Hechos 14:8 - Li Santil hu

⁸ Aran Listra cuan jun li cui̱nk incꞌaꞌ naru nabe̱c. Chalen saꞌ xcaꞌchꞌinal incꞌaꞌ us li rok. Li cui̱nk aꞌan chunchu aran.

Q'eqchi Bible

⁸ K'ojk'o aran jun li winq sik li roq ut yeq chalen chaq sa' xyo'lajik, maajun wa b'eejenaq,

Hechos 14:8 ပူးပေါင်းရင်းမြစ်များ

Hechos 3:2

Rajlal cutan nacꞌameꞌ jun li cui̱nk incꞌaꞌ nabe̱c chalen saꞌ xyoꞌlajic ut naqꞌueheꞌ chire li oqueba̱l re li templo. Lix cꞌabaꞌ li oqueba̱l aꞌan “Chꞌinaꞌus”. Naqꞌueheꞌ li yaj aran re tixtzꞌa̱ma cꞌaꞌru re riqꞌuineb li nequeꞌoc saꞌ li templo.

Hechos 4:9

xban nak yo̱quex chixtzꞌilbal a̱tin saꞌ kabe̱n riqꞌuin li usilal li xcꞌul li cui̱nk aꞌin. Yo̱quex chixpatzꞌbal ke chanru nak quiqꞌuirtesi̱c li cui̱nk aꞌin.

San Juan 5:7

Quixye li cui̱nk: —Ka̱cuaꞌ, nacuaj raj abanan ma̱ ani na-ocsin cue saꞌ li haꞌ nak na-ecꞌasi̱c. Nak yo̱quin chixyalbal oc, jalan chic na-oc xbe̱n cua chicuu, chan.

Hechos 14:6

Abanan laj Pablo ut laj Bernabé queꞌrabi resil li yo̱queb chixcꞌu̱banquil ut queꞌe̱lelic chiruheb. Co̱eb saꞌ eb li tenamit Listra ut Derbe xcue̱nt Licaonia ut queꞌco̱eb ajcuiꞌ saꞌ eb li cꞌaleba̱l li cuanqueb chi xjun sutam.

Hechos 14:21

Nak queꞌxchꞌolob resil li colba-ib saꞌ li tenamit Derbe, nabaleb queꞌpa̱ban. Chirix chic aꞌan queꞌsukꞌi cuiꞌchic saꞌ eb li tenamit Listra, Iconio ut Antioquía.

Hechos 16:1

Laj Pablo quicuulac saꞌ eb li tenamit Derbe ut Listra. Ut aran quixtau jun aj pa̱banel aj Timoteo xcꞌabaꞌ. Lix naꞌ, aꞌan jun aj pa̱banel aj judío ut lix yucuaꞌ, aꞌan aj griego. Ma̱cuaꞌ aj judío.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.