequeꞌcꞌamoc be saꞌ xya̱nkeb laj pa̱banel li cuanqueb Judea.

Hechos 15:2

Riqꞌuin aꞌan queꞌxtiquib xcuechꞌinquil ribeb riqꞌuin laj Pablo ut laj Bernabé chirix li naꞌleb aꞌin. Ut queꞌxcꞌu̱b ru nak laj Pablo ut laj Bernabé teꞌxic Jerusalén chixpatzꞌbal reheb li apóstol ut reheb laj cꞌamol be ma tento nak teꞌxcꞌul li circuncisión re nak teꞌcolekꞌ. Cuanqueb ajcuiꞌ cuib oxib laj pa̱banel co̱eb chirixeb.

Hechos 15:6

Queꞌxchꞌutub ribeb li apóstol ut eb laj cꞌamol be chixsicꞌbal cꞌaꞌru teꞌxba̱nu riqꞌuin li chꞌaꞌajquilal aꞌin.

Hechos 15:22

Eb li apóstol, ut eb laj cꞌamol be rochbeneb chixjunileb laj pa̱banel queꞌxsicꞌ ruheb li teꞌxtakla Antioquía chirixeb laj Pablo ut laj Bernabé. Ut queꞌxsiqꞌueb ru laj Silas ut laj Judas, aj Barsabás nequeꞌxye ajcuiꞌ re. Eb li cui̱nk aꞌin qꞌuebileb xcuanquil xbaneb li rech aj pa̱banelil.

Hechos 16:4

Ut nak yo̱queb chi numecꞌ saꞌ li junju̱nk chi tenamit, yo̱queb chixyebal reheb laj pa̱banel nak tento teꞌxba̱nu li cꞌaꞌru queꞌxcꞌu̱b ru eb li apóstol joꞌqueb ajcuiꞌ laj cꞌamol be li cuanqueb aran Jerusalén.